يلون ماسكتىڭ Hyperloop جوباسى تۋرالى نە بىلەمىز؟
Hyperloop-تى جاساۋ يدەياسى 2029 جىلعا قاراي لوس اندجەلەس پەن سان-فرانسيسكونى جالعايتىن جىلدامدىعى جوعارى تەمىر جول سالۋ جونىندەگى ۇكىمەتتىك جوباعا جاۋاپ رەتىندە پايدا بولعان. جىلدامدىعى جوعارى دەگەنىمىز - 200 ميلليون اساتىن جىلدامدىق. ۇكىمەت جوباسى 68،4 ملرد.دوللارعا باعالانعان بولاتىن.
يلون ماسك Hyperloop تۋرالى العاش رەت 2012 جىلى سانتا-مونيكاداعى PandoDaily ءىس-شاراسىندا سارا لەيسيگە بەرگەن سۇحباتىندا ايتقان بولاتىن. كاسىپكەر، جاڭا كولىكتىڭ ۇشاقتان ەكى ەسە جانە ەڭ جىلدام پويىزدان 3-4 ەسە جىلدام بولىپ، لوس-اندجەلەستەن سان-فرانسيسكوعا(561 شاقىرىم) بار بولعانى 30 مينۋتتا جەتۋگە بولادى دەپ جاريالاعان ەدى. ودان كەيىن ماسك اتى شۋلى مالىمدەمە جاساپ، جوبانىڭ California High-Speed Rail اتتى ۇكىمەتتىك جوبادان 10 ەسە ارزان بولاتىنىن؛ كولىكتىڭ ەشقانداي اپاتقا تۇسپەيتىنىن؛ جولدىڭ تەك كۇن ەنەرگياسىمەن جۇمىس ىستەيتىنىن؛ قاتىناۋشىلار ۇزاق ۋاقىت كۇتپەي مەتروداعىداي قاتىنايتىنىن ايتقان. ءسويتىپ 2013 جىلدىڭ تامىز ايىندا جوبانىڭ 58 پاراقتان تۇراتىن "الفا-نۇسقاسى" جاريالاندى.
يلون ماسك ءوز يدەياسىن پويىز، ۇشاق، اۆتوكولىك جانە كەمەدەن كەيىنگى بەسىنشى كولىك ءتۇرى رەتىندە ۇسىندى. Hyperloop تىرەۋلەردىڭ ۇستىنەن وتەتىن جەر ءۇستى قۇبىر سەكىلدى ويلاستىرىلعان. ال ونىڭ ىشىندە جىلدامدىعى 480 مەن 1220 شاقىرىم/ساعاتپەن قوزعالاتىن كاپسۋلالار بولادى. كاپسۋلانىڭ ۇزىندىعى شامامەن 25-30 مەتر جانە قاتىناۋ ارالىعى 30 سەكۋند. Hyperloop جوباسى جۇزەگە اساتىن بولسا، ادام جانە جۇك تاسىمالى سالاسىندا ۇلكەن توڭكەرىس بولماق.
اتاقتى ينجەنەر، ءارى كاسىپكەر يلون ماسك بۇگىندە بالاماسى جوق كولىككە اينالۋى مۇمكىن Hyperloop تۋرالى ءوز يدەياسىن جەتكىزگەندە، يدەياعا كۇمانمەن قاراعان ادامدار از بولمادى. كاليفورنياداعى جەر قۇنى مەن قىسقا ۋاقىت ارالىعىندا ساعاتىنا 700 ميل جىلدامدىقپەن قوزعالۋدىڭ ادامعا اسەرى سەكىلدى كوپتەگەن سۇراقتار تۋىندادى. وسىعان قاراماستان جوبا اۆتورى مەن ونىڭ كومانداسى ءوز يدەيالارىن جۇزەگە اسىرۋعا مەيلىنشە كۇش سالىپ كەلەدى. وسىعان بايلانىستى تاعى ءبىر ورىندى سۇراق تۋىندايدى- ەگەر Hyperloop شىنىمەن ىسكە قوسىلسا، ونىڭ اۋە يندۋسترياسىنا اسەرى قانداي بولماق؟ ويتكەنى ءوز يدەياسىن ۇسىنعان كەزدە يلون ماسك Hyperloop كولىگى ماگليەۆ پويىزىنان دا، اۋە ۇشاقتارىنان دا جىلدام قاتىناس قۇرالى بولماق.
ءىس جۇزىندە Hyperloop-تىڭ اۋە لاينەرلەرىمەن باسەكەلەسۋى ونىڭ باعاسى مەن جول ءجۇرۋ ۋاقىتىنا بايلانىستى. ءوز كەزەگىندە باعا كولىككە جۇمسالاتىن ەنەرگياعا بايلانىستى. Hyperloop-تىڭ تەستتىك نۇسقاسى ءساتتى ورىندالعانىمەن، يلون ماسك پەن ونىڭ يدەيالاستارى ويلاعان ناتيجەنىڭ بارىنە قول جەتكىزىلمەدى. Hyperloop-تىڭ جۇمىس ىستەۋ ءۇشىن قانشا ەنەرگيا قاجەت ەكەنى ءالى بەلگىسىز، دەگەنمەن بۇل وتە ماڭىزدى ماسەلە. ازىرگە بەلگىلى بولعانى - Hyperloop قۇبىرلارىنىڭ ۇستىندە كۇن ەنەرگياسىن جينايتىن پانەلدەر ورناتىلادى.
كينو&مەديا ماماندىعىنىڭ 1 كۋرس ستۋدەنتى
باقبەرگەن نۇراي
جەتەكشىسى: اعا وقىتۋشى، كۋراتور ن.ب.رۋشانوۆا
You Might Also Like
-
ج.ەلەبەكوۆ اتىنداعى رەسپۋبليكالىق ەسترادا-سيرك كوللەدجىنىڭ وقىتۋشىسى تۇمەنباي ىسماتوللا نۇرلان ۇلى
-
"جامبىل وبلىسى تۇرار رىسقۇلوۆ اۋدانى اكىمدىگىنىڭ ىشكى ساياسات ءبولىمى" كوممۋنالدىق مەملەكەتتىك مەكەمەسىنىڭ الەۋمەتتىك تاپسىرىس اياسىندا «جامبىل وبلىسى «قازاقستان ستۋدەنتتەر...
