Photo: Mesut Yalçın (https://www.pexels.com/@mesut-yalcin-1233429888) / Pexels
ءۇش اي بۇرىن قايتىس بولعان اپكەسىنىڭ اقشاسىن الماق بولعان اعا: بانككە ءمايىتتى الىپ باردى
ءۇندىستاننىڭ وديشا شتاتىندا ەر ادام ءۇش اي بۇرىن قايتىس بولعان اپكەسىنىڭ ءمايىتىن قازىپ الىپ، شامامەن ءۇش شاقىرىم جەردەگى بانك بولىمشەسىنە الىپ باردى. بۇل تۋرالى جەرگىلىكتى باسىلىمدار حابارلادى.
مارقۇم ايەل قاڭتار ايىندا سىرقاتتان قايتىس بولعان. ونىڭ بانك شوتىندا شامامەن 19 مىڭ رۋپيي (92 مىڭ تەڭگەگە جۋىق) قالعان ەدى. الايدا، اعاسى بۇل قاراجاتتى الا الماي جۇرگەن.
ەر ادامنىڭ ايتۋىنشا، ول بانككە بىرنەشە رەت بارعانىمەن، قىزمەتكەرلەر شوت يەسىنىڭ ءوزى كەلمەسە، اقشا بەرۋدەن باس تارتقان. امالى تاۋسىلعان ول اپكەسىنىڭ دەنەسىن قازىپ الىپ، ماتاعا وراپ، جاياۋ تۇردە بانككە جەتكىزگەن.
بۇل وقيعا بانك قىزمەتكەرلەرىن تاڭعالدىرىپ، ولار بىردەن پوليسيا شاقىرعان. قۇقىق قورعاۋ ورگاندارى ءمايىتتى الىپ، قايتا جەرلەۋ ءراسىمىن جۇرگىزگەن. سونىمەن قاتار، ەر ادامعا مۇراگەرلىك قاراجاتتى الۋدىڭ زاڭدى ءتارتىبى ءتۇسىندىرىلدى.
Indian Overseas Bank وكىلدەرى بولسا، ءمايىتتى اكەلۋ تۋرالى ەشقانداي تالاپ قويىلماعانىن ايتتى. ولاردىڭ مالىمدەۋىنشە، اقشا الۋ ءۇشىن ءتيىستى قۇجاتتار – ءولىم تۋرالى كۋالىك پەن مۇراگەرلىك قۇقىقتى راستايتىن قاعازدار قاجەت بولعان، ءبىراق ەر ادامدا ولار بولماعان.
جەرگىلىكتى بيلىك وكىلدەرى بانككە بۇل ماسەلەنى جەدەل شەشۋدى ۇسىنىپ، مۇنداي جاعدايلاردا ادامگەرشىلىك تۇرعىسىنان قاراۋ قاجەتتىگىن ەسكەرتتى.
-
استاناداعى №2 قالالىق اۋرۋحاناسىنىڭ ماڭىندا سالىنىپ جاتقان تۇرعىن ءۇي كەشەنىنە قاتىستى تۇرعىندار نارازىلىق ءبىلدىرىپ، قۇرىلىستى توقتاتۋدى تالاپ ەتتى.
-
A man's desperate attempt to access his deceased sister's bank account led him to exhume her body، prompting police intervention and a review of banking procedures.
