InfoHub Logo

1 qazan – qarttar kúnine arnalǵan senarı
«Qarttaryn qadirlegen el ardaqty»
Júrgizýshi: Merekelerińiz qutty bolsyn ata - apa!
Kókirekten jyr tógilmeı jata ma!
Zeınetine jettińizder ómirdiń,
Kenelip bir iltıpatty bataǵa.

Qadirli ata - ájeler búgingi kúni biz sizderdi merekelerińizben shyn júrekten quttyqtaımyz. Sizderge zor densaýlyq, uzaq ǵumyr tileımiz.
Sizder jas urpaqqa árqashan tózimdiliktiń, danalyqtyń úlgisi bolyp kelesizder. Búgingi qarttar kúnine oraı mektebimizde uıymdastyrylyp otyrǵan «Qarttaryn qadirlegen el ardaqty» atty merekelik kezdesý keshine qosh keldińizder.
Endeshe búgingi saltanatty merekelerińizben quttyqtaý úshin sóz mektebimizdiń dırektory Ýmarbekova Gúlsara Jarylqasynqyzyna beriledi.

Júr: Asyl ájem, maqtanyshym meniń de
Qonaq bolyp otyr mine tórimde.
Ózińe arnap bylaı tátti únimmen
Án salatyn kezim keldi meniń de.
9 «a» synyp oqýshysy Janqýat Aızattyń oryndaýynda «Aq ájem» ánin qabyl alyńyz.

Júr: Ata kórgen oq janar
Ana kórgen ton pisher,- demekshi ortaǵa «Barbarıkı» bıimen mektebimizdiń «Jorǵa» tobyn shaqyramyz.
Rahmet senderge, oqýshylar!

Júr: Al endi ortaǵa bizdiń mektebimizdiń «Jas qyran» uıymyn ortaǵa shaqyramyz.
Kún nóserin tógeıik
Jyrdan monshaq óreıik
Ýa jamaǵat al endi
Ánge kezek bereıik
«Dostarym» ánimen Mamyt Adıdi ortaǵa shaqyraıyq.
Tamasha! Rahmet saǵan Adıjan!

Júr: Balamnyń tabanyna kirgen shógir, meniń mańdaıyma kirseıshi deıtin ájeler men atalardan úlgi ónege kórip kele jatqan kishkentaı tentekterimizdi ortaǵa shaqyraıyq.
4 «a» synyp oqýshylarynyń oryndaýynda Bı: «Qazaq bıin» qabyl alyńyzdar.

Júr: Balalar senderdiń atalaryń qandaı?
Taqpaqtar:
Rabıa:
Meniń ájem, aq ájem,
Ul men qyzdyń baǵy ájem.
Ertegi aıtyp ber desem,
Aıtyp beredi taǵy ájem.
Batyrhan:
Meniń ájem, gúl ájem,
Altyn ájem, nur ájem.
Anam úshin, men úshin,
Naǵyz ájem, til ájem.
Gúlzat:
Meniń ájem, jyr ájem,
Shýaǵy mol nur ájem.
Aq taıaqqa súıenip,
Aman - esen júr ájem.
Bahtıar:
Besigime bólep alyp,
Sen terbetseń qalǵımyn.
Júregime sińip jatyr,
Seniń aıtqan áldıiń.

Júr: Júrekten kirip boıdy alar
Ásem án men tátti kúı
Kóńilge túrli oı salar
Ándi súıseń menshe súı. dep ortaǵa «Ákeshim, Anashym» ánimen Nuraıdy shaqyramyz.

Júr: Qysylyp esh saspańdar
Kánekı bı bastańdar
Ata - ájelerdiń kóńilin.
Bir kóterip tastańdar.
Oqýshylarymyzdy qazaqtyń «Qara jorǵa» bıimen ortaǵa shaqyramyz.

Júr: Gúl - gúl jaınap bárimiz
Kirdi bizdiń sánimiz
Qarttarymyzdy toıymen
Quttyqtaımyz bárimiz.
Barlyǵymyz oqýshylarymyzdy «Baqytty balamyz» ánimen qarsy alaıyq.
Júrgizýshi:
Merekelik sharany aıaqtaı otyra «Batamenen el kógerer, jańbyrmenen jer kógerer» demekshi ata - ájeler bata, izgi nıet - tilekterińiz bolsa, sóz kezegin ózderińizge beremiz.