زۇلىمدىقتىڭ زاردابىن كورمەگەن ادام زۇلىمدىق ەتەدى
يراننىڭ ءامىرشىسى نۋشيراۋاننىڭ ادىلدىگى بۇكىل الەمگە تاراعان بولاتىن. ءبىر كۇنى الدىنا كەلگەن جۇڭگو ەلشىسى مۇنشالىقتى ادىلەتتى بولۋىنىڭ سەبەبىن سۇرايدى. نۋشيراۋان بىلاي دەپ ايتىپ بەرەدى:
«بالا كەزىمدە اكەم مەنى وقىتۋ ءۇشىن ءبىر ءمۇعالىم جالداعان. ءبىر كۇنى سول ۇستازىمنان ءاتى-جونى جوق تاياق جەدىم. بۇل وقيعانى ەشقاشان ۇمىتپادىم. تاققا وتىرعاننان كەيىن سول بالا كەزىمدەگى ۇستازىمدى شاقىرتىپ نەگە سەبەپسىز ۇرعانىن سۇراعانىمدا، ۇستازىم:
سارايدا، امىرىڭدە قىزمەتشىلەر، ءبىر قولىڭ مايدا، ءبىر قولىڭ بالدا، مولشىلىقتا ءوسىپ جاتقان ەدىڭ. نە قالاساڭ الدىڭا اكەلىنىپ جاتتى. اكەڭنەن كەيىن سەنىڭ ءامىرشى بولاتىنىڭدى بىلەتىن ەدىم. زۇلىمدىقتىڭ قانداي بولاتىنىن كورسىن، ومىرىندە ءبىر رەت بولسا دا زۇلىمدىقتىڭ زاردابىن باسىنان وتكەرسىن سوندا باسقالارعا زۇلىم ەتەردە زۇلىمدىقتىڭ جاماندىعى ەسىنە تۇسەر دەپ ويلادىم. ويتكەنى تاياق جەۋدىڭ اۋىرتپالىعىن بىلمەيتىن ادام باسقاعا قول كوتەرۋدەن تايىنبايدى. ەش قيىنشىلىق كورمەي وسكەن ادام مەيىرىمنەن ماحرۇم بولادى، ادامدارعا قيىنشىلىق بەرۋدى قالىپتى نارسە دەپ سانايدى. كەدەيلىك كورمەگەن ادام ساراڭ بولادى. ساعان بۇل ساباق بولدى. ءقازىر سەن ادامدارعا جومارتتىق تانىتىپ ادىلەتپەن مامىلە ەتۋدەسىڭ.»
You Might Also Like
-
سىرىم جيىرما التى جاسىندا ءبىر جولداسىمەن نۇرالى حاننىڭ ۇيىنە بارسا، قارامان تانا مالايسارىمەن سويلەسىپ وتىر ەكەن. — بالالار، امان با؟ — دەپتى دە، ەلەمەي وزدەرى سويلەس...
-
پروفەسسور وقۋشىلارىنا سترەسس تۋرالى ساباق وتۋدە. ستاكانعا سۋ تولتىرىپ تىڭداپ وتىرعانداردان سۇرادى:
