InfoHub Logo

تەلەجۇرگىزۋشى - تەلەارنانىڭ ايناسى، كورەرمەننىڭ كوڭىلىن تاۋىپ، ىقىلاسىنا بولەنەتىن جاندار. تەلەجۇرگىزۋشىلەر تانىمدىق - اقپاراتتىق باعدارلامالاردىڭ تىزگىنىن ۇستايدى، جەكە تۇلعامەن سۇحبات قۇرىپ، ورتاسىن قىزىققا تولىقتىرادى جانە كورەرمەننىڭ كوڭىلىن كوتەرەدى.
ەندەشە، تەلەجۇرگىزۋشىگە قويىلاتىن تالاپتارمەن تانىس بولىڭىز:
1. قىسىلماڭىز.
تەلەجۇرگىزۋشى اتانعىڭىز كەلسە، قىسىلىپ - قىمتىرىلۋدىڭ قاجەتى جوق. بۇل - ميلليونداعان اۋديتوريامەن قارىم - قاتىناستىڭ قاينار كوزى. تابيعاتتان بەرىلگەن قاسيەتىڭىزدى وزگەرتپەڭىز. بۇل تۇستا اكتەرلىك شەبەرلىك كۋرستارىنا جازىلۋ مەن وراتورلىق قاسيەتىڭىزدى دامىتۋ ارتىقتىق ەتپەيدى.
2. كورىكتى بولىڭىز.
تەلەجۇرگىزۋشىنىڭ دەنە - ءبىتىمى تارتىمدى ءارى بەت - بەينەسى كورىكتى بولۋى كەرەك. تەليەۆيدەنيەدەن ءار ءتۇرلى ادامداردى كەزىكتىرۋگە بولادى. الايدا، سىرت - كەلبەتى تارتىمدى تەلەجۇرگىزۋشىنىڭ قارالىم كوپ جينايتىنىن ۇمىتپاڭىز.
3. جان - جاقتى ءارى بىلىكتى بولۋ - شارت.
تەلەجۇرگىزۋشى ءۇشىن تاجىريبەنىڭ ماڭىزى زور. نەعۇرلىم تاجىريبە جيناساڭىز، سوعۇرلىم شىڭدالا تۇسەسىز.
4. دامۋ ۇستىندە بولىڭىز.
وزدىگىمەن رۋحاني تۇرعىدا ءوسۋ - تەلەجۇرگىزۋشىنىڭ قابىلەتىن بەزەندىرە تۇسەدى. ءسىز كورەرمەندى قىزىقتىرۋعا ءتيىستىسىز. دۇنيە - تانىمنىڭ كەڭدىگى، كەز - كەلگەن تاقىرىپتا اڭگىمە - دۇكەن قۇرۋ، سۋىرىپسالمالىق قاسيەت - ناعىز تەلەجۇرگىزۋشىگە ءتان.
5. تىكەلەي ەفيردە بارلىعىنا دايىن بولۋ.
تىكەلەي ەفير - تەلەجۇرگىزۋشىنى شىڭداي تۇسەتىن ورىن. بۇل جەردە ءسىز كەز - كەلگەن جايتقا دايىن بولاسىز. ەڭ باستىسى - ميميكامەن، ديكسيامەن كۇندەلىكتى جۇمىس جاساۋ.
•قولايسىز جۇمىس.
تەلەجۇرگىزۋشى ۇنەمى كلاسسيكالىق كيىم كيىپ، ستۋديالىق فورماتتا جۇمىس جۇرگىزبەيدى. سىزگە تاۋدان سەكىرىپ نەمەسە وزەندە ءجۇزىپ تە سۇحبات الۋعا تۋرا كەلەدى.
▪جاعىمسىز پىكىرلەر.
بەلگىلى تەلەجۇرگىزۋشىنى ءبىرىنشى كۇننەن - اق سىناپ - مىنەيتىندەر تابىلادى. ءبىراق، وسىعان بولا الاڭداۋدىڭ قاجەتى شامالى. ءسىزدىڭ تانىمالدىلىعىڭىز بەن بىلىكتىلىگىڭىز - كارەراڭىزدىڭ دامۋىنا سەپتىگىن تيگىزەتىنىن بىلە ءجۇرىڭىز.