Photo: Ayazhan (https://www.pexels.com/@ayazhan-3173683) / Pexels
ۋكراينالىق الاياقتاردىڭ قۇربانى بولعان قازاقستاندىقتار: 160-تان استام ادام الدانىپ قالدى
قازاقستاندىقتاردى الداپ، اقشاسىن يەمدەنىپ كەلگەن ۋكرايناداعى الاياقتاردىڭ ارەكەتى توقتاتىلدى. ىشكى ىستەر مينيسترلىگىنىڭ مالىمەتىنشە، ارنايى وپەراسيا بارىسىندا 160-تان استام وتانداسىمىز زارداپ شەككەن.
بۇل تۋرالى Infohub.kz اقپارات اگەنتتىگى حابارلايدى.
ۋكرايناداعى الاياقتىق كولل-ورتالىقتاردىڭ جولى كەسىلدى
بيىل 31 ناۋرىزدا قازاقستان ىشكى ىستەر مينيسترلىگى ۋكراينا پوليسياسىمەن بىرلەسىپ، اۋقىمدى ارنايى وپەراسيا جۇرگىزدى. بۇل وپەراسيانىڭ ناتيجەسىندە ۋكراينانىڭ دنەپر قالاسىندا ورنالاسقان، قازاقستاندىقتاردى الداپ كەلگەن ءۇش الاياقتىق كولل-ورتالىقتىڭ جۇمىسى توقتاتىلدى.
53 شەتەل ازاماتى ۇستالدى
ارنايى وپەراسيا كەزىندە بارلىعى 53 شەتەل ازاماتى ۇستالىپ، ونىڭ 8ء-ى قاماۋعا الىندى. تەرگەۋ جۇمىستارى جالعاسۋدا.
كەلتىرىلگەن شىعىن وتەلەدى
ق ر ءىىم كيبەرقىلمىسقا قارسى ءىس-قيمىل دەپارتامەنتىنىڭ باستىعى جاندوس ءسۇيىنبايدىڭ ايتۋىنشا، جۇرگىزىلگەن جۇمىستىڭ قورىتىندىسى بويىنشا 160-تان اسا قازاقستاندىق جابىرلەنۋشى انىقتالدى. ولارعا كەلتىرىلگەن شىعىن ۋكراينا سوت شەشىمىمەن قايتارىلاتىن بولادى. مينيسترلىك الداعى ۋاقىتتا دا ءبىرقاتار شەت مەملەكەتتەرمەن وسىنداي بىرلەسكەن ارنايى وپەراسيالاردى جالعاستىراتىنىن مالىمدەدى.
-
تانىمال ءانشى قاراقات ءابىلدينا قىزى ايالاننىڭ تۋعان كۇنىنە وراي ەرەكشە جازبا جاريالاپ، انالىق سەزىمىن ءبولىستى.
-
امەريكالىق عالىمدار كوفە مەن شايدى ۇنەمى تۇتىنۋدىڭ دەمەنسيانىڭ دامۋ ءقاۋپىن ازايتاتىنىن انىقتادى.
