InfoHub Logo

ازىلكەش تۇرسىنبەك قاباتوۆتىڭ جارى ايمان تالعات قىزى جەلىدەگى جازباسىندا تۇرمىستىق جاعدايىن كورسەتتى. ول ءوزىن «دايىنعا كەلدىڭ» دەپ سىناعاندارعا جاۋاپ بەردى.

بۇل تۋرالى Infohub.kz اقپارات اگەنتتىگى حابارلايدى.

ايماننىڭ جازباسى

ايماننىڭ ايتۋىنشا، ۇيدە اس ءۇي جيھازى ءالى تولىق كەلمەگەن. سوندىقتان كەيبىر شارۋانى ۋاقىتشا قولمەن اتقارىپ ءجۇر. سۋدى دا تاسىپ ءىشىپ وتىرعاندارىن جاسىرمادى. دەگەنمەن، ول مۇنداي جاعدايعا مويىمايتىنىن، كەرىسىنشە شۇكىرشىلىك ەتەتىنىن جەتكىزدى.

«ىدىستى دا قولمەن جۋامىن دەسەم، سەنەسىزدەر مە؟ ءبىراق سولاي. ەسەسىنە رۋحاني بايمىن. نەگىزى نەشە ءتۇرلى اس پىسىرە الامىن، ءبىراق اس ۇيدەگى جيھازىم كەلسىن. سوسىن پاتىرلاتىپ كورسەتىپ، سالىپ وتىرامىن. ازىرگە لاجى وسى. سۋدى دا تاسىپ ءىشىپ ءجۇرمىز. “دايىنعا كەلدىڭ، اسپاننان سالبىراپ ءتۇستىڭ” دەمەڭدەر، اينالايىندار. سوندىقتان ءۇيدىڭ ءار بۇرىشىنىڭ ادەمىلىگى، ءيىسى مەن بەرەكەسى ايەلگە بايلانىستى. جوق دەپ جىلاپ، قايعىرىپ جاتقانىم جوق. كەرىسىنشە، شۇكىر. ادال ەڭبەكپەن كەلگەن ءار بۇرىشتا، ءار زاتتا بەرەكە بار، تۇسىنگەن جانعا. وسى بارىممەن كۇندە تاماق جاساپ، بىرگە ءبولىسىپ وتىرايىق، قالاي؟»، - دەپ جازدى ايمان.

پىكىرلەر

جەلى قولدانۋشىلارى جازباعا ءتۇرلى پىكىر قالدىردى. بىرەۋلەرى قولداۋ بىلدىرسە، ەندى بىرەۋلەرى تۇرمىستىڭ ۋاقىتشا ەكەنىن ايتىپ، سابىرلىق تىلەدى.