InfoHub Logo

قازاقستاندا 2026 جىلدان باستاپ كولىك جۇرگىزۋ كەزىندە ۇيالى تەلەفوندى پايدالانعان جۇرگىزۋشىلەرگە 5 اەك، ياعني 21 625 تەڭگە ايىپپۇل سالىنادى. بۇل تۋرالى Infohub.kz اقپارات اگەنتتىگى حابارلايدى.

كولىك جۇرگىزۋشىلەرىنە تەك hands-free قۇرىلعىسىمەن تەلەفوندى پايدالانۋعا رۇقسات ەتىلەدى. وسى ەرەجەنى بۇزعان جاعدايدا، جۇرگىزۋشى اكىمشىلىك جاۋاپكەرشىلىككە تارتىلادى.

كامەرالار دا باقىلايدى

2026 جىلدىڭ 12 ناۋرىزىنان باستاپ مۇنداي بۇزۋشىلىقتاردى تەك پوليسيا قىزمەتكەرلەرى عانا ەمەس، جولداعى ارنايى اۆتوماتتى كامەرالار دا تىركەيتىن بولادى. بۇل جۇرگىزۋشىلەردىڭ جول ەرەجەلەرىن ساقتاۋىن قامتاماسىز ەتۋگە باعىتتالعان.

باسقا دا ەرەجە بۇزۋشىلىقتار

ايتا كەتەيىك، قازاقستاندا ەڭ ءجيى كەزدەسەتىن بۇزۋشىلىقتاردىڭ ءبىرى – قاۋىپسىزدىك بەلدىگىن تاقپاي ءجۇرۋ. بۇل ءۇشىن دە 5 اەك، ياعني 21 625 تەڭگە ايىپپۇل قاراستىرىلعان. جول قوزعالىسى ەرەجەسى بويىنشا، جۇرگىزۋشى مەن جولاۋشىلار مىندەتتى تۇردە قاۋىپسىزدىك بەلدىگىن پايدالانۋى ءتيىس.

سونىمەن قاتار، باعدارشامنىڭ تىيىم سالاتىن بەلگىسىمەن نەمەسە رەتتەۋشىنىڭ تىيىم سالاتىن بەلگىسىمەن ءوتۋ 10 اەك، ياعني 43 250 تەڭگەگە باعالانادى. ەگەر بۇل بۇزۋشىلىق ءبىر جىل ىشىندە قايتالانسا، ايىپپۇل 15 اەك، ياعني 64 875 تەڭگەگە دەيىن وسەدى.

ەستەرىڭىزگە سالامىز، ايىپپۇلدى العاشقى 7 كۇن ىشىندە 50% جەڭىلدىكپەن تولەۋگە بولادى.