InfoHub Logo

سمادياروۆا مادينا نۇرجىگىت قىزى

ساباقتىڭ تاقىرىبى: «ۇستاز انا – اسىل جاندار بولاتتاي»
ساباقتىڭ ماقساتى: مەكتەپتە بىرنەشە جىل جەمىستى قىزمەت ەتكەن زەينەتكەر اپايلارىمىزدىڭ ەرەن ەڭبەگىن ايتۋ، ناسيحاتتاۋ. ۇستازدىق جولدىڭ قيىندىعى مەن قىزىعىن ۇعىندىرۋ.
ساباقتىڭ ەپيگرافى: «ۇلىلىقتىڭ باسىندا ۇستاز تۇرار!»
ساباقتىڭ بارىسى:
تۋعاندا دۇنيە ەسىگىن اشادى ولەڭ،
ولەڭمەن جەر قوينىنا كىرەڭ دەنەڭ.
ومىردەگى قىزىعىڭنىڭ ءبارى ولەڭمەن،
ويلانساڭشى، بوس قاقپاي ەلەڭ - سەلەڭ
- دەپ، اباي اتامىز جىرلاعانداي، ادام بالاسى دۇنيە ەسىگىن اشقاننان باستاپ، ولەڭنەن الشاق كەتە المايتىندىعىن جەتكىزىپ بەرىپ تۇرعان ءبىر شۋماق ولەڭنىڭ قۇدىرەتىن ءقايتىپ جەتكىزەرسىڭ؟!
ادام بالاسىنىڭ ومىرىنە بايلانىستى اتاپ وتىلەتىن حالقىمىزدىڭ ۇمىت بولا باستاعان كەيبىر تاماشا سالت - ءداستۇرىن مەكتەپ تابالدىرىعىندا، وتباسىندا تويلادى دەپ ويلايمىز. وسىنداي ماقساتتا ۇيىرمە مۇشەلەرىمەن «مەرەيتوي» ساباعىن وتكەلى وتىرمىز.
8 - ناۋرىز حالىقارالىق ايەلدەر مەيرامىنا ارناپ «ۇستاز انا – اسىل جاندار بولاتتاي» اتتى مەرەيتوي ساباعىن وتكەلى وتىرمىز. مەرەيتويدىڭ نەگىزگى كەيىپكەرى بىرنەشە جىل ج. سۇلەيمەنوۆ اتىنداعى جالپى ورتا مەكتەبىندە جەمىستى قىزمەت ەتكەن ۇلاعاتتى دا، اياۋلى ۇستازدارىمىز ورمانوۆا گۇلدەر قۇرمانباي قىزى مەن ءابدىرازاقوۆا ءبيبىايشا اپايىمىز جانە بۇگىنگى تاڭدا مەكتەبىمىزدە جەمىستى قىزمەت ەتىپ كەلە جاتقان ۇلاعاتتى دا اياۋلى ۇستازىمىز تۇيەبايەۆا ءبيبىسارا تۇردىبايقىزىنا ارنالادى.

1 - جۇرگىزۋشى: قۇرمەتتى دە اياۋلى ۇستازدار! سىزدەردى كوكتەمنىڭ العاشقى
مەرەكەسىمەن قۇتتىقتايمىز. سىزدەرگە مىقتى دەنساۋلىق، ۇزاق ءومىر، قاجىماس – قايرات، وتباسىلارىڭىزعا بەرەكە، بىرلىك تىلەيمىز.
2 - جۇرگىزۋشى: تاعدىرىنا تالايدىڭ الاڭدايسىڭ
ساۋلە بولىپ الەمگە تارالعايسىڭ
ءبىلىم ءنارىن اياماعان اسىل ۇستاز
سەن مەنىڭ ەڭ اياۋلى - انامدايسىڭ.
1 - جۇرگىزۋشى: سىرلاسسام ءسال، قالامىن كوڭىل جاسىپ،
ءنار ءبىلىمىن جۇرەم مەن ەتىپ ازىق
اياۋلى ۇستاز – سان سۇرلەۋ سوقپاق جولدا
ءجون سىلتەر – تەمىرقازىق.

2 - جۇرگىزۋشى: ۇستاز مەرەيى - ەڭ الدىمەن شاكىرت جەتىستىگىمەن ولشەنەدى. بويداعى
بار كۇش جىگەرىن اياماي، زەردەلى دە زەيىندى شاكىرت تاربيەلەۋ ءۇشىن بار ءبىلىمى مەن ءىلىمىن اياماعان، اياۋلى ۇستازدار سىزدەرگە ايتار العىسىمىز شەكسىز. ءبىز سىزدەرگە ماڭگى بورىشتارمىز.
1 - جۇرگىزۋشى: بۇگىنگى اسىل تىلەكتەر، مەن جان جۇرەگىڭىزدى جىلىتار جاقسى
لەبىزدەر تەك سىزدەرگە ارنالادى.
ادەبي مونتاج.
2 - جۇرگىزۋشى: اسەم ءان ءاربىر ەلدىڭ ءراسىمى ەكەن
ونەرپاز ورتامىزدا باسىم ەكەن.
ونەرىن قۋانىشتان كىم اياعان،
جاڭا ءاندى سىزدەرگە شاشۋ ەتەم.
1 - جۇرگىزۋشى: اياۋلى انا!
كۇنىم دە انا، اي دا انا
جەتەدى ساعان قاي دانا؟!
اسىلىم ءوزىڭ،
عاشىعىم ءوزىڭ،
باس ءيىپ وتەر اۋليەم مەنىڭ سەن عانا.