InfoHub Logo

ەل اۋزىندا «ۇركەر كوتەرىلگەندە سورپا اس بولادى» دەگەن ءسوز بار ەكەن. ءبىر جولاۋشى كەلە جاتىپ، ءبىر ۇيگە تۇسسە، قوناعاسى بەرىپ جاتىر ەكەن.  اس ارتىنان كەيىن «ۇركەر كوتەرىلىپ قالىپتى» دەپ سورپانى كوپ ىشكىزىپتى. ەرتەڭىندە اتتانعان قوناقتىڭ اتىنىڭ ءجۇرىسى جايسىزداۋ بولىپ، كەشەگى ارتىقتاۋ ىشكەن سورپادان ءىشى اۋىرادى. سوعان ءوزى قاتتى ىزا بولىپتى. كەشكىسىن تاعى ءبىر ۇيگە ءتۇسىپتى.

تاعى دا كەشەگىدەي قوناقاسى بەرىپتى. الگى ءۇيدىڭ يەسى دە ەت جەپ بولعان سوڭ:

— قوناعىم، الىس جولعا كەتىپ بارا جاتقان قوناق ەكەنسىڭ، تويىپ العانىڭ جاقسى بولار. ۇركەر كوتەرىلىپ قالىپتى، سورپا ءىش، — دەيدى.

كەشەدەن ابدەن ىعىر بولعان جولاۋشى ءۇي يەسىنە بىلاي دەپتى:

— ەي، اقساقال، سول سورپانى مەن ىشپەيىن، سول اسپانداعى التى يتىڭە بەرشى، — دەپتى.

---