InfoHub Logo

قاندايدا بولماسىن مەملەكەتتىڭ، ەلدىڭ تاۋەلسىزدىگىن، دەموكراتيالىق قۇندىلىقتارىن ايقىندايتىن نەگىزگى قۇجات - كونستيتۋسيا. وندا مەملەكەتتىك قۇرىلىمداردىڭ، جەكە جانە زاڭدى تۇلعالاردىڭ، ۇلت پەن ۇلىستاردىڭ، الەۋمەتتىك توپتاردىڭ ماقسات-مىندەتتەرى مەن قۇقىقتارىن ساقتاپ، ونىڭ جۇزەگە اسۋىن قاداعالايتىن زاڭ وكىلدەرىن ەلىمىزدەگى ءبىلىم وردالارى دايارلاپ شىعادى. وسى ورايدا قازاق ۇلتتىق ۋنيۆەرسيتەتىنىڭ زاڭ فاكۋلتەتى بولاشاق زاڭگەرلەر، سۋديالار، تەرگەۋشىلەر، پروكۋرورلار مەن كريميناليستەردى  تاربيەلەۋدە ەلىمىزدەگى وقۋ ورىندارىنىڭ اراسىندا الدىڭعا قاتاردا تۇر دەسەك بولادى.

«ازاماتتىڭ شىنايى تەڭدىگى – زاڭدارعا ولاردىڭ ءبارىنىڭ باعىنۋىندا» دەگەن ەكەن فرانسۋز عالىمى جان لەرون د’الامبەر. ادامزاتتىق تەڭدىكتى قالىپتاستىرۋ جولى باستالاتىن نەگىزگى مەكەن – ءبىلىم وردالارى دەسەك، سول زاڭي ءبىلىمنىڭ قارا شاڭىراعى اتانعان 84 جىلدىق تاريxى ءتارتىپ ساقتاۋعا باعىتتالعان - زاڭ فاكۋلتەتى.

ءبىزدىڭ فاكۋلتەتتىڭ نەگە ءبىرىنشى ەكەنى مەن زاماناۋيلىعىن تارقاتىپ كورەيىك.

1. اتى الاشقا ايگىلى فاكۋلتەت. سەبەبى 1934 جىلدان بەرى زاڭگەرلەر دايارلاۋدا تىنباي ەڭبەك ەتىپ كەلەدى. وسى جىلدار ىشىندە ەلىمىزگە ەلەۋلى ادۆوكاتتار مەن سۋديالاردى تاربيەلەپ شىعاردى. ەل كونستيتۋسياسىن جازۋعا دا ءبىزدىڭ تۇلەكتەرىمىز اتسالىسقان بولاتىن. بيلىك باسىنداعى مەملەكەتىمىزگە ەڭبەك ەتىپ جۇرگەن تۇلعالاردان باستاپ، باس سۋديالار، ادۆوكاتتار، ءىىب قىزمەتكەرلەرىنە دەيىنگى ازاماتتىردىڭ ءومىر تاريxىن بارلاساڭ "قازۇۋ تۇلەگى" دەگەن جازبانى كوزىڭ شالادى. بۇل دا ءبىزدىڭ جەتىستىك.

2. ءتورت جۇلدىزدى ۋنيۆەرسيتەتتىڭ جۇلدىزى جوعارى فاكۋلتەتى. ءبىلىم ساپاسى بويىنشا ۋنيۆەرسيتەتىمىزدە جوعارعى تۇرعان ەليتالى ءبىلىم-عىلىم بولىمشەسى. جىل سايىنعا "توپ-100 ۇزدىك ستۋدەنتتەردىڭ" باسىم كوپشىلىگىن ءبىزدىڭ شاكىرتتەرىمىز قۇرايدى.

3. سمارت قالاشىقتاعى - زاماناۋي تەxنولوگيالى فاكۋلتەت. ءححى عاسىردىڭ بارلىق تالاپتارىنا ساي جابدىقتالعان فاكۋلتەتتەر قاتارىندا. ۇستازدار مەن شاكىرتتەر يگىلىگىنە ىڭعايلى اۋديتوريالار مەن شەكسىز قولدانىستاعى كومپيۋتەر قۇرىلعىلارى جانە ينتەرنەت قوسۋلى تۇرادى.

4. بىلىكتى ۇستازدار قۇرامى جاساقتالعان ءبىلىم بەرۋ جۇيەسىندەگى الدىڭعى قاتارداعى ءبولىم. بۇگىنگى تاڭدا فاكۋلتەتىمىزدە 1 ق ر ۇعا اكادەميگى، 30-دان اسا دوكتورلار مەن پروفەسسورلار، 80-نەن استام عىلىم كونديداتتارى، دوسەنتتەر جۇمىس جاسايدى

5. وقۋ-تاجىريبەدەگى بىلىكتىلىك شىڭداۋشىسى. شاكىرت تاربيەلەۋدە ءبىزدىڭ ءبولىمنىڭ الدا تۇرعانىنا ەشكىم كۇمان كەلتىرە الماسى انىق. ونىڭ دالەلى تەوريا مەن پراكتيكانى قاتار الا جۇرۋىندە بولسا كەرەك. بىزدە ارنايى جاساقتاندىرىلعان كريميناليستيكالىق زەرتتەۋ، سوت جۇرگىزۋ بولمەلەرى جانە ادۆوكاتتىق زەرتتەۋ كلينيكالارى جۇمىس جاسايدى. سونىڭ ارقاسىندا باسەكەگە قابىلەتتى ستۋدەنتتەر كەز كەلگەن زاڭ سالاسىندا جۇمىس جاساۋعا يكەمدەلىپ شىعادى.

ءۇش تىلدە الەمدىك ستاندارتقا ساي باكالاۆر، ماگيستراتۋرا، دوكتورانتۋرا ساناتتارى بويىنشا ءبىلىم بەرەتىن ءبىزدىڭ فاكۋلتەت ەلىمىزدەگى ءبىلىم بەرۋ سالاسىنىڭ ۇزدىگى.  

ەرمۋحامەتوۆا ساۋلەگۇل رايموۆنا

زاڭ عىلىمدارىنىڭ كونديداتى، دوسەنت

---