InfoHub Logo

كەشە عانا اسەم انىمەن ەلدى ءتانتى ەتكەن اقەركە بۇركىتبايدىڭ شاڭىراعىنا قايعى كەلدى. ءانشىنىڭ ايتۋىنشا، ونىڭ ونەر جولىنا باعىت سىلتەپ، قانات قاقتىرعان ۇستازى سۇلۋحان قوجانتايەۆا دۇنيەدەن وزدى.

بۇل تۋرالى Infohub.kz اقپارات اگەنتتىگى حابارلايدى.

ۇستازعا ارنالعان ساعىنىش

اقەركە بۇركىتباي جەلىدەگى پاراقشاسىندا ۇستازىنا دەگەن ساعىنىشىن جەتكىزدى. ونىڭ ايتۋىنشا، سۇلۋحان اپايى وعان قوبىز ۇيرەتىپ، ونەردىڭ شىڭىنا شىعارعان جان ەدى.

«بۇگىن جۇرەگىمە اۋىر حابار جەتتى. العاش رەت قولىما قوبىز ۇستاتىپ، ونەردىڭ ەسىگىن اشقان اياۋلى قوجانتايەۆا سۇلۋحان اپايىم ومىردەن ءوتتى. ءسىزدىڭ ءار ساباعىڭىز، ءار جىلى ءسوزىڭىز مەنىڭ جۇرەگىمدە ماڭگى ساقتالادى. قوبىزدىڭ ۇنىمەن بىرگە بەرگەن ءتالىمىڭىز بەن مەيىرىمىڭىز ءومىر بويى مەنىمەن. اكەم العاش جەتەكتەپ كىشى ونەر اكادەمياسىنا الىپ بارعاندا، ءسىز تەك ۇستاز ەمەس، جالپى ونەرگە دەگەن سۇيىسپەنشىلىكتى، قوبىز اسپابىنا دەگەن ماحابباتىمدى وياتتىڭىز. جانىڭىز ءجانناتتا بولسىن، اپاي»، – دەپ جازدى اقەركە.

كوپشىلىك انشىگە كوڭىل ايتىپ، جاقسى تىلەكتەرىن جاۋدىرۋدا.