InfoHub Logo

ءبىلىم بەرۋ سالاسى: «قاتىناس»، «تانىم»، «شىعارماشىلىق».
بولىمدەر: «قازاق ءتىلى»، «قورشاعان ورتامەن تانىستىرۋ»، «مۇسىندەۋ».
تاقىرىبى: «ءۇي جانۋارلارى»
ماقساتى: ءۇي جانۋارلارى تۋرالى تۇسىنىكتەرىن كەڭەيتۋ.
بىلىمدىلىك مىندەتتەرى: ءۇي جانۋارلارىنىڭ تىرشىلىگىمەن جانە ولاردىڭ ادامدارعا بەرەتىن پايداسىمەن تانىستىرۋ.
دامىتۋشىلىق مىندەتتەرى: ەستە ساقتاۋ قابىلەتتەرىن دامىتۋ، سوزدىك قورىن مولايتۋ، سىزبا قۇرۋ كومەگىمەن ءۇي جانۋارلارى تۋرالى سيپاتتاۋعا، اڭگىمە قۇراۋعا ۇيرەتۋ.
تاربيەلىك مىندەتتەرى: ءۇي جانۋارلارىنا دەگەن سۇيىسپەنشىلىك سەزىمگە تاربيەلەۋ، جيناقىلىققا، ۇقىپتىلىققا تاربيەلەۋ.
سوزدىك جۇمىسى: تۇيە - بوتاقان، جىلقى - قۇلىنشاق، سيىر - بۇزاۋ، قوي - قوزى، ەشكى - لاق، ساۋىنشى، ءجۇن تۇتەتۋ، قامشى ءورۋ.
بيلينگۆالدى سىڭارى: تۇيە - ۆەربليۋد، جىلقى - لوششاد، سيىر - كوروۆا، قوي - باران، ەشكى - كوزا، ساۋىنشى - دوياركا.
كورنەكىلىكتەر: ءۇي جانۋارلارى ارنالعان ويىنشىق - قورا، ءۇي جانۋارلارى ويىنشىقتارى، شەلەك، ءسۇت ونىمدەرىنەن الىناتىن تاعامدار: ءسۇت، قايماق، ايران، قۇرت ت. ب. كورپەشەلەر، ىدىستار، سۇرتكىشتەر، ءۇنتاسپا، قامشى، ءجۇن تۇتكىش تاياقتار، سىزبا قۇرۋ سۋرەتتەرى.
ساحنالىق كورىنىس:
قۇلىن، لاق، قوزى ۇشەۋى كەزدەسىپ قالادى. ولار ويىن ويناماقشى
بولادى. لاق ايتادى:
- كەلىڭدەر ۇشەۋمىز تاستان - تاسقا سەكىرىپ وينايىقشى – دەيدى.
- قوزى:
- جوق سەكىرىپ ويناعان قىزىق ەمەس، ودان دا ءسۇزىسىپ وينايىقشى.
قۇلىن تۇرىپ:
- جوق، مەن كەلىسپەيمىن، سونداي ويىن بار ما، ودان دا جۇگىرىپ جارىسىپ وينايىقشى. سونىمەن ۇشەۋى رەنجىسىپ كەلىسە الماي، بەت - بەتىمەن كەتىپ قالادى.
جايلاۋداعى اشىق الاڭ(ءۇنتاسپادان قازاقشا ءاننىڭ داۋسى).
قورادا جايىلىپ ءۇي جانۋارلارى (ويىنشىقتار) تۇر.
قوناققا كەلگەن بالالار اپاسىمەن اڭگىمەلەسۋدە.
- بالالار ءبىر - بىرىمەن رەنجىسىپ جۇرگەن قانداي جانۋارلار؟
- ءۇي جانۋارلارى.
- لاق قالاي ويناعاندى جاقسى كورەدى؟
- سەكىرىپ ويناعاندى.
- قوزى شە؟
- ءسۇزىسىپ ويناعاندى.
- قۇلىن قالاي ويناعاندى؟
- ول جارىسىپ ويناعاندى جاقسى كورەدى.
- تاعى قانداي ءۇي جانۋارلارىنىڭ تۇرلەرىن بىلەسىڭدەر؟
- ءقازىر قاي جىل مەزگىلى؟
- سەندەر قىستا قالاي كيىنەسىڭدەر؟
- ال جانۋارلار كيىم كيەدى مە؟
اپا ءۇي جانۋارلارىنىڭ جۇندەرىمەن تانىستىرادى، ولاردى ءوزارا سالىستىرادى.
ويىن: «ءجۇن تۇتەتۋ، قامشى ءورۋ»
قىزدار مەن ۇلدار ەكى توپقا بولىنەدى. قىزدار ءجۇن تۇتەدى، ۇلدار توبى قامشى ورەدى. دايىن بولعان جۇمىستاردان كورمە ۇيىمداستىرادى.
ويىن: «قوشاقانىم ءوزىڭ»
ەركەلەتىپ سويلەۋگە شاقىرادى. مىنا ءۇي جانۋارلاردىڭ سۋرەتتەرىن تاڭداپ الىپ، ولارعا جىلى سوزدەر ويلاپ تابىڭدار.
- مىسالى: «سۇيكىمدى قوزىم»
سىزبا قۇرۋ:
اپا بالالاردى كيىز ۇيدەگى كورپەشەلەرگە جايعاستىرادى.
- بالالار ەندى كەيبىر مالداردىڭ پايداسىن ايتا كەتەيىك. ونى سىزبا كومەگىمەن سيپاتتاپ بەرەدى.

سيىر

ءسۇت

ايران، قايماق

ماي، قۇرت

سەرگىتۋ ءساتى: «جۇپتار ويىنى»
مۋزىكا ىرعاعى توقتاعاندا جەتەكشىنىڭ كورسەتكەن بەلگىسى بويىنشا جۇپتاسىپ تۇرادى.
ديداكتيكالىق ويىن: «ءتولىن تاپ»
ماقساتى: ءاربىر مالدىڭ سۋرەتىنىڭ استىنداعى قالتاشاعا تولدەرىن تاۋىپ اپارىپ سالۋ كەرەك.
سىيلىقتى كەزەڭ ۇيىمداستىرۋ:
ساۋىنشى اپاي جۇمباق جاسىرادى:
- باسىندا ەكى تاياعى بار،
ءتورت اياعى بار.(سيىر)
كورمە:
ۇستەل ۇستىندە ساۋىنشى اپايدىڭ سيىرىنان العان ءسۇت ونىمدەرىن كورسەتىپ، سۇزبەدەن قۇرت جاساۋعا بالالاردى شاقىرادى.
الدىن الا ءاربىر ۇستەلدە، ءار بالاعا ىدىستار، ىلعالدى قول سۇرتكەشتەر، تاقتايشالار دايىندالعان.
سوڭىندا جاسالعان قۇرتتاردى ماداقتاپ، كەلگەن قوناقتارمەن قوشتاسۋدى ۇسىنادى.
ءبىز اقىلدى بالامىز،
ايتقان ءتىلدى الامىز.
بۇگىنگى كەلگەن قوناققا،
ساۋ بولىڭىز دەپ، ايتامىز.
كۇتىلەتىن ناتيجە
جاسايدى: ءۇي جانۋارلارىنىڭ تولدەرىن ءدال تابادى؛
ولاردىڭ ءجۇنىن ءتۇتىپ، قامشى ورەدى؛
سىزبا قۇرۋ تۋرالى سيپاتتايدى، اڭگىمە قۇرايدى.
تۇسىنەدى: ءۇي جانۋارلار تۋرالى، ونىڭ تىرشىلىگى مەن ادامدارعا بەرەتىن پايداسى تۋرالى تۇسىنەدى.
قولدانادى: ءسۇت ونىمدەرىنەن پايدا بولاتىن ايران، سۇزبە، قايماق، قۇرت، قىمىز، شۇبات سوزدەرىن قولدانادى.