ۇرلەۋمەن جاناتىن قولشام
وڭتۇستىك كورەيالىق ينجەنەر تيم چو ۇرلەپ جاعۋعا بولاتىن قولشام قۇراستىرىپ شىقتى. بۇل قولشامنىڭ ارنايى تەسىگىنە ۇرلەسەڭىز، سۆەتوديودتار ىسكە قوسىلىپ قولشام جانادى.
تيم چو بۇل ىسقىرعىش-قولشامىمەن "Catch The Wind" دەپ اتالاتىن 3D پرينتەر شىعارۋشى MarketBot كومپانياسى ۇيىمداستىرعان بايگەدە ءبىرىنشى ورىندى يەلەندى.
بۇل قولشامنىڭ كونسترۋكسياسى وتە قاراپايىم. ونى جاساۋ ءۇشىن كەز-كەلگەن 3D پرينتەر جاراي بەرەدى.
جوبانىڭ اۆتورى بۇل كونسرۋكسيانى Autodesk Inventor پروگرامماسىمەن جوبالاعان. قولشام 15 بولەك تەتىكتەن تۇرادى. ءار تەتىكتى پرينتەردەن شىعارۋ شامامەن جارتى ساعاتتاي ۋاقىتتى العان ءجان ءار قايسىسىنىڭ قالىڭدىعى 0،2 مم شاماسىندا. 7-8 ساعاتتاي اۋقىتىن قۇرتىپ، ينجەنەر بارلىق تەتىكتەردى بىرىكتىرگەن جانە ارنايى ەلەكتروندى كومپونەنتتەرىن قوسقان: كاتۋشكا، ماگنيت، ديود، سۆەتوديود جانە ت.ب سىمدارى.
ەگەر ارنايى تەسىككە قاتتى ۇرلەيتىن بولساڭىز، ىشىندەگى ارنايى ميني-تۋربينا ماگنيتتىك گەنەراتورمەن بىرگە اينالا باستايدى. سوسىن گەنەراتوردىڭ كاتۋشكالارى اينىمالى توق شىعارا باستايدى (AC). ديود اينىمالى توقتى تۇراقتى توققا اينالدىرادى (DC). ۇرلەپ جاتقان ادامنىڭ وكپەسىنىڭ كولەمىنە بايلانىستى تۇراقتى توق تىزبەگىندە 0،5-1 ۆولت اراسىندا كەرنەۋ بولادى. سۆەتوديودتىڭ جارىق شىعارۋى ءۇشىن كەمىندە 3 ۆولت كەرەك. سوندىقتان ينجەنەر كەرنەۋ كۇشەيتكىش قولدانعان.
You Might Also Like
-
ءبىرىنشى كومپاكت ديسك 1982 جىلى 17 تامىز كۇنى گەرمانيانىڭ لانگەنزاگەنە قالاسىنداعى Philips فابريكاسىندا شىعارىلىپ جاپپاي ساتىلىمعا بەرىلدى. العاشىندا بۇل ديسكتەر تەك سيفرلىق فورماتتاعى اۋديوجازبالار...
-
كوپىرلەردىڭ نەگىزگى فۋنكسياسى كەدەرگىلەردەن وتۋگە كومەكتەسۋ بولىپ تابىلادى. الايدا كەي كەزدەرى ساۋلەتشىلەر جاي عانا كوپىر ەمەس، كەرەمەت ونەر تۋىندىلارىن جاسايدى. تومەندەگى كوپىرلەردى ساۋلەت ءو...
