ۇيگە ارنالعان پايدالى كەڭەستەر
توڭازىتقىشتاعى ىلعالدى كەتىرۋ ءۇشىن ىشىنە تۇز سالىنعان ىدىس قويۋ كەرەك.
بولاتتان جاسالعان قازاندى جۋعاننان كەيىن دەرەۋ قۇرعاتۋ كەرەك.
جارىلعان قولدار جاتاردان بۇرىن 10 مينۋت جىلى سۋعا سالىنادى. سوسىن كرەم جاعىپ، قولعاپ كيىپ جاتادى.
اق كيىمدەر، اق توسەنىشتەر قايناتاتىن سۋعا بىرنەشە جۇمىرتقانىڭ قابىعىن سالسا قارداي اپپاق بولادى.
ىس داقتارىن كەتىرۋ ءۇشىن داقتىڭ ۇستىنە ليموندى سىعىپ، تۇز سەۋىپ، ۋقالاپ جۋادى.
سۋرەتتەردىڭ قابىرعاعا ءىز قالدىرماۋى ءۇشىن ەكەۋىنىڭ اراسىنا جۇقا ماتا قويىلادى.
ميكسەردى تازالاۋ ءۇشىن ىدىس جارتىسىنا دەيىن ۇنتاقتى سۋعا تولتىرىلىپ، 5-10 سەكۋند ىسكە قوسىلادى. سۋىن توگىپ، تازالاپ كەپتىرەدى.
پەش تەمىرىنىڭ استىنا ءاليۋميندى فولگا سالىنسا، توگىلگەن نارسەلەر وڭاي تازالانادى.
باقىر زاتتاردى تازالاۋ ءۇشىن ليمون جانە تۇزبەن ىسقىلانادى. كۇل دە بۇل زاتتاردى جىلتىراتادى.
اينەكتەردى تازالاۋ ءۇشىن سىركەلى سۋمەن سۇرتىلەدى. داق قالسا سۋدىڭ ىشىنە ءبىراز اممياك سالىنادى.
پىسىرىلەتىن كوكونىستەردىڭ ءتۇسىن جوعالتپاۋ ءۇشىن الدىمەن مۇزدى سۋعا سالىنادى.
ۇتىكتىڭ استىن تازالاۋ ءۇشىن ازداپ سىركە سۋىنا باتىرىلعان ماقتامەن ىسقىلاۋ كەرەك.
كيىم ۇتىكتەۋدى وڭاي قىلۋ ءۇشىن جانە ۇتىكتەۋ ۋاقىتىن قىسقارتۋ ءۇشىن، كيىم ۇتىكتەۋ تاقتايشاسىنىڭ قابىنىڭ استىنا ءاليۋميندى فولگا قويىلادى.
كىلەمدەگى كۇيىك ىزدەرىن كەتىرۋ ءۇشىن قۇرعاقتاي ەگەۋقۇم (ناجداك) قاعازىمەن ىسقىلاپ، ارتىنشا جۋىپ الۋعا بولادى.
قابىرعاعا شەگە قاعىلاتىن ورىنعا ايقاستىرىپ سكوچ جابىستىرىلاتىن بولسا، سىلاقتىڭ جارىلۋىنىڭ الدىن الادى.
You Might Also Like
-
جاس كەلىندەر قارا شاڭىراقتىڭ نەمەسە اقساقالى بار ءۇيدىڭ تورىنە شىقپايدى. ايەل ادام ورىندىقتا وتىرعاندا اياعىن ايقاستىرمايدى. ايەل ادام كوپ الدىندا كەرىلمەيدى. بۇرىنعى كەزدە جاس كەلىندەر تاڭەرتەڭ ە...
-
ءسىڭىر تارتىلۋى جانە بۇلشىق ەت دىرىلىنە قارسى ۇيدە نە ىستەۋگە بولاتىنىن كوبىمىز بىلە بەرمەيمىز. بارلىعى ومىرىندە بىرنەشە رەت بۇلشىق ەت دىرىلىنە تاپ بولعان. ءسىڭىر تارتىلۋى ادەتتە قول، اياق جانە ارقادا...
