InfoHub Logo

CES-تە ەلەكترونيكانىڭ الۋان ءتۇرلىباعىتتارى كورسەتىلگەن. الايدا ءدال بيىلعى جىلى ۇيىمداستىرۋشىلار العاش رەت ۇيقى تەحنولوگياسىنىڭ ساناتىن ەرەكشە ءبولىپ الدى. ەگەر بۇرىندارى ۇيقىنى قاداعالاپ، ساپاسىنا تالداۋ جاساي الاتىن قۇرالداردىڭ نەگىزگى بولىگىن فيتنەس-براسلەتتەر مەن اقىلدى ساعاتتار قۇراعان ەدى. ال قازىرگى ۋاقىتتا ادامداردىڭ ءتاتتى ۇيقىعا باتۋعا كومەكتەسەتىن كومپانيالار پايدا بولا باستادى. ولاردىڭ جارقىن وكىلى — CES 2017-دە Sleep Number 360 اقىلدى توسەگىن ۇسىنعان Select Comfort كومپانياسى.

Select Comfort 30 جىلدان بەرى توسەكتەر مەن ماتراستار شىعارىپ كەلە جاتقانىن اتاپ وتكەن ءجون. جانە ىشىنە سالىناتىن اقىلدى سالمالاردى ءوز ونىمدەرىنە قوسۋدى ولار كەشە عانا باستاعان جوق. بارلىعى دا 2012 جىلى بيومەترلىك تەتىكتەر مەن ۇيقى مونيتورينگى تەحنولوگياسىن ازىرلەۋ سالاسىنداعى كرەمنييلىك اڭعارعا العاش جول سالۋشى – BAM Labs-پەن ىقتىماقتاستىقتان باستالدى. 2015 جىلى Select Comfort كومپانياسى BAM Labs-تى تولىقتاي ساتىپ الىپ، ونىڭ اتاۋىن SleepIQ Labs دەپ وزگەرتتى. Sleep Number ساۋدا ماركاسىمەن شىعارىلا باستاعان توسەكتەردە جۇزەگە اسىرىلعان ۇيقى مونيتورينگىنىڭ تەحنولوگياسى مەن تالداۋى دا وسىنداي اتاۋعا يە بولدى. Sleep Number 360 جاڭا توسەگى كومپانيانىڭ بارلىق زاماناۋي زەرتتەۋلەرىن پايدالانا وتىرىپ قۇراستىرىلعان جانە اقىلدى دەپ اتالۋى دا زاڭدىلىق. 

جەكەلەگەن رەتتەلىم

بىرىنشىدەن، Sleep Number 360 اۆتوماتتى تۇردە ءوزىنىڭ يەسىنە قاراي يكەمدەلەدى. تىپتەن، يەسى ەكى ادام بولسا دا، مىسالى ەرلى-زايىپتىلار، توسەك ولاردىڭ ءارقايسىسىنا لايىقتى تۇردە جەكە-جەكە يكەمدەلۋى مۇمكىن. بۇل ەڭ الدىمەن، توسەكتىڭ قالپىنىڭ وزگەرۋىنە جانە ۇيىقتاپ جاتقان كەزدەگى ادامنىڭ جاتىسىنىڭ وزگەرۋىنە بايلانىستى ونىڭ جۇمساقتىعىنا/قاتتىلىعىنا قاتىستى بولادى. وعان ماتراس پەن وزدىگىنەن رەتتەلەتىن مەحانيزمنىڭ اراسىندا ورنالاسقان ارنايى اۋالى قاباتتامانىڭ ارقاسىندا قول جەتكىزىلەدى.

قورىلداۋدىڭ الدىن الۋ

ەكىنشىدەن، وزدىگىنەن رەتتەلەتىن مەحانيزمدەر ۇيىقتار الدىندا كىتاپ وقۋ نەمەسە تەلەديدار كورۋ ءۇشىن توسەكتىڭ قالپىن جايلى ەتىپ قويىپ بەرەدى. بۇدان وزگە، ەگەر دە SenseIQ تەتىگى ۇيىقتاپ جاتقان ادامنىڭ قورىلداي باستاعانىن انىقتاسا، وزدىگىنەن رەتتەلەتىن مەحانيزمدەر ادام دەنەسىنىڭ جوعارعى بولىگىن اۆتوماتتى تۇردە 7 گرادۋسقا كوتەرىڭكى ەتىپ قويادى. الايدا، بۇل تەك قورىلداۋى جەڭىل تۇردە وتەتىن جانە سوزىلمالى بولىپ تابىلمايتىن دەنى ساۋ، ەرەسەك ادامدارعا عانا قاتىستى.

اياقتاردى جىلىتۋ

ۇشىنشىدەن، ادەتتە ادامنىڭ اياقتارى ورنالاساتىن توسەكتىڭ تومەنگى بولىگى، جىلىتۋ جۇيەسىمەن جابدىقتالعان. اياقتارعا جىلۋ، ەڭ ءبىرىنشى تەزىرەك ۇيىقتاپ كەتۋ ءۇشىن قاجەت. جانە دە ۇيىقتاپ جاتقان كەزدە اياقتاردىڭ اينالاسىنداعى جىلۋ ۇيقىنىڭ ءۇزىلىسسىز بولۋىن قامتاماسىز ەتەدى.

سمارتفونمەن ۇيلەسىمدىلىك

جوعارىدا اتالعانداردان وزگە، توسەك ءۇشىن ارنايى موبيلدىك قوسىمشا ازىرلەنگەن. ءيا، Sleep Number 360 توسەگى Bluetooth ارقىلى سمارتفونعا قوسىلادى. قوسىمشادا توسەكتى رەتتەۋگە جانە ۇيقى، جۇرەك سوعىسىنىڭ ىرعاعى، تىنىس الۋ جيىلىگى مەن كەزەڭى تۋرالى دەرەكتەردى قاراۋعا بولادى. توسەك اقىلدى وياتقىش قوڭىراۋ رەتىندە دە قولدانىلادى، وياتقىش قوڭىراۋ ۇيقىدان بارىنشا جايلى ويانۋ ءۇشىن ادام ۇيقىنىڭ جەڭىل كەزەڭىندە بولعان ساتىندە ىسكە قوسىلادى. قوسىمشاداعى دەرەكتەردى ساراپتاي وتىرىپ، ۇيقىنىڭ ساپاسىن جاقسارتۋ ءۇشىن ۇسىنىستار بەرەدى جانە SenseIQ دەپ اتالاتىن ساپاسىنىڭ باعاسىن يەلەنەدى.

اقىلدى فۋنكسيالاردى پايدالانۋ سەنارييلەرى

- بارىنشا كورنەكى بولۋ ءۇشىن، كەرەۋەت ساعات 23:00-دە ۇيقىعا جاتىپ، 07:30-دا ۇيقىدان تۇرۋعا باپتالعان جاعدايدا، ونى پايدالانۋ سەنارييلەرىنىڭ مىسالىن كەلتىرەيىك:

- ساعات 22:30-دا سمارتفونعا ۇيقىعا جاتۋعا دايىندالۋ قاجەتتىگى جونىندە حابارلاما كەلەدى.

- ساعات 22:45-تە اۆتوماتتى تۇردە اياقتاردىڭ اينالاسىندا توسەكتىڭ جىلۋى قوسىلادى.

- 23:00-دە توسەك اۆتوماتتى تۇردە ۇيىقتار الدىندا كىتاپ وقۋ ءۇشىن الدىن-الا باپتالعان قالىپقا كەلەدى.

- 23:00-دەن باستاپ 07:30-عا دەيىن توسەك ۇيىقتاپ جاتقان ادامنىڭ جاتىسىنىڭ وزگەرۋىنە قاراي اۆتوماتتى تۇردە يكەمدەلەتىن بولادى.

- ەگەر دە 01:00-دە قورىلداۋ باستالعاندىعىنىڭ بەلگىسى انىقتالاتىن بولسا، وندا توسەكتىڭ جوعارعى بولىگى قورىلدى جويۋ ءۇشىن ازداپ كوتەرىلەدى.

- ەگەر دە 04:30-دا بالانى باقىلاپ قويۋ ءۇشىن نەمەسە دارەتحاناعا بارۋ ءۇشىن تۇرۋ قاجەت بولسا، وندا توسەك اۆتوماتتى تۇردە تومەنگى كومەكشى جارىقتارىن قوسادى. توسەككە قايتىپ ورالعاننان كەيىن، جارىق اۆتوماتتى تۇردە سونەدى.

- وياتقىش قوڭىراۋ 07:30-عا باپتالعانىن تۇسىنگەن توسەك، ۇيىقتاپ جاتقان ادام ۇيقىنىڭ جەڭىل كەزەڭىندە بولعان كەزدە وياتقىش قوڭىراۋدى ىسكە قوسادى، مىسالى 07:15-تە.

باسقا قوسىمشالارمەن بىرىكتىرۋ

بۇدان وزگە SenseIQ تەحنولوگياسىندا اشىق API بار جانە ونى باسقا قوسىمشالارمەن بىرلەسە جۇمىس ىستەۋى ءۇشىن قولدانۋعا بولادى. مىسالى، فيتنەس-ترەكەرلەرگە ارنالعان Fitbit قوسىمشاسى ءقازىردىڭ وزىندە SenseIQ-مەن بايلانىستا. سوندىقتان، Fitbit بىلەزىگىمەن بىرگە جاتتىعۋ جاساعان كۇنى توسەك دەنەگە اۋىرلىق تۇسكەنىن سەزەتىن جانە ۇيىقتاعان كەزدە توسەكتىڭ جۇمساقتىعىن اۆتوماتتى تۇردە (نەمەسە يەسىنىڭ قالاۋىمەن) ارتتىراتىن بولادى.

باعاسى جانە شىعارىلعان كۇنى

كەلىسەسىز بە، مۇنىڭ بارلىعى فۋتۋريستىك كينودا بولىپ جاتقانداي بولىپ كورىنەدى؟ ءبىراق، بۇل شىندىق. جانە دە بۇل شىندىقتىڭ ساتىلىمى شامامەن وسى جىلدىڭ ورتاسىندا باستالادى. ارينە، مۇنداي عانيبەت ارزان تۇرمايدى. Sleep Numberء-دىڭ ناقتى باعاسى قانداي بولاتىندىعى بەلگىسىز، الايدا ول Select Comfort كومپانيانىڭ باسقا دا توسەكتەرىنىڭ اعىمداعى باعاسىنىڭ شەڭبەرىندە بولاتىندىعى ايتىلادى. ال بۇل، ونىڭ باعاسى 5-6 مىڭ دوللارعا جەتۋى مۇمكىن دەگەن ءسوز.

---