ۇشتىكەندى گلەديچيا
ۇشتىكەندى گلەديچيا — بيىكتىگى 40 مەترگە دەيىن باراتىن، تامىرى جەر بەتىنە جاقىن ورنالاسقان، اعاش ءتارىزدى وسىمدىك. بۇتاقتارى كوپ. جۇمىرتقاعا ۇقساس مايدا تىلىك جاپىراقشالارى بولادى. وسىمدىكتىڭ ءون بويىندا ۇزىن-ۇزىن تىكەندەرى بار. جاسىل ءتۇستى، ءيىسى اڭقىعان گۇلدەرى سىپىرعى سىقىلدانىپ شوعىرلانىپ تۇرادى.
گۇل توستاعانشاسى جارتىسىنا دەيىن بىرىنە-بىرى جابىسقان 5 قالاقشا. جەمىسى — قىزىل قوڭىر ءتۇستى. ۇزىندىعى جارتى مەترگە جۋىق قاۋاشاق. ەلليپس ءتارىزدى، سوپاقشا كەلگەن تۇقىمدارى سول قاۋاشاقتارىنىڭ ىشىندەگى ۇيالاردا بولادى. مامىر-ماۋسىم ايلارىندا گۇلدەيدى. جەمىسى قىركۇيەك-قازان ايلارىندا پىسەدى. وسىمدىك باقتا قولدان ەگىلەدى.
ءدارى جاساۋ ءۇشىن وسىمدىكتىڭ جاس جاپىراقتارىن ساعاقتارىمەن قوسىپ، بۇرشىكتەرى ەندى اشىلا بەرگەندە، ءساۋىر ايىنىڭ اياق جاعىنا تامان جيناپ الادى. جاپىراقتاردى جيناۋدى ودان كەشىكتىرۋگە بولمايدى، ويتكەنى دارىلىك قاسيەتتەرى جويىلىپ كەتەدى. قۇرامىندا تريكانتين اتتى الكالويد، فلاۆونويدتار، س ءۆيتامينى، ساپونيندەر بار. تريكانتين قان تامىرلارىن كەڭەيتەدى، قان قىسىمىن تومەندەتەدى. وسىمدىكتەن جاسالعان دارىلەرمەن اسقازانعا، ۇلتابارعا شىققان جارانى، ءىشتىڭ قاتتى ءبۇرىپ اۋىرعانىن، ءىشتىڭ قاتۋىن ەمدەيدى.
You Might Also Like
-
16 جەلتوقساندا بۇكىل قازاقستان ءوز تاۋەلسىزدىگىنىڭ 30 جىلدىعىن اتاپ وتەدى. وسى مەرەيتويمەن بىرگە ءبىز توتاليتارلىق كەڭەستىك رەجيمنىڭ قۇلدىراۋىنىڭ جانە بۇرىنعى كسرو-نىڭ بارلىق رەسپۋبليكالارىنىڭ تاۋەلس...
-
باوباب ەڭ الدىمەن ءوزىنىڭ كولەمىمەن ايگىلى. دىڭگەگىنىڭ ديامەترى 8 مەترگە جەتەدى. سونداي-اق بۇل اعاش ۇزاق ءومىر سۇرەتىنىن بارلىعى بىلەدى. ءبىراق، باوبابتاردىڭ قانشا ۋاقىت ءومىر سۇرەتىندىگىن ءدال انىقتاۋ ...
