InfoHub Logo

1 jeltoqsan – Dúnıejúzilik AITV/JITS – men kúres kúni
(aksıa)
(ortaǵa eki júrgizýshi shyǵady)
Nurdáýlet:
Armysyńdar!
Bolashaqtyń bastaýy,
Adýyndy jas býyn!
Balǵyn shaqta jaınaıtyn
Qyzý qandy jas dostar!
Elbasymyz Nursultan Ábishuly elimizdiń damýynyń uzaq merzimdi « Qazaqstan – 2030» strategıasynda halyq densaýlyǵyn saqtaýdy basty baǵdar retinde qarastyrady.

Baljan:
Adamnyń aqyl – oıyn, densaýlyǵyn, qabiletin damytý máselelerine tikeleı qatysy bar mańyzdy eńbekterinde shyǵystyń áıgili oıshyl – ǵalymy Ál – Farabı: «Jas jetkinshekterińizdi kórsetińiz, men sizderdiń bolashaqtaryńyzdy aıtyp bereıin», – degen eken. Olaı bolsa, bizdiń bolashaǵymyz nege baılanysty.
HHİ ǵasyrda qoǵam tek jalań adamdar tobynan ǵana emes, sonymen birge densaýlyǵy myqty, rýhanı dúnıesi baı, jany men táni kirshiksiz taza, tanymdyq belsendiligi men ózdiginen bilim alýǵa degen yntasy men shyǵarmashylyq qabileti erekshe tulǵalardan turýy tıis.

Nurdáýlet:
Úreıli SPID degen ǵasyr derti,
Aıyrǵan sulýlyqtan adam kórkin
Masqara, sulý qazaq urpaqtary!
Talanǵan ar - ojdany, sezim erki.

Baljan:
Biz «Salaýatty ómir saltyn» nasıhattaý, keleńsiz jaǵdaılardyń aldyn alyp «HHİ ǵasyr – salaýatty qoǵam ǵasyryn» qurýymyz kerek. Búgingi nazarlaryńyzǵa usynyp otyrǵan qoıylym salaýatty ómir saltyn saqtaýǵa shaqyrady.
Qurmetti jıylǵan qaýym, qonaqtar! Búgingi 1 jeltoqsan JITS - men qarsy kúres kúnine arnalǵan aksıamyzǵa....

Ekeýi birge: qosh keldińizder!

Baljan:
Aksıamyzdy saltanatty túrde ashý úshin sóz Qarakemer aýyldyq okrýgi ákimi Sergeev Belǵalı jáne Tóle bı orta mektebiniń dırektory B. Imanbekovke beriledi.

Nurdáýlet:
Al endi «AITV, nashaqorlyq» taqyrybyndaǵy vıdeorolıkti tamashalaıyq!
(ekrannan vıdeorolık kórsetiledi)

Nurdáýlet:
Álemde ár mınýt saıyn AITV juqpasymen 10 adam tirkeledi. JITS juqtyrǵan soń, AITV aýrýy paıda bolǵansha 3 jyldan 10 jylǵa deıin ýaqyt ótedi, al AITV aýrýy paıda bolǵansha emdelgende 2 - 4 jyl, al emdelmese 6 aı ǵana ómir súredi eken.

Baljan:
Tóle bı orta mektebiniń 9 «A» synybynyń oqýshysy Halyqov Nurdáýlettiń oryndaýynda «SPID qurbany» monologyn tamashalańyzdar!

Baljan:
6 synyp oqýshysy Rataı Saranyń oryndaýynda «Sekirtpe» ánin qarsy alyńyzdar.

Baljan:
AITV juǵatyn joldary:
• AQTQ - men zaqymdanǵan donordyń qanyn quıǵanda nemese músheleri men ulpalaryn salǵanda.
• Qan tamyrlaryna esirtkilerdi engizgen kezde ıne men shprısterdi birge qoldanǵanda.
• Medısınalyq manıpýlásıalar kezinde zalalsyzdandyrylmaǵan quraldardy paıdalanǵanda.
• Bóten adamnyń tis shetkasy men ustarasyn qoldanǵanda.
• Anasyna balasyna juǵýy múmkin
• Jynystyq jolmen
Nurdáýlet:
Aýrýdyń asqyný joldary: AITV juqpasy - bul baıaý ótetin sozylmaly aýrý. Sondyqtan aýrý belgileri birden paıda bolmaı, 5 - 7 jyl ishinde bilinedi. Aýrýdyń alǵashqy belgileri qandaı? Sharshaǵyshtyq, jalpy álsizdik, birneshe top lımfa túıinderiniń ulǵaıýy. Bul JQTB – niń bastalǵandyǵyn bildirmeıdi. Alaıda, arnaıy emdelmese, juqpaly aýrý ári qaraı damı túsedi de, JQTB – ǵa ákeletin basqa da syrqattar qosylady.

Baljan:
AITV tómende kórsetilgen jaǵdaıda juqpaıdy
• Qol alysyp, qushaqtasqanda.
• Ydys - aıaqtan, tamaqtan, dárethana zattarynan.
• Tósek jabdyqtary men kıimnen.
• Temir jáne qaǵaz aqshadan.
• Sý men aýadan.
• Oıynshyqtardan, qoldanystaǵy zattardan.
• Esik tutqasy men kóliktegi ustaǵyshtan.
• Jándikterdiń shaǵýynan.
• Monshada, saýnada, basseıinde.

Nurdáýlet:
Sizderge berer keńesterimiz:
- Bóten adamnyń qany kózińe, ásirese jaraqattanǵan terige jaǵylyp ketýinen saq bol.
- Kóshede jatqan shprıs pen ınelerge tıme.
- Esińde bolsyn, barlyq medısınalyq dári egý (ýkol) bir rettik paıdalanatyn quraldarmen jasalýy tıis.

Baljan:
10 synyp oqýshylarynyń oryndaýyndaǵy tamasha bıdi qarsy alyńyzdar.

Nurdáýlet:
6 synyp oqýshylary daıyndaǵan «Jyn men peri» qoıylymyn tamashalańyzdar!

Baljan:
10 synyp oqýshysy Nurahanov Aınabektiń oryndaýynda «Qyzyl órik» áni. Qarsy alyńyzdar!

Nurdáýlet:
Eı urpaǵym, esińdi jı azbańdar
Qıyrshyq qumdaı úgitilip tozbańdar

Baljan:
Boıyńdaǵy qýatyńdy joǵaltyp,
Jaqsy úmit pen senimińnen taımańdar

Ekeýi birge:
Salaýatty ómir saltyn saqtańdar
Bolashaqty nyq qadammen bastańdar!

Nurdáýlet:
Endeshe, 8 «A» synyp oqýshylary daıyndaǵan úndi bıine bereıik kezekti. Qarsy alyńyzdar!
(ortaǵa bir top oqýshylar shyǵady)

Sanıa:
Biz SPID - ke qarsymyz!
Búkil álem kúresýde -
İndetimen ǵasyrdyń,
Emin áli tappady eshkim
Sol bir zulym, paqyrdyń.
Kúnnen kúnge ulǵaıýda
Aýrýlardyń sany dep,
Dárigerler dabyl qaǵyp,
Shyryldady, ah urdy,
Dúnıe júzi adamzatty
Qorǵanýǵa shaqyrdy!

Marjan:
Oý, adamzat, qulaǵyń sal,
Saýlyq tile basyńa,
Saqtana bil qaırattanyp,
Enjar bolma, jasyma.
Nashaqorlyq, ishimdikter
Uryndyrar teginde,
Salaýatty ómir salty
Tursyn árkez esińde!

Aınur:
Zulym atty ǵasyrdyń
Jazasyzǵa jazalap sen tas urdyń
Adamnyń aǵza - mıyn jaýlap alyp,
Jeısiń ishten aranyndaı qasqyrdyń.
Qozdyrǵyshyń vırýs bolsa, jendetiń
Ókpe, mı da qurtylady demde tym.
Ortasyna áseri bul tózimsiz,
Túsinbedi - aý ǵalamshardyń bul dertin
Obasy jıyrmasynshy ǵasyrdyń
SPID - pen sennen barsha kekti almaqpyn
Ulanymyn jıyrma birinshi ǵasyrdyń
Qaqpa jabam, saǵan jol joq, aýlaq júr!

Móldir:
Jetti búgin SPID qazaq eline,
Samal esken beles - beles beline.
Saq bolaıyq aıta kelgen ajaldan,
Aıamaıdy ol seni de, meni de.
Qazaq halqy «Óner aldy – til» degen
Araq - sharap, temekini bilmegen
Táni taza, jany taza halqymyz,
Keń dalany erkin jaılap, gúldegen.

Bári birge:
Kúreseıik belsenip!
Qıyndyqty tastaıyq ta eńserip!
Jas urpaqpyz – halqymyzdyń qorǵany
«Bolashaǵym» deıdi bizge el senip!!!

Baljan:
Aldaryńyzda «Týǵan jer» ánimen 8 «A» synyp oqýshysy Oryntaev Balǵyn. Qarsy alyńyzdar!

Baljan:
Aman bolsyn balalar,
Aman bolsyn analar,
Deni saý bop elimniń,
Aman bolsyn adamdar!

Nurdáýlet:
Jaǵymsyz isten aýlaq bol,
Jaqsy iske jaqyn bol!
Zıandy zatpen jaý bolyp,
Adamdyqqa asyq bol!

Baljan:
Bárimizge belgili 1 - jeltoqsan Tuńǵysh Prezıdentimizdiń kúni bolyp belgilendi.

Nurdáýlet:
Endi sizderdi beıbit eldiń bolashaǵy retinde sýret salý baıqaýyna belsene qatysýǵa shaqyramyz!

Baljan:
Baıqaý sharttarymen Jambyl aýdandyq salaýatty ómir saltyn qalyptastyrý fılıaly jetekshisiniń mindetin atqarýshy Jeńis Raýshanbekuly Meırambekov aǵaıymyz tanystyrady.
(komısıa qurylyp baıqaý júrgiziledi, jeńimpazdar marapattalady)

Nurddáýlet:
SPID adamzat aldynda turǵan jańa jáne qıyn másele, ol tek medısınalyq qana emes, áleýmettik másele. N. Á. Nazarbaevtyń «Qazaqstan - 2030» strategıalyq baǵdarlamasynyń 4 basylymynda aıtylǵandaı barsha jastardy salaýatty ómir saltyna shaqyramyz!
Baljan:
Qurmetti qonaqtar, jıylǵan qaýym, búgingi – 1 jeltoqsan búkildúnıejúzilik AITV - men kúres kúnine arnalǵan aksıamyzdy jabyq dep jarıalaımyz!