InfoHub Logo

مۋزىكا ىرعاعىمەن وقۋشىلار ورتاعا شىعادى. ۇستاز تۋرالى شىعارعان ولەڭ جولدارى وقىلادى.

1 - جۇرگىزۋشى:
ءبىلىمنىڭ كاۋسار بۇلاعىن،
جۇرەسىڭ قۇيىپ ساناما،
ءبىز ءۇشىن سەنسىڭ - ءمۇعالىم،
ۇستاز دا، عىلىم دانا دا.
ءان: ۇستازىم

2 - جۇرگىزۋشى:
قىر سىرىن زەرتتەپ زاماننىڭ،
ۇلىلىعىن ايتىپ بابامنىڭ
ونەرگە ءورىس بەرەتىن،
بارومەترى سەنسىڭ ادامنىڭ
ورتاعا مىڭ بۇرالعان بيشىلەر شىعىپ «قاماجاي» ءبيىن بيلەيدى.

1 - جۇرگىزۋشى:
ساعىنىش سازى تولقىتقان،
ارناماق ءسوزدىڭ مايەگىن.
شاكىرتتەرىن وقىتقان،
كەلىپ تۇر جولداپ سالەمىن
قۇتتىقتاۋ ءسوز بۇلدىرشىندەرگە بەرىلەدى، اسەم ءان ورىندالادى.

2 - جۇرگىزۋشى:
كوزگە ىستىق كورىنەر،
وقۋلىعى، پارتاسى
وقۋ قىزىق بولعانى،
ءمۇعالىمنىڭ ارقاسى.

1 - جۇرگىزۋشى:
اقىل، ءبىلىم كوپ بەردىڭ،
انامدايسىڭ مەكتەبىم
سەندە ءوسىپ كوكتەدىم،
سەنسىڭ ءومىر كوكتەمىم.
ەكەۋى حورمەن: العىستارىم كوپ مەنىڭ
اسىل انام – مەكتەبىم!
ءان ورىندالادى

1 - جۇرگىزۋشى: قۇرمەتتى ۇستازدار، ءبىز سىزدەر وقىتىپ جۇرگەن بارلىق پاندەردى ارداقتايمىز، سوزدەرىڭدى ىقىلاسپەن تىڭداپ، ءپان اتاۋلارىنا زەر سالىپ وقىپ ۇيرەنىپ ءجۇرمىز. جان - جاقتى ءبىلىم بەرگەنى ءۇشىن ۇستازدارىمىزعا ايتار العىسىمىزدىڭ شەگى جوق.
( ورتاعا جەتى وقۋشى شىعادى قولدارىندا شارلارى بار)
م - مەيىرىمدى
ۇ - ۇلاعاتتى
ع - عازيز
ا - اقىلدى
ل - لايىقتى
ءى - ىسكەر
م - مامان

2 - جۇرگىزۋشى:
ءمۇعالىم، عازيز ءمۇعالىم،
سارقىلماس ماڭگى بۇلاعىم
ۇلانىڭ بۇگىن تويىڭدا،
ارنايدى ساعان بۇل ءانىن.
اسەم ءان ورىندالادى

1 - جۇرگىزۋشى:
بىرگە ءوسىپ، ەن جايلاعان ۇل مەنەن قىز،
اسىعا سالەم جولداپ جۇرەكتەن ءبىز.
ءتاتتى كۇي، اسقاق ءان مەن اسەم ءبيدى،
سىزدەرگە تارتۋ ەتىپ ۇسىنامىز.
بي ورىندالادى.

2 - جۇرگىزۋشى:
وقىتىڭدار، ۇل - قىزىم، دەپ،
كۇلىمدەگەن ۇستازدار.
ءان ارنادىق ارنايى
تاعزىم ەتە، ۇستازدار.

1 - جۇرگىزۋشى:
قارا ءسوزدىڭ داۋىلى،
قۇرمەت ەتكەن اۋىلى
ەكەۋى حورمەن:
سىيىمىزعا ريزا بول،
مۇعالىمدەر قاۋىمى!

2 - جۇرگىزۋشى:
ءمۇعالىم مەن ۇستازدا بار ايىرما،
ۇستاز دەگەن - جاقسى اندەگى قايىرما.
ءمۇعالىم، ول - بار بولعانى ما ماماندىق،
جەتكەنىنشە جەتى ونەرلى شايىرعا.

1 - جۇرگىزۋشى:
ۇستاز دەگەن - ۇلاعاتتىڭ شايىرى،
ءقادىرىنىڭ تيەتۇعىن قايىرى.
ۇستاز دەگەن - شۋاعى مول شاپاعات،
شارشامايتىن، شالدىقپايتىن، ءتايىرى.

2 - جۇرگىزۋشى:
ۇستاز دەگەن - ۇستاز بولىپ تۋعاندار،
ۇلىلىقتى ۇلىقتاعان يماندار.
ۇرپاعىنىڭ ەرتەڭىنە جول اشىپ،
ءومىرىنىڭ ءار شاقتارىن قيعاندار.

1 - جۇرگىزۋشى:
قيماعاندار — ۇستاز ەمەس، ءمۇعالىم،
ءمۇعالىم بوپ، ۇستاز بولماۋ كۇنا، مىڭ.
قارا تاقتا، اق بور عانا قولدانىپ،
ۇستاتتى ۇستاز دۇنيەنىڭ قۇلاعىن.....

2 - جۇرگىزۋشى:
جاقسى ۇستازدىڭ شىن ماڭگىلىك پايداسى،
وزىنە وبال ارزان ءدارىس، ايلاسى.
ۇستاز بولۋ باقىت، ءارى ابىروي
ۇستاز دەگەن – شاكىرتتەردىڭ ايناسى.

قورىتىندى ءبولىم.