InfoHub Logo

قازاقستاننىڭ ەڭبەك سىڭىرگەن قايراتكەرى، تانىمال ءانشى مەيرامبەك بەسپايەۆ ءوزىنىڭ Instagram پاراقشاسىندا اكەسى ءابىلاشىم يستاي ۇلىنىڭ تۋعان كۇنىمەن قۇتتىقتاۋىن جاريالادى. ءانشى اكەسىمەن بىرگە 1987 جىلى تۇسىرىلگەن ەسكى سۋرەتتى ءبولىسىپ، وعان ارناپ جىلى لەبىزدەرىن ءبىلدىردى.

بۇل تۋرالى Infohub.kz اقپارات اگەنتتىگى حابارلايدى.

"اكەتاي، تۋعان كۇنىڭىزبەن! ۇزاق عۇمىر تىلەيمىن!" – دەپ جازدى ونەر يەسى.

جەلىدەگى وقىرماندار دا ءانشىنىڭ اكەسىن قۇتتىقتاپ، وعان زور دەنساۋلىق پەن ۇزاق عۇمىر تىلەدى. "100 جاس جاساڭىز!"، "قازاق دالاسىنا مەيرامبەكتەي تۇلعانى سىيلاعان اكەگە راحمەت!"، "100 جاسىڭىزدى بۇكىل ەل بولىپ تويلايىق!" – دەگەن سياقتى پىكىرلەر كوپتەپ جازىلدى.

مەيرامبەك بەسپايەۆ تۋرالى

مەيرامبەك ءابىلاشىم ۇلى بەسپايەۆ 1976 جىلى 7 قاراشادا جامبىل وبلىسى، تالاس اۋدانىندا دۇنيەگە كەلگەن. ول – بەلگىلى ءانشى، تەرمەشى، اكتەر جانە "مۋزارت" توبىنىڭ مۇشەسى.

ونەر جولىن جاستايىنان باستاعان مەيرامبەك بەسپايەۆ تاراز قالاسىنداعى مۋزىكالىق مەكتەپتە، كەيىن الماتىداعى ك.بايسەيىتوۆا اتىنداعى مۋزىكالىق مەكتەپتە ءبىلىم العان. 1994-1998 جىلدارى ت.جۇرگەنوۆ اتىنداعى تەاتر اكادەمياسىندا اكتەر ماماندىعى بويىنشا وقىدى.

ءانشىنىڭ رەپەرتۋارىندا قازاقتىڭ كورنەكتى كومپوزيتورلارىنىڭ اندەرى بار. سونداي-اق، ول "قوشتاسقىم كەلمەيدى"، "عاشىق جۇرەك" فيلمدەرىندە اكتەر رەتىندە دە تانىلدى.

مەيرامبەك بەسپايەۆ "دارىن" مەملەكەتتىك جاستار سىيلىعىنىڭ لاۋرەاتى، "مادەنيەت قايراتكەرى" مەدالىمەن، قازاقستاننىڭ ەڭبەك سىڭىرگەن قايراتكەرى اتاعىمەن جانە "ق ر تاۋەلسىزدىگىنە – 25 جىل" مەدالىمەن ماراپاتتالعان.