ءتىلماش نۇرلان نوعايەۆتىڭ قازاقشا سويلەگەنىن يتاليا ەلشىسىنە اۋدارىپ بەرە المادى
كەشە اتىراۋ وبلىسىنىڭ اكىمى نۇرلان نوعايەۆ يتاليانىڭ قازاقستانداعى توتەنشە جانە ۋاكىلەتتى كەلشىسى ستەفانو راۆانيامەن كەزدەستى دەپ حابارلايدى اكىمدىكتىڭ باسپا ءسوز قىزمەتى.
جيىننىڭ ءالعىسوزىن قازاقشادان باستاعان نوعايەۆتى يتاليا ەلشىسى بىلاي تۇرسىن، ونىڭ اۋدارماشىسى دا تۇسىنە العان جوق. ويتكەنى، ءتىلماش تەك ورىسشادان عانا اۋدارادى ەكەن. سالدارىنان اكىمنىڭ ءسوزىن سونداعىلار الدىمەن ورىسشاعا اۋدارىپ، ودان كەيىن اۋدارماشى يتاليان تىلىنە ءتارجىمالاي باستاعان. الايدا، اراعا اتىراۋداعى مۇناي-گاز ينستيتۋتىنىڭ رەكتورى ءالي ابىشيەۆ ارالاسىپ، ول نوعايەۆتىڭ ءسوزىڭ تىكەلەي قازاقشادان اعىلشىنشاعا اۋدارىپ بەرىپ وتىردى.
وسىلايشا مەملەكەتتىك ءتىلدى بىلمەيتىن ءتىلماشتاردى قاجەت ەتپەگەن كەزدەسۋدەن كەيىن ستەفانو راۆانيا نۇرلان نوعايەۆقا العىسىن ايتىپ، مىندەتتى تۇردە قازاق ءتىلىن جاقىن ۋاقىتتا ۇيرەنىپ الۋعا ۋادە ەتتى.
ەستەرىڭىزگە سالايىق، ءدال وسىعان ۇقساس جاعداي اقتوبەدە قىتايلىق كومپانيا وكىلدەرىمەن كەزدەسۋ بارىسىندا ورىن العان ەدى. وبلىس اكىمى بەردىبەك ساپاربايەۆتىڭ قازاقشاسىن تۇسىنبەگەن اۋدارماشىلار ودان ورىسشا سويلەۋدى سۇراعان بولاتىن.
You Might Also Like
-
مەكتەپتەردە سپورت زالدارىنىڭ بوس ۋاقىتتا پايدالانىلۋى باسىم جاعدايدا مۇمكىن ەمەس. بۇگىن ماجىلىستە ءوتىپ جاتقان بۇقارالىق سپورتتى جانە دەنە شىنىقتىرۋدى دامىتۋ تاقىرىبىنداعى ۇكىمەت ساعاتىندا دەپۋتاتتا...
-
قىزىلوردا قالاسى، تاسبوگەت كەنتى وقۋشىلار مەن جاسوسپىرىمدەر ءۇيى "ولكەتانۋ" ۇيىرمەسىنىڭ وقۋشىسى: تاحير دوسجان جەتەكشىسى: جالىمبەتوۆا ايجان تاعىبەرگەن قىزى
