InfoHub Logo

بۇگىنگى تاڭدا سمارتفون قولدانۋشىلارى ءۇشىن «WhatsApp»، «Viber» ۇعىمدارى تاڭسىق ەمەس. ۇيالى تەلەفوندا ءوزارا قارىم-قاتىناس ورناتۋعا ارنالعان «ۆاتساپ» باعدارلاماسى دۇنيە ءجۇزى بويىنشا ميلليونداعان ادامداردىڭ سۇيىسپەنشىلىگى مەن قۇرمەتىنە يە بولىپ وتىر. الايدا، از ۋاقىت ىشىندە تەز تانىلىپ كەتكەن WhatsApp قوسىمشاسىنىڭ ارقىتشىلىقتارىن كوپشىلىك جاقسى بىلە بەرمەيدى. ەگەر ءسىز سولاردىڭ قاتارىندا بولساڭىز، بۇل ماتەريالدىڭ سىزگە پايداسى ءتيىپ قالار.

WhatsApp-تىڭ  قانداي مۇمكىنشىلىكتەرى بار؟

 

1.     دەرەكتەردىڭ قۇپيالىلىعى

جەكە دەرەكتەرىڭىزدى (پروفايل سۋرەتى، ستاتۋس، سوڭعى كىرگەن ۋاقىت) سىرت كوزدەن تاسا قالدىرعىڭىز كەلسە، ءمازىر پانەلىندەگى «باپتاۋلارعا» بارىپ، «ەسەپ جازباسىنداعى» (ۋچەتنايا زاپيس) اككاۋنتتى «پريۆات» دەپ وزگەرتىڭىز. ال ەگەر، وزىڭىزگە قاتىستى بارلىق اقپاراتتى تولىقتاي جاسىرىن قالدىرعىڭىز كەلسە، اككاۋنتتى «ەشكىم» دەپ وزگەرتىڭىز.

2.     قولدانۋشىعا بۇعات قويۋ

ەگەر «ۆاتساپتا» الدەبىر ادام مازاڭىزدى الا بەرسە، ونى بۇعاتتاۋعا قويۋعا بولادى. ول ءۇشىن «باپتاۋلار» - «اككاۋنت» - «قۇپيالىلىق» - «پريۆات» - «بۇعاتتالعاندار» امالىن ورىنداۋ كەرەك. اشىلعان تەرەزەدەن «جاڭاسىن قوسۋ» دەگەن تۇيمەنى باسساڭىز، ۇيالى تەلەفونىڭىزداعى بارلىق بايلانىس نومەرلەرى شىعادى، سول جەردەن بۇعاتتاۋعا قويىلاتىن ءنومىردى تاڭدايسىز.

3.     مەديا فايلداردى اۆتوماتتى تۇردە جۇكتەۋدى الىپ تاستاۋ

ساياحاتقا ءجيى شىعاتىندار، روۋمينگ كەزىندە مەديا فايلداردى جۇكتەۋدىڭ قىمبات ەكەنىن جاقسى بىلەدى. فايلداردى اۆتوماتتى جۇكتەۋ وپسياسىن الىپ تاستاۋ ءۇشىن: «باپتاۋلار» - «حاتتار مەن قوڭىراۋلار» - «مەديا فايلدى اۆتوماتتى جۇكتەۋ» امالدارىن ورىنداۋ كەرەك. اشىلعان تەرەزەدە «سۋرەت»، «اۋديو»، «بەينە» دەگەن ءۇش باعان بار، ءارقايسىسىنا كىرىپ، «ەشقاشان» دەگەن تۇيمەنى باسىپ شىعىڭىز.

4.     دىبىستىق حابارلاندىرۋلاردى باسقارۋ

دىبىستىق حابارلاندىرۋلاردى الىپ تاستاۋ ءۇشىن «باپتاۋلار» - «حابارلاندىرۋلار» - «حابارلاندىرۋ جاساۋ» - «جوق» دەگەن امالداردى ورىنداڭىز.

5.     ۇيالى تەلەفونىڭىزداعى جاڭا نومىرگە اۋىسۋ

SIM كارتاڭىزدى اۋىستىرعانمەن «ۆاتساپتا» جاڭا اككاۋنت قۇرۋدىڭ قاجەتى جوق. بار بولعانى «باپتاۋلار» - «ەسەپتىك جازبا» (نەمەسە اككاۋنت) – «ءنومىردى وزگەرتۋ» امالىن جۇزەگە اسىرىپ، ەسكىنىڭ ورنىنا جاڭا ءنومىردى تەرۋ جەتكىلىكتى.  

6.     حاتتاردى كوشىرۋ

بۇل وتە پايدالى قىزمەت، ويتكەنى سول ارقىلى قاجەتتى قۇجاتتاردى جوعالتىپ الماي، دەر كەزىندە تابۋعا مۇمكىندىك بەرەدى. ول ءۇشىن «باپتاۋلار» - «چاتتىڭ باپتاۋلارى» - «چاتتى رەزەرۆتى كوشىرۋ» امالىن ورىنداساڭىز بولدى!

7.     وشىرىلگەن حاتتاردى قايتا قالپىنا كەلتىرۋ

بايقاۋسىزدا الدە جۇيەدەگى اقاۋلاردىڭ ناتيجەسىندە «ۆاتساپتاعى» حاتتار جويىلىپ كەتسە، ۋايىمداماڭىز، ولاردى قايتا قالپىنا كەلتىرۋگە بولادى. «WhatsApp» ۇنەمى ولاردىڭ رەزەرۆتى كوشىرمەسىن ۇيالى تەلەفوننىڭ MicroSD كارتاسىندا ساقتاپ جۇرەدى. ول ءۇشىن سىزگە ۆاتساپتى ءوشىرىپ، ونى قايتا ورناتۋ قاجەت. سول كەزدە مەسسەندجەردەن «حاتتاردىڭ تاريحىن قالپىنا كەلتىرۋ» دەگەن ۇسىنىس كەلەدى.

8.     ءقۇپياسوز ورناتۋ

«WhatsApp» حاتتارىن بوگدە بىرەۋلەر وقىماسىن دەسەڭىز مەسسەندجەر-قۇپياسوز ورناتىڭىز. ونى ChatLock قوسىمشا باعدارلاماسىنىڭ كومەگىمەن جۇزەگە اسىرۋعا بولادى.

9.     كەز كەلگەن ۇلگىدەگى فايلداردى جىبەرۋ

«WhatsApp» باعدارلاماسىندا فايل جىبەرۋ بويىنشا شەكتەۋلەر بار: فايلدىڭ كولەمى 15 مب-دان اسپاۋ كەرەك، تەك بەلگىلى ءبىر تيپتەگى فايلداردى جىبەرۋگە بولادى دەگەن سياقتى. وسىلاردى الىپ تاستاۋ ءۇشىن CloudSend قوسىمشا باعدارلاماسىن جۇكتەڭىز.

10.  قاجەت ەمەس فايلداردى جويۋ

مەسسەندجەردى ءجيى پايدالانۋشىلاردىڭ سمارتفوندارى قاجەت، قاجەت ەمەس فايلدارمەن تولىپ تۇرادى. قاجەتسىزدەرىنەن قۇتىلۋ ءۇشىن WCleaner for WA باعدارلاماسىن قولدانىڭىز.

تەحنيكالىق دامۋ جارىق جىلدامدىعىنداي تەز ىلگەرىلەپ كەلەدى. ولاردى ءتيىمدى پايدالانۋ ارقىلى، ءبىز كۇندەلىكتى شارۋالارىمىزدى الدەقايدا جەڭىلدەتە الامىز. ەگەر ءسىزدىڭ تانىستارىڭىز دا «WhatsApp» باعدارلاماسىن قولدانىپ جۇرسە، ولارمەن وسى ماقالامەن ءبولىسىڭىز. قايدان بىلەسىز، بالكىم پايداسى ءتيىپ قالار. 

 

مالىمەتتىڭ دەرەككوزى el.kz سايتى

---