InfoHub Logo

تاقىرىبى: ۇلىستىڭ ۇلى كۇنى!
ماقساتى: بالالارعا ۇلىستىڭ ۇلى كۇنى تۋرالى ماعلۇمات بەرۋ.
بالالاردى ەلىن، وتانىن سۇيۋگە، ۇلتتىق سالت - ءداستۇرىن دارىپتەۋگە تاربيەلەۋ. يماندىلىق، يناباتتىلىق، ىزەتتىلىك قاسيەتتەرىن قالىپتاستىرۋ.
كورنەكىلىگى: ناقىل سوزدەر، كيىز ءۇي كەرەگەسى، ۇلتتىق بۇيىمدار.
بارىسى: مەيرام وتەتىن جەر سالت - داستۇرگە بايلانىستى جابدىقتالادى. بالالار ۇلتتىق كيىمدەرىمەن كەلەدى. كيىز ءۇي كەرەگەسىنەن ساحنا جاسالىنادى.
جۇرگىزۋشى: ورالگازينا ق. س. ناۋرىز قىز: قونىروۆا ا. اجە: سەريكوۆا ءا. م.
قويشى: مىنعازى ا. مىستان: اتامبايەۆا ە. پ. بالاسى كەنجەبەك: ەسەن ش.
باتىر ماحامبەت: مۋسايەۆ ن. جەلاياق: ەرمەك م. تاۋسوعار: تۇرلىبەك د.
- زالدا اسەم اۋەن ويناپ تۇرادى.
تاربيەشى: ارمىسىزدار قۇرمەتتى قوناقتار.
ۇلىس كۇندەرىڭىز قۇتتى بولسىن!
كەلە جاتىر جىلىمىز
مەيرامدايمىز مۇنى ءبىز
حالقى سۇيگەن مەيرامدى
قارسى الايىق ناۋرىزدى!
(اجە مەن ناۋرىزقىز ورتاعا كەلەدى اجەسى شاشۋ شاشادى)
ناۋرىز قىز:
ناۋرىز تويى بەرەكە
ناۋرىز تويى جىر اڭىز
قىزىپ دۋلى مەرەكە
قىزىق دۋمان قۇرامىز
اليشەر: ناۋرىز – بابامنىڭ ءسوزى
ناۋرىز - انامنىڭ ءسوزى
عاسىردان عاسىرعا جەتكەن
دالامنىڭ ءسوزى
نۇراسىل: اتا – بابام تويلاعان
ناۋرىزىم ارمىسىڭ!
قىزىعىنا تويماعان
دارحان دالا قارلى شىڭ
شىڭعىس: مەرەكەنى بايىرعى
الدى حالقىم قابىلداپ
اق داستارحان جايىلدى
وشاقتا وت جالىنداپ
الديار: كوكتەمىم توكتى نۇردى
كونىلدىن كەتتى مۇنى
كەل دوستار ءان شىرقايىق
ۇلىستىن ۇلى كۇنى
نۇرداۋلەت: ناۋرىز تويى سالتىمىز
امان بولسىن حالقىمىز
ۇلىس وڭ بولسىن، اق مول بولسىن
ەراسىل د: جىلدىڭ باسى ناۋرىز
جەردىڭ باسى ناۋرىز
مەرەكەگە ارنالسىن
بۇگىنگى جىر ءانىمىز
داۋلەت: ۇلىستىڭ ۇلى كۇنى
جاڭعىردى قازاق ءۇنى
تۇرلەندى جەر انامىز
بۇرشىگىن جارىپ گۇل
ەراسىل ا: ناۋرىز تويى بەرەكە
تىرشىلىك جاڭا وياندى
ارمان: ناۋرىز توي سالتىمىز
امان بولسىن حالقىمىز
ۇلىس وڭ بولسىن، اق مول بولسىن
ءمادي
تاربيەشى: قۇرمەتتى قوناقتار، سىزدەرگە ارنالعان «اقجەلكەن 2»توبىنىڭ بۇلدىرشىندەرىنىڭ «التىن ساقا» ەرتەگىسىنىڭ جەلىسىمەن قويىلعان «ۇلىستىڭ ۇلى كۇنى»اتتى ەرتەڭگىلىگىمىزدى تاماشالاۋعا شاقىرامىز.
كورىنىس:
(شال قولىندا قامشىسى بار، قوي جايىپ جۇرەدى)
شال: شەك، شەك، ەي كەبەنەك! مىنا ەشكىلەر ابدەن مازامدى الدى «قوي باقتىم قونىراۋ تاقتىم، ەشكى باقتىم ەنىرەپ باقتىم»دەگەن وسى ەكەن عوي. ۋح، ابدەن شارشادىم (دەپ مالداس قۇرىپ وتىرا كەتەدى سول كەزدە ارتىنان مىستان كەمپىر كەلىپ شالدى قىلقىندىرا باستايدى)
مىستان: ۋح، بالەم قولىما ءتۇستىن بە؟
شال: ويباي، ويباي جىبەرشى، قىلقىنىپ بارام.
مىستان: سەن ماعان نە بەرەسىڭ؟
شال: ءبىر وتار قوي بەرەمىن
مىستان: جوق، ماعان قوي كەرەك ەمەس، بالاندى بەر ايتپەسە جىبەرمەيمىن
شال: جارايدى، جالعىز كەنجەبەك دەگەن ۇلىم بار سونى ال.
مىستان: وندا كەلىسەمىن، ونى قالاي بەرەسىڭ؟
شال: بالامنىڭ جاقسى كورەتىن التىن ساقاسى بار، سونى ساعان بەرىپ كەتەيىن، بالام التىن ساقاسىن ىزدەپ كەلگەندە ءوزىن ۇستاپ ال. مىنە التىن ساقا (دەپ قالتاسىنان التىن ساقاسىن الىپ بەرەدى دە ءوزى كەتىپ قالادى. مىستان التىن ساقانىڭ جانىندا وتىرادى. بالا ساقاسىن ىزدەپ شىعادى)
بالا: اپا، اپا اناۋ ساقانى الىپ بەرشى؟
مىستان: وي، مەن وتىرسام تۇرا المايمىن، تۇرسام وتىرا المايمىن، ءوزىن ال.(بالا ەڭكەيىپ ساقانى الا بەرگەندە مىستان ونى شاپ بەرىپ ۇستاپ الادى. وسى كەزدە قىزدار كەنجەبەكتى ىزدەپ شىعادى.
قىزدار: كەنجەبەك، كەنجەبەك قايداسىن ءبىز سەنى ىزدەپ ءجۇرمىز ( وسى كەزدە ورتاعا مىستان اتىپ شىعىپ قىزداردى قورقىتادى. قىزدار قورقىپ ءبىرىنىڭ ارتىنان ءبىرى تىعىلادى)
مىستان: سەندەرگە كەنجەبەك كەرەك بولسا، مەنىڭ شارتىمدى ورىنداڭدار.
قىزدار: ورىندايمىز، اپا ورىندايمىز.
مىستان: وندا ماعان ناۋرىز تۇرالى تاقپاق ايتىپ بەرىڭدەر(بالالار ناۋرىزعا بايلانىستى تاقپاقتارىن ايتادى)
ايارۋ د: ناۋرىز توي سالتىمىز
كەمەلدەنسىن حالقىمىز
ايانا: ۋا، اعايىن حالايىق
مۇندا نازار سالايىق
مەرەكەسى حالىقتىڭ
ناۋرىز تويىن باستايىق
ديلناز: ناۋرىز كەلدى ەلىمە
ناۋرىز كەلدى جەرىمە
بايلىق باقىت تىلەيمىن
بۇكىل قازاق ەلىمە
ايارۋ ش: اتا – بابام تويلاعان
ناۋرىزىم ارمىسىڭ!
بايلىق باقىت تىلەيمىن
بۇكىل قازاق ەلىمە
ايناز: ناۋرىز تويى سالتىمىز
امان بولسىن حالقىمىز
ۇلىس وڭ بولسىن، اق مول بولسىن
رامينا: ناۋرىز توي تاماشا
ناۋرىز توي جاڭاشا
تابيعاتتا تاماشا
تامىلجىپ تۇر جاراسا
اياۋلىم: ءانىم دە ساعان ءبيىم دە
قۇت قوناق ءوز ۇيىمدە
قۋانىش سىيلاپ ۇيىمە
كۇلىمدە ناۋرىز، كۇلىمدە

انەل: جايناتىپ گۇل – گۇلىڭدى
سايراتىپ بۇلبۇلىڭدى
مەرەيلى جۇرت تويلاسىن
مەيرام ەتىپ بۇل كۇندى
مىستان: جارايسىڭدار!
قىزدار: اپا ەندى كەنجەبەكتى جىبەرەسىز بە؟
مىستان: جوق، ماعان ەندى ونەرلەرىڭدى كورسەتىڭدەر
(بالالار ناۋرىزعا ارنالعان ءان، بيلەرىن ورتاعا سالادى)
مىستان: وي، راحمەت، كوڭىلىم كوتەرىلىپ قالدى عوي.
قىزدار: ەندى، جىبەرەسىز بە؟
مىستان: جوق، مەنىڭ ەندى ايتىس تىڭداعىم كەلىپ وتىر، اقىندارىن بار ما؟
(ايتىس ونەرىن كورسەتەدى)- جايلاۋبايەۆ ا. قابلاشيەۆا د.
مىستان: وي، سەندەردە دە اقىندارىن دا بار ەكەن عوي
قىزدار: كەنجەبەكتى ەندى جىبەرەسىز بە؟
مىستان: جىبەرمەيمىن، (ويلانىپ تۇرىپ ) قانە ۇلدارىمىزدىڭ كۇشىن سىناپ كورەيىكشى(بەلىنەن ارقان شەشىپ بەرەدى)
ۇلتتىق ويىندار ويناتىلادى
مىستان: قانداي كۇشتى بالالار. ءبىراق مەن كەنجەبەكتى جىبەرە المايمىن، مەنىڭ قارنىم اشتى.
(قىزدار جينالىپ اقىلداسادى)
قىزدار: اپا، مىنا ۇيالى تەلەفوندى الىڭىز، مۇنىمەن بارلىق جەرمەن سويلەسە الاسىز، ولەڭدەر تىڭدايسىز، ويىن وينايسىز، سۋرەتكە تۇسەسىز.
مىستان: كانە، اكەل بەرى، كورەيىن(مىستان تەلەفوندا الىپ بۇرىشقا قاراي بارعاندا قىزدار كەنجەبەكتى الىپ قاشىپ كەتەدى)
مىستان: ءاي، ءاي توقتاڭدار.- اللو تاۋسوعار، جەلاياق ۇستاڭدار انالاردى!
تاربيەشى: مىنا اتپەن شاۋىپ كەلەجاتقان باتىر كىم بولادى ەكەن؟
(تاقپاقتاتىپ ماحامبەت كەلەدى)
ماحامبەت: مىنا حالىق نە ءۇشىن جينالعان؟ ەل باسىنا تاعى قانداي كۇن تۋدى دەپ ات باسىن بۇرىپ ەدىم.
تاربيەشى: دۇرىس جاساعانسىز باتىر. بىزدە ناۋرىز مەرەكەسى ءوتىپ جاتىر.
تورگە شىعىپ، تويىمىزدىڭ ءقادىرلى قوناعى بولىڭىز.
- بالالار بۇل كىسى ماحامبەت باتىر، ءوزى اقىن، ەل باسىنا نە ءبىر اۋىر كۇن تۋعاندا ەل قورعاعان باتىر اعامىز وسى كىسى.
تاربيەشى: بالالار بۇگىنگى مەيرامعا بىزگە باتا بەرۋگە ارنايى قىدىر اتامىز دا كەلىپتى. كەلىڭىز، اتا تورلەتىڭىز.
(قىدىر اتا باتاسىن بەرەدى)
تاربيەشى: ناۋرىز قۇتتى بولسىن!
دەنىمىز ساۋ، مىقتى بولسىن!
ناۋرىز تويى كەلە بەرسىن!
بارلىق حالىق باقىتتى بولسىن،
قوش، ساۋ بولىڭىزدار، حالايىق!
كورىسكەنشە كۇن جارىق بولسىن!
بارلىقتارىڭىزدى ناۋرىز داستارحانىنا شاقىرامىز، كوجەدەن ءدام تاتىڭىزدار.

شقو، اياگوز قالاسى،
«№4 ارالاس جالپى ورتا ءبىلىم بەرەتىن مەكتەپ» كمم
كىشى كەشەن تاربيەشىسى اتامبايەۆا ەلميرا پوبەدوۆنا