InfoHub Logo

جاس كەلىندەر قارا شاڭىراقتىڭ نەمەسە اقساقالى بار ءۇيدىڭ تورىنە شىقپايدى.
ايەل ادام ورىندىقتا وتىرعاندا اياعىن ايقاستىرمايدى.
ايەل ادام كوپ الدىندا كەرىلمەيدى.
بۇرىنعى كەزدە جاس كەلىندەر تاڭەرتەڭ ەرتە تۇرىپ، اۋىلداعى ۇلكەن ۇيلەردىڭ تۇندىگىن اشقان.
كەلىندەر كەلىن بولىپ تۇسكەن جەردەگى ادامداردىڭ اتىن اتامايدى. قاينىلارى مەن قايىن سىڭلىلەرىنە ءوزى جەكە ات قويادى.
حالىق داستۇرىندە ەر ادام شاشىن وسىرمەيدى، ايەل شاشىن قيمايدى.
جۇكتى ايەلگە كۇلۋ - ادەپسىزدىك.
اسا ءبىر تىعىز شارۋاسى بولماسا ايەلدەر وتىرعان جەرگە ەرلەر، ەرلەر وتىرعان جەرگە ايەلدەر كىرمەيدى.
قازاق داستۇرىندە تۋىستىعى جوق ەر مەن ايەل وڭاشا وتىرمايدى. كەلىندەر قايىن جۇرتىنىڭ ۇلكەن ادامدارىنا ءيىلىپ سالەم جاساعان.
كەلىندەر ۇلكەن كىسىلەردەن قايتقان تاباققا سالەم جاساعان.
بالا اتا-انانىڭ، كەلىن ەنەنىڭ ءسوزىن ەكى ەتپەيدى.
قازاق ايەلدەرى ەركەكتەر وتىرعان جاققا كوز سالمايدى.
ايەلدەر جولاۋشىنىڭ، ەركەكتىڭ الدىن كەسىپ وتپەيدى.
قازاق ايەلدەرى كىسىگە قارسى قاراپ وتىرماي، ءبىر قىرىنداپ وتىرعان.
قازاق ايەلدەرى كۇيەۋىنىڭ اتىن اتاماعان جانە ونىڭ ايتقاندارىن مۇلتىكسىز ورىنداپ، بەتىنە قارسى كەلمەگەن.
قىزى بوسانعاندا شەشەسى كادەسىن الىپ بارۋعا مىندەتتى.
قازاق ادەتىندە ايەل مال باۋىزدامايدى. قيىن جاعدايدا كىشكەنتاي دا بولسا ەركەك بالانىڭ قولىنا پىشاقتى ۇستاتىپ باۋىزدايدى.
ايەل دۇعانى ىشىنەن وقيدى.
اقساقال، اتا-ەنە، قايناعا الدىندا كەلىن داۋىس كوتەرىپ سويلەمەيدى.
ايەل ەرتە تۇرادى.
ايەلگە ەر ادام اتقاراتىن مىندەتتەر جۇكتەلمەيدى.
ايەل ادام كىسى بەتىنە، اسىرەسە بەيتانىس ادامعا باجىرايىپ قاراي بەرمەيدى.
جۇكتى ايەل اۋىر كوتەرمەيدى.
تۇرمىسقا شىققان ايەل جالاڭباس جۇرمەيدى.
بالا ەمىزىپ وتىرعان ايەل، ومىراۋىن باسقاعا كورسەتپەيدى.

 

دەرەككوز: قازاق حالقىنىڭ تۇرمىسى مەن مادەنيەتى (سەيىت كەنجەاحمەت ۇلى)

---