ۆەليكايا كوپانيا — ەگىزدەر استاناسى
ءبىر قاراعاندا زاكارپاتەدەگى (ۋكراينا) ۆەليكايا كوپانيا اۋىلىنىڭ باسقا دا جۇزدەگەن اۋىلدان ەش ايىرماشىلىعى جوق سياقتى. الايدا ول تۋرالى جەرگىلىكتى جانە الەمدىك باسىلىمدار ءجيى جازادى. سەبەبى بۇل اۋىلدا 61 ەگىز جۇپ تۇرادى. ءار بەسىنشى جانۇيادان ەگىزدەردى تابۋعا بولادى.
ۆەليكايا كوپانيا اۋىلىن «ەگىزدەر استاناسى» دەپ اتايدى، ويتكەنى وندا 4000 تۇرعىنعا 122 ەگىز كەلەدى. بۇل مەكەندە ەگىزدەر 1940 جىلدان باستاپ جاپپاي تۋىلا باستاعان. سوندىقتان، اۋىلدا جۇرگەندە قارتتار اراسىنان دا، بەسىكتەگى سابيلەر اراسىنان دا بىردەي ادامداردى كورۋگە بولادى.
تۇرعىندار ەگىزدەردىڭ كوپ بولۋى گەنەتيكالىق ەرەكشەلىككە ەمەس، بۇلاق سۋىنا بايلانىستى دەپ ەسەپتەيدى. جەرگىلىكتى بۇلاق كوزى تۋۋ كورسەتكىشىن ارتتىرۋعا كومەكتەسەتىن ەرەكشە قاسيەتكە يە دەيدى ولار. جانە بۇل كورسەتكىش تەك وسى اۋىلعا عانا ءتان ەمەس. بىردە سۋدىڭ «عاجايىپ قاسيەتى» جايلى ەستىگەن بەدەۋ ايەل ۆەليكايا كوپانياعا كەلەدى. جەرگىلىكتى سۋدى ءىشىپ، ءبىراز ۋاقىتتان كەيىن... ارينە، ەگىز بوسانادى. قازىردە اۋىلدا، بۇلاقتىڭ اينالاسىندا ءار جەردەن كەلگەن ادام وتە كوپ.
عالىمدار بۇلاقتىڭ سۋىن تاجىريبەدەن وتكىزىپ كورگەن ەكەن، سوندا ونىڭ قۇرامىندا سەلەن كوپ ەكەنى انىقتالعان. سەلەن ايەلدەر مەن ەرلەردىڭ جىنىس جۇيەسىنە جاقسى اسەر ەتەدى.
ءبىر قىزىعى، ۆەليكايا كوپانيادا ەگىزدەر ادامدار اراسىندا عانا كوپ ەمەس. بۇل ايماقتا ەگىز سيىرلار دا وتە كوپ. ۆەليكايا كوپانيا اۋىلى ۋكراينا رەكوردتار كىتابىنا ەنگەن. ەندىگى كەزەك گيننەس رەكوردتار كىتابىنا ەنۋ.
You Might Also Like
-
قىزىلوردا قالاسى، تاسبوگەت كەنتى وقۋشىلار مەن جاسوسپىرىمدەر ءۇيى "ولكەتانۋ" ۇيىرمەسىنىڭ وقۋشىسى: قۋانىشبەك اقنۇر جەتەكشىسى: جالىمبەتوۆا ايجان تاعىبەرگەن قىزى
