InfoHub Logo

مەملەكەتىمىز تاۋەلسىزدىككە قول جەتكىزگەنى، جەتكەن ءاربىر جەتىستىكتەرى ۇستازداردىڭ تىنىمسىز ەڭبەگى مەن ىزدەنىمپازدىعىنىڭ ارقاسى دەۋگە ابدەن بولادى. قاي ماماندىق يەسى بولماسىن ۇستازدان ءبىلىم الاتىنى بارشامىزعا ايان. حالقىمىزدا «ءبىر ءارىپ ۇيرەتكەنگە، قىرىق جىل سالەم بەر» دەگەن اتالى ءسوز دە بار. ءاربىر سانالى ازاماتتىڭ جۇرەك تۇكپىرىندە مۇعالىمدەرگە دەگەن قۇرمەت پەن شەكسىز العىستىڭ بارى ءسوزسىز. بۇل سوزىمىزگە ەلباسى قاسىم-جومارت توقايەۆتىڭ  «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا «پەداگوگ مارتەبەسىنە» ەرەكشە نازار اۋدارۋى دالەل بولا الادى. ۇكىمەتكە كەلەر جىلدان باستاپ «پەداگوگ مارتەبەسى» تۋرالى زاڭدى ازىرلەپ، قابىلداۋدى تاپسىرعان مەملەكەت باسشىسى اتالعان قۇجاتتىڭ مۇعالىمدەر مەن مەكتەپكە دەيىنگى مەكەمەلەردىڭ قىزمەتكەرلەرى ءۇشىن بارلىق يگىلىكتى قاراستىرىپ، جۇكتەمەنى ازايتۋى، ءجونسىز تەكسەرىستەر مەن مىندەتتەن تىس فۋنكسيالاردان اراشالاۋى ءتيىس دەگەن ويىن جەتكىزگەن ەدى.

«پەداگوگ مارتەبەسى» تۋرالى زاڭنىڭ قابىلدانۋى ۇستازدار قاۋىمى ءۇشىن تەك قۇرمەت قانا ەمەس جاڭا مىندەتتەر دەپ قاراۋىمىز كەرەك. ن.نازاربايەۆ ءوز جوداۋىندا مەكتەپكە دەيىنگى ءبىلىم بەرۋ ساپاسىن تۇبەگەيلى جاقسارتۋ كەرەكتىگىن دە اتاپ كورسەتكەن بولاتىن. ويلاۋ نەگىزدەرى، اقىل-وي مەن شىعارماشىلىق قابىلەتتەر، جاڭا داعدىلاردىڭ بالا كەزدەن قالىپتاساتىنىن ەسكەرگەن ول ءبىلىم بەرۋ ىسىندە 4ك مودەلىنە، ياعني، كرەاتيۆتىلىكتى، سىني ويلاۋدى، كوممۋنيكاتيۆتىلىكتى دامىتۋعا جانە كوماندادا جۇمىس ىستەي بىلۋگە باستى نازار اۋدارۋدى كوزدەيدى. بۇل دەگەنىمىز ءبىرىنشى سىنىپتىڭ وزىنە جان-جاقتى ويلاۋ قابىلەتى دامىعان وقۋشىلار قابىلدانا باستايدى دەگەن ءسوز. باستاۋىش سىنىپتان باستاپ سىني ويلاۋ قابىلەتى قالىپتاسقان، بۇرىنعى وقۋشىلاردان وزگەشەلەۋ ويلاپ، ويىن ەكشەپ، انىق جەتكىزە الاتىن بالانى ءارى قاراي دامىتا ءتۇسۋ قازىرگى تاڭدا قولىمىزدا بار وقىتۋ بازاسىمەن وڭايعا تۇسپەيتىنى بەلگىلى. سول سەبەپتەن دە ورتا ءبىلىم بەرۋ جۇيەسىندە بەلگىلەنگەن نەگىزگى تاسىلدەردىڭ ورىندالۋىنا باسا نازار اۋدارعان ءجون. ۇلت كوشباسشىسى ەلىمىزدەگى ن.ءا.نازاربايەۆ اتىنداعى زياتكەرلىك مەكتەپتەرىنىڭ وقىتۋ جۇيەسى مەن ادىستەمەسىن مەملەكەتتىك مەكتەپتەر ءۇشىن ءبىرىڭعاي ستاندارت ەتىپ الۋدى ۇسىنادى. ءبىلىم ساپاسىن باعالاۋ جۇيەسى حالىقارالىق ستاندارتتارعا نەگىزدەلۋگە ءتيىس. ورتا مەكتەپتەردىڭ وزىندە بالالاردى مەيلىنشە سۇرانىسقا يە ماماندىقتارعا بەيىمدەپ، كاسىبي دياگنوستيكا جۇرگىزۋ ماڭىزدى. ماڭىزدى ماقساتتى العا قويعان ۇستازدار ءۇشىن بۇرىنعىسىنان دا كوپ ىزدەنۋگە تۋرا كەلەدى. قانداي ماماندىقتىڭ الداعى تورت-بەس جىلدىقتا بۇرىنعىسىنشا سۇرانىسقا يە ەكەندىگىن بولجاپ، ەلىمىز بەن الىس جاقىن شەت مەملەكەتتەرگە اناليز جۇرگىزۋ جانە وقۋشىنىڭ جەكە بەيىمدىلىگىن ەسكەرە وتىرىپ ولارعا دۇرىس باعىت سىلتەۋ ۇستازعا جۇكتەلەتىن اسا ماڭىزدى مىندەتتىڭ ءبىرى. مۇنداي جاۋاپتى جۇكتەمەنى، ياعني، بۇرىننان بەرگى ۇستازدىڭ نەگىزگى فۋنكسيونالدىق مىندەتىن ناتيجەلى ورىنداۋ ءۇشىن ەلباسى ايتقانداي ءاربىر قازاقستاندىقتىڭ ەلىمىزدەگى وزگەرىستەر ۇردىسىنە اتسالىسۋى كەرەك. ءاربىر قازاقستاندىق جۇرگىزىلىپ جاتقان رەفورمالاردىڭ ءمانىن جانە ولاردىڭ وتانىمىزدى وركەندەتۋ جولىنداعى ماڭىزىن جەتە تۇسىنۋگە ءتيىس. رەفورمالاردى تابىستى جۇزەگە اسىرۋ ءۇشىن قوعامىمىزدىڭ ورتاق ماقساتقا جۇمىلۋى اسا ماڭىزدى.

ۇستاز مارتەبەسىنىڭ ءتۇرلى جاعدايلارعا بايلانىستى الاسارىپ قالعانى جاسىرىن ەمەس. ۇستازىن قولبالا ەتكەن قوعامنىڭ ۇزاققا بارمايتىنى ءجيى ايتىلسا دا، وعان قۇلاق اسقاندار از بولعان. ال كەلەر جىلى قابىلداناتىن جاڭا زاڭ بۇل ولقىلىقتىڭ ورىنىن تولتىرىپ، مۇعالىمدەردى عانا ەمەس، ءبىلىم بەرۋ سالاسىنىڭ تىنىس-تىرشىلىگىنە بەيجاي قاراي المايتىنداردى دا ءبىر سەرپىلتىپ تاستادى. جاڭا زاڭنىڭ قابىلدانۋى ماعجان جۇمابايەۆ ايتقانداي، «التى الاشتىڭ بالاسى باس قوسسا، ءتور – مۇعالىمدىكى» بولاتىن كۇننىڭ جاقىندىعى.

---