"ۆوكزالدا بومبا بار": الماتى تۇرعىنىنىڭ جالعان قوڭىراۋى 4 جىل تۇرمەمەن اياقتالدى
"ۆوكزالدا بومبا بار": الماتى تۇرعىنىنىڭ جالعان قوڭىراۋى 4 جىل تۇرمەمەن اياقتالدى
الماتىنىڭ 44 جاستاعى تۇرعىنى ۆوكزالدارعا جارىلعىش زات قويىلدى دەگەن جالعان اقپارات تاراتقانى ءۇشىن سوت ۇكىمىمەن ءتورت جىلعا باس بوستاندىعىنان ايىرىلدى. بۇل تۋرالى الماتى قالالىق پروكۋراتۋراسى مالىمدەدى.
تەرگەۋ مالىمەتىنە سايكەس، ەر ادام ءتورت رەت تاكسوفون ارقىلى قوڭىراۋ شالىپ، ۆوكزالدارعا بومبا قويىلعانىن حابارلاعان. جالعان دابىلدان كەيىن توتەنشە جاعدايلار قىزمەتتەرى مەن قۇقىق قورعاۋ ورگاندارى اياعىنان تىك تۇرىپ، ۆوكزال اۋماعىنان ادامدار شۇعىل ەۆاكۋاسيالانعان.
“ساراپتاما ناتيجەسىندە كۇدىكتىنىڭ جەكە تۇلعاسى انىقتالىپ، دابىلدىڭ جالعان ەكەنى دالەلدەندى. مەملەكەتتىك ورگاندارعا كەلتىرىلگەن ماتەريالدىق شىعىن 3،3 ميلليون تەڭگەدەن استى”، – دەلىنگەن پروكۋراتۋرا مالىمەتىندە.
سوت قىلمىستىق كودەكستىڭ 273-بابى (تەرروريزم اكتىسى تۋرالى كورىنەۋ جالعان حابارلاۋ) بويىنشا ۇكىم شىعاردى. بۇعان قوسا، سوتتالۋشى مەملەكەتكە كەلگەن شىعىندى وتەۋگە جانە وتەماقى تولەۋگە مىندەتتەلدى.
پروكۋراتۋرا جالعان اقپارات تاراتۋ – تەك جازالاناتىن قىلمىس قانا ەمەس، سونىمەن قاتار قوعامدىق ءتارتىپ پەن قاۋىپسىزدىككە تىكەلەي ءقاۋىپ توندىرەتىن ارەكەت ەكەنىن ەسكە سالادى.
You Might Also Like
-
قازاقستاندىق اۆياكومپانيالار ءۇشىن تاياۋ شىعىستاعى ءبىرقاتار ەلدەردىڭ اۋە كەڭىستىگىنەن ۇشۋ ۋاقىتشا توقتاتىلدى. بۇل تۋرالى ازاماتتىق اۆياسيا كوميتەتى رەسمي مالىمدەمە تاراتتى.
-
تاياۋ شىعىستاعى گەوساياسي شيەلەنىس سالدارىنان بىرىككەن اراب امىرلىكتەرىنەن ەلگە ورالا الماي جاتقان قازاقستاندىقتاردىڭ سانى 300-گە جۋىقتادى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سم...
