ۇستازدىق جىلدار جەمىسى
ءمۇعالىم – ۇلى تۇلعا. ۇرپاق تاربيەسى، ونىڭ بولاشاعى – ۇستازعا بايلانىستى. ۇستاز بولۋ - جۇرەك جىلىلىعىن، مەيىرىم شۋاعىن، ادامگەرشىلىك ۇلىلىعىن بالانىڭ بويىنا دارىتۋ دەسەك، اسىقاتا كەنتىندەگى «№121 جالپى ورتا مەكتەبى» كوممۋنالدىق مەملەكەتتىك مەكەمەسىنىڭ ديرەكتوردىڭ تاربيە ءىسى جونىندەگى ورىنباسارى شاريپوۆا جۇماگۇل شۇكىرباي قىزىنىڭ بۇل سالاداعى ەڭبەگى زور.
جۇماگۇل شۇكىرباي قىزى ەڭبەك قىزىل تۋ وردەندى «بولشيەۆيك» سوۆحوزى قازىرگى ش.دىلدابەكوۆ اۋىلدىق وكرۋگىندە 1968 ج 2 اقپانىندا دۇنيەگە كەلگەن. س.قوجانوۆ اتىنداعى مەكتەپتى 1985ج ۇزدىك ءبىتىرىپ، الماتىداعى اباي اتىنداعى مەملەكەتتىك ۋنيۆەرسيتەتىنىڭ قوعامتانۋ جانە تاريح فاكۋلتەتىن بىتىرگەن. قولىنا ديپلوم العان سوڭ جاس كوڭىلى الىپ ۇشىپ، ءوز جۇرەك قالاۋىمەن تاڭداعان ۇستازدىق قادامىن 1993 ج اسىقاتا مەكتەبىندە باستاپ، 1995 – 2001ج ارالىعىندا چەحوۆ مەكتەبىندە قىزمەت اتقارعان.
2001 – 2010 جىلدارى «جەڭىس كوپ سالالى – گيمنازيا مەكتەبىندە قىزمەت ىستەي ءجۇرىپ، ءوز ءىسىنىڭ جەتىك مامانى ارقاسىندا 2004 جىلدان بەرى ديرەكتوردىڭ تاربيە ءىسى جونىندەگى ورىنباسارى لاۋازىمىنا يە بولعان. جۇماگۇل شۇكىرباي قىزى 2010 جىلدان بەرى «№121 جالپى ورتا مەكتەبى» كوممۋنالدىق مەملەكەتتىك مەكەمەسىندە ءوز قىزمەتىن جالعاستىرۋدا. ۇستازدىڭ بويىنان سالماقتى دا سابىرلى مىنەزى، بىلىمدىلىگى مەن بايىپتىلىعى، ۇيىمداستىرا ءبىلۋ قابىلەتتىلىگى مەن ماسەلە قويۋداعى تالاپشىلدىعى ايقىن اڭعارىلادى.
ءبىر ۇيدە بىر-ەكى بالانىڭ ەركەلىگىن كوتەرە الماي قاباعىنا كىربىڭ ۇيالايتىن اتا-اناعا قاراپ ءار ءۇيدىڭ ەركەسى تەنتەگىنىڭ باسىن بىرىكتىرىپ ءارقايسىسىنىڭ كوڭىلىنە كۇن ۇيالاتىپ جۇرگەن جۇماگۇل شۇكىرباي قىزىنىڭ بالا تاربيەسى دەسە ىشكەن اسىن جەرگە قوياتىن جۇرەگىنىڭ جازيراداي كەڭ، جۇيكەسى بولاتتاي بەرىك دەسەك ارتىق ايتقاندىق ەمەس. 23جىلعا جۋىق ەڭبەك جولىندا ۇستازدىق ابىرويى، ءوز ورتاسىندا عانا ەمەس اۋدان، وبلىسقا دا كەڭىنەن تانىمال.
«ادامنىڭ ادامشىلىعى – جاقسى ۇستازدان باستالادى» -دەپ، اباي اتامىز ايتپاقشى وقۋشىلاردى قازىرگى زامانعا ساي تاربيەلى ءبىلىمدى ەتىپ تاربيەلەۋدە جۇماگۇل شۇكىرباي قىزىنىڭ ەڭبەگى ەرەكشە. بالا قۇقىعىن قورعاۋ جونىندە وتكىزگەن اۋداندىق، وبلىستىق سەمينارلارى وسىنىڭ ايعاعى دەسەك قاتەلەسپەيمىز.
ءيا، ءمۇعالىمنىڭ جەمىسى – ولاردىڭ تالاي جىلعى ەڭبەكتەرىنىڭ ارقاسىندا ەكەنى بارشاعا بەلگىلى. ۇستازىمىزدىڭ اۋداندىق، وبلىستىق ماداقتامالارىندا شەك جوق. «ءبىلىم بەرۋ ءىسىنىڭ ۇزدىگى» اتاعى دا جايدان – جاي بەرىلمەگەنىن، قيىندىعى مەن قىزىعى قاتار جۇرەتىن ۇستازدىق جولداعى ەرەن ەڭبەگى ءۇشىن بەرىلگەن مارتەبە ەكەنىنە كۇمانىمىز جوق.
پرەزيدەنتىمىز ن.ءا.نازاربايەۆتىڭ «ۇستاز ءومىر بويى وقۋ كەرەك »- دەگەن ۇلاعاتتى ءسوزىن ەسكە الساق، جۇماگۇل اپايدىڭ دا ءوز ساباقتارىندا يننوۆاسيالىق ۇردىستەر مەن جاڭا تەحنولوگيا ەلەمەنتتەرىن دارىندى بالالاردى وقىتۋ مەن تاربيەلەۋدە ۇتىمدى قولداناتىن ۇستازداردىڭ ءبىرى ەكەنىنە كوز جەتكىزەمىز. الدىنا قويعان ماقساتى – جاڭا يننوۆاسيالىق تەحنولوگيالاردى پايدالانا وتىرىپ ءبىلىم ساپاسىن ارتتىرۋ. ول وزىنە دە وزگەگە دە قاتاڭ تالاپ كويا بىلەدى، سول ارقىلى بيىك تابىستارعا قول جەتكىزەدى.
ءبىلىمى تەرەڭ وقۋشى كەز–كەلگەن جەردە ءوزىنىڭ بىلىمدىلىگىن دالەلدەي الادى. ءار وقۋ جىلىن جەتىستىستىكتەرمەن اياقتايتىن ۇستازىمىزدىڭ شاكىرتتەرىنىڭ دە جەتىستىكتەرى جەتەرلىك.
ءمۇعالىم ۇنەمى ىزدەنىستە بولىپ جاڭالىقتاردان قالىسپاۋى كەرەك - دەسەك بۇل جولدا دا جۇماگۇل اپايدىڭ ەڭبەگى وراسان. ول ءوزىنىڭ وتكەن ءاربىر تاربيەگە جولى ءىس-شارالارىن ءمۇلت جىبەرمەي باسپا ءسوز بەتتەرىنە جاريالاپ وتىرادى. ونداعى ماقساتى – مەكتەپتىڭ بەدەلى مەن ءمۇعالىمنىڭ جاڭاشىلدىعى دەسەك قاتەلەسپەيمىز. سونداي اق وبلىستىق كونفەرەنسيالارعا دا قاتىسىپ ءوزىنىڭ وي–پىكىرىن قوسقان ماتەريالدارى جيناق كىتاپشالارىنا ەنگەن.
جاڭالىققا جانى قۇمار جۇماگۇل شۇكىرباي قىزى ۇستاز بولۋىمەن قاتار وزىنەن كەيىنگى جاس ماماندارعا ۇلاعاتىمەن تالىمگەرلىگىمەن ونەگە بولا بىلگەن تۇلعا. ول ءاردايىم اقىل كەڭەسىن ايتىپ ءىس–تاجىريبەسىن ۇيرەتۋدەن جالىقپايدى.
ءومىردىڭ كەڭگە جايىپ كەرەگەسىن
ەرلىكتىڭ جاسادىڭدار ونەگەسىن.
ۇرپاققا بەرگەن ۇلگى – تالىمدەرىڭ
پەرىشتە كوڭىلدەردە ونە بەرسىن - دەگەندەي جۇماگۇلدەي جىلى ءجۇزدى ادامگەرشىلىگى مول ءومىرى ونەگەلى ۇستازدار ارامىزدا ءجۇر. سوندىقتان دا ۇستازىمىزدىڭ ەڭبەگىنە ساتتىلىك تابىس تىلەيىك. ابىرويىڭىزدى ادال ەڭبەگىڭىزبەن تابۋدان شارشاماي قىزمەت ەتە بەرىڭىز دەگەن ىزگى تىلەك ايتامىز.
سۋرەتتە جۇماگۇل شۇكىرباي قىزى ءوز ارىپتەتەرىمەن
ماقتارال اۋدانى، اسىقاتا كەنتى
«№121 جالپى ورتا مەكتەبى» كمم-نىڭ
قازاق ءتىلى مەن ادەبيەتى ءپانى ءمۇعالىمى
تۋلتايەۆا پەرۋزا
You Might Also Like
-
اقمولا وبلىسى، سەلينوگراد اۋدانى، №3 تالاپكەر ورتا مەكتەبى، ينفورماتيكا ءپانى ءمۇعالىمى: بيماعامبەتوۆ ق. م
