InfoHub Logo

Ata - analarmen jumys
Maqsaty:  Bala tárbıesindegi balabaqsha men otbasy yntymaqtastyǵyn nyǵaıtý. Balalardyń minez - qulqy, beıimi, qyzyǵýshylyǵy, múmkindigin t. b. tereńirek zertteý. Ata - ana, bala, tárbıeshi úshtigi arasynda ózara senim men syılastyq ornaýyna yqpal etý.

Barysy:
Tárbıeshi: Atamyz qazaq «Bala - adamnyń baýyr eti», «Balaly úı - bazar»- deıdi.
Óıtkeni bala – ómirdiń jalǵasy, otbasynyń jemis berer gúli.
Al biz qazirgi ýaqytta jumysbastylyqpen balalarymyzdyń is - áreketi, minez - qulqy, qyzyǵýshylyǵy men beıimdiligine nemese kúndelikti kóńil - kúıine jetkilikti kóńil bólemiz be?
Balalarymyz qalaı ósip keledi?
Aldaǵy jarty saǵat ýaqyt ishinde osy suraqtar tóńireginde oılanyp kórmekke ortamyzǵa bir top ata - analarymyz qonaq bolyp kelip otyr, tanys bolyńyzdar:
----------------------------------------
Tárbıeshi: Búgingi basqosýymyz ádettegi is - sharalarǵa qaraǵanda ózgeshe.
Búgin sizder bir sát balalyq shaqtaryńyzǵa qaıta oralasyzdar, balalaryńyzdyń kózqarastaryna sáıkes oılanasyzdar, balalaryńyzdy ózderińizge beımálim qyrynan tanyp bilýlerińiz de múmkin. Endeshe iske sát deıik!
Tárbıeshi: İ kezeńimiz «Meniń balam...» dep atalady. Bul kezeńde sizderge óz balalaryńyzdy barynsha maqtap qalýǵa múmkindik bar. Áńgimelerińizdi kezekpe - kezek «Meniń balam..»- dep bastap, ári qaraı óz balalaryńyzdyń tátti qylyqtary, minezindegi, túr – sıpatyndaǵy erekshelikteri, t. b. týraly baıandaý usynylady. Daıyn bolsaq bastaıyq!
----------------------------------------
Tárbıeshi: Áńgimelerińiz úshin kóp rahmet. Óz balalaryńyzdy ózgemen shatastyrmaıtyndaryńyz belgili boldy. Dese de sizderge kishkentaı ǵana bir emtıhan uıymdastyrǵan edik, tamashalap kórsek...
(Beınetaspada ár túrli karnavaldyq kostúm kıgen balalar óz erikterimen oınap júrgenderi kórsetiledi)
Tárbıeshi: Myna beınetaspadan óz balalaryńyzdy is - qımyl, júris - turysynan dóp tanyp aıtyp berseńizder....... (Ata - analar jaýaby)
Tárbıeshi: Jaýaptardyń durys burystyǵyna kóz jetkizý úshin ekranǵa nazar aýdaraıyq. (Tárbıeshi qorytyndysyn shyǵarady)
Tárbıeshi:............................. otbasy ózderiniń alǵashqy upaılaryn jınap ta úlgerdi. (............................. otbasynda áli de upaı joq.) Baıqap otyrǵandaryńyzdaı árbir durys jaýap úshin qorjyndaryńyzǵa 1 upaı qosyla beredi, tıisinshe burys jaýapqa upaı berilmeıdi.
Tárbıeshi: Kelesi kezeń «Jedel test» dep atalady. «Jedel test» quramyna kiretin 2 suraqqa sizderdiń balalaryńyzdyń jaýaptary alynyp qoıylǵan, dál sol suraqtarǵa endi sizder kóp oılanbaı tez arada jaýap berýlerińiz kerek. Balalaryńyzdyń jaýabymen sáıkes kelgen jaýaptaryńyz úshin 1 upaıdan ıelenesizder. «Jedel test» quramyndaǵy 3 - suraq tek sizder úshin qoıylady, óz oılaryńyzdy bildirýge múmkindik alasyzdar. (Jedel test slaıd arqyly kórsetiledi.).............................. otbasy alǵashqy jedel test sizder úshin:

İ jedel test
1. Balańyzdyń eń súıikti asy ne?
A) Jarma botqasy Á) Sorpa B) Dúkendegi daıyn taǵamdar V) Qýyrylǵan kartop
2. Óskende balańyz kim bolǵysy keledi?
A) Dáriger Á) Ánshi B) Elbasy V) Sarbaz
3 Balabaqshadaǵy tárbıeshileriniń esimderin bilesiz be?

 İİ jedel test
1. Balańyz otbasynda «kimniń balasy?»
A) Atasy men ájesiniń Á) Ákesiniń B) Anasynyń V) Báriniń
2. Balańyzdyń eń jaqsy kóretin oıynshyǵy ne?
A) Mashına Á) Qýyrshaq B) Qurastyrý oıynshyǵy V) Dop
3. Balańyzdy qalaı erkeletesiz?

 İİİ jedel test
1. Balańyz neden qorqady?
A) Qarańǵydan Á) Itten B) Jalǵyz qalýdan V) Qoryqpaıdy
2. Balańyz qandaı múltfılmdi qyzyǵyp tamashalaıdy?
A) Saıahatshy Dara Á) Tom jáne Djerrı B) Aldar kóse V) Bilmeımin
3. Bala, otbasy, ata - ana taqyrybynda birneshe maqal aıtyp berseńiz?

 İV jedel test
1. Balańyz kúndelikti uıqyǵa keterde neni qalaıdy?
A) Ertegi Á) Áldı ánin B) Arqasyn sıpalaǵandy V) Oıynshyǵyn qushaqtaǵandy
2. Balańyzdyń unatpaıtyn taǵamy ne?
A) Burshaq sorpasy Á) Qaraqumyq botqasy B) Qyryqqatpar sorpasy V) Sút kóje
3. Balańyzben sońǵy ret birge jattaǵan taqpaǵyńyzdy aıtyp berińizshi?

 V jedel test
1. Balańyz qandaı ónerge beıim?
A) Ánge Á) Bıge B) Sýret salýǵa V) Músindeýge
2. Balańyz qandaı oıyn oınaǵandy unatady?
A) Kompúterlik Á) Tynysh oıyndar B) Qımyldy oıyndar V) Logıkalyq oıyndar
3. Balańyzdyń topta birge oınaıtyn jaqyn dostaryn atap bere alasyz ba?

Vİ jedel test
1. Balańyz kimdi ıdeal tutady?
A) Ákesin Á) Elbasyn B) Tárbıeshisin V) Múltfılm keıipkerin
2. Balańyz jańa jyl erteńgiliginde qandaı keıipker bolyp kıindi?
A) Aıý Á) Kúldirgish B) Noıan V) Hanzada
3. Balańyzdyń boıyndaǵy qandaı minezine kóńilińiz tolady jáne qandaı
mineziniń ózgergenin qalar edińiz?
Tárbıeshi: Belsendilikterińiz úshin kóp rahmet! Balalaryńyzdyń tárbıesine alańdaýly kóńilderińiz qýantarlyq. Sonda da bolsa keıde jumystan sharshap nemese birdeńege renjip kelgende «ashý - dushpan, aqyl - dos» ekendigin umytyp ketpeýdiń bir joly retinde sizdermen bir trenıń uıymdastyrǵym kelip tur. Barlyǵyńyzdy ortaǵa shaqyramyn.

Trenıń «Eginshi»
Tárbıeshi: Kóp rahmet, oryndaryńyzǵa otyrýǵa ruqsat. Kelesi trenıńti men kórermen ata - analarmen uıymdastyrsam deımin. Óz qalaýlaryńyzben ortaǵa shaqyramyn.

 Trenıń «Meniń tilegim.....»
Tárbıeshi: Sál sergip qaldyq. Endi oıynymyzǵa qaıta oralaıyq. Siz ben biz úshin ortaq balalarymyzdyń tulǵalyq qalyptasý úderisterin tereńirek túsiný asa mańyzdy. «Bala tili - bal» atty kelesi kezeńde búldirshinderimiz bal tilderimen jumbaqtar jasyrady, sizder kezek kútpesten sheshimin tabýlaryńyz kerek. Ekranǵa nazar aýdaryńyzdar. (Ekranda balalar jeke - jeke jumbaqtar jasyrady, ata - analar sheshimin tabady)
Tárbıeshi: Tilderin damytý, sóıleý mádenıetin qalyptastyrý, oı - óristerin
ósirý maqsatynda balalaryńyzben jıi - jıi jumbaq, jańyltpash, taqpaq t. b. jattaýǵa, kúndelikti sóılesip turýǵa keńes beremiz.
Tárbıeshi: 3 kezeń boıynsha:
................................................ otbasy....................... upaı
................................................ otbasy....................... upaı
................................................ otbasy....................... upaı
................................................ otbasy....................... upaı
................................................ otbasy....................... upaı
................................................ otbasy....................... upaı jınady.
Quttyqtaımyz!
Tárbıeshi: Balalar ertegi tyńdaǵandy jaqsy kóredi. Al sizderdiń ertegi aıtýda tájirıbelerińizdiń bar - joqtyǵyn İV «Sahnada samǵaımyz!» kezeńinde baıqap kóretin bolamyz. (Konvertke salynǵan «Baýyrsaq» ertegisi keıipkerleriniń atrıbýttary men sózderin óz qalaýlarymen tańdap alýdy usynady)
Tárbıeshi: Keıipkerlerdiń daýys ıntonasıasy, is - qımyldaryn naǵyz ártistershe somdap kórýge múmkindikterińiz bar. Nazarymyz sizderde!
«Baýyrsaq» ertegisiniń sahnalyq qoıylymy
Tárbıeshi: Barlyǵyńyzdyń da upaı qorjyndaryńyzdyń taǵy da 1 upaıǵa tolyǵýymen quttyqtaımyz!
Tárbıeshi: Búgingi basqosýymyz aıaqtalyp ta keledi. Sóz sońynda sizderdi taǵy da ǵajaıyptar álemine shaqyrsam deımin. Eger sizdiń qarmaǵyńyzǵa altyn balyq ilinip, eń mańyzdy, eń, eń, eń..... degen jalǵyz ǵana tilegińizdi oryndaımyn dese qandaı tilek tiler edińiz?
Altyn balyqqa tilek. (Barlyq ata - analar jaýaby)
Tárbıeshi: Jaqsy tilekterińiz perishteniń qulaǵyna shalynsyn. Búgingi kúni aldymyzda tompańdap júgirip júrgen búldirshinderimizdiń erteńgi kúnderi jarqyn bolsyn! (upaılardy aıtyp ótedi) Búgingi basqosýymyzdyń núktesin qoıyp, óz pikirin bildirý úshin balabaqshamyzdyń meńgerýshisi................. qurmetpen sóz kezegin usynǵym keledi.
Qorytyndy sóz. Marapattaý.

Qyzylorda qalasyndaǵy №8 «Búldirshin»
sanatorıalyq balabaqshasy komýnaldyq
memlekettik mekemesiniń mýzyka jetekshisi
Jumabekova Bıbigúl Músirephanqyzy