InfoHub Logo

Uıymdastyrylǵan oqý is - áreketiniń tehnologıalyq kartasy:
Bilim berý salasy: Tanym.
Uıymdastyrylǵan oqý is - áreketiniń túri: QMTQ
Taqyryby: 1 sany jáne sıfry
Maqsaty:
a) 1 sany jáne sıfrimen tanystyrý; bir zatty anyqtaı alýǵa úıretý; zattardyń belgilerin taýyp, olardy sol belgilerine qaraı jikteý qabiletin qalyptastyrýdy jalǵastyrý;
á) balalardyń sóıleý qabiletin men zeıinin, saýsaqtyń usaq bulshyq etterin damytý;
b) tıanaqtylyqqa tárbıeleý.

Motıvasıalyq qozǵaýshylyq
Balalardyń ótken sabaqta tanysqan fıgýralardy eske túsirýdi suraıdy. Soǵan sáıkes keletin zattardy tabýdy tapsyrady. Jumysty «Jasyrynbaq» oıyny túrinde uıymdastyrýǵa bolady. Sodan keıin sýretterdi taldaýǵa shaqyrady:
- Olar qandaı fıgýralardan quralǵan?
- Bul zattar qalaı atalady? Olarǵa ortaq ataý (kólikter) berýge bola ma?

Uıymdastyrýshylyq - izdenistik
Tárbıeshi toptaǵy zattarǵa ortaq ataý berip, olardy kólik dep ataýǵa bolatynyn aıtqan balalardy madaqtaıdy. Kartınalardy muqıat qarap shyǵýdy usynady.
- Kartınalarda neniń sýreti salynǵan?
- Avtobýs nesheý? Traktor nesheý eken?
Kartınada neshe júk kóligi bar?
- Sýrettegi zattarǵa qandaı ortaq ataý berýge bolady? (Bul - kólik.)
- Kóliktiń basqa qandaı túrlerin bilesińder? (motosıkl, velosıped jáne t. b.)
- Munda neshe avtobýs bar? (bireý) Traktor nesheý? (bireý) jáne t. b.
Búgin biz 1 sanymen jáne sıfrymen tanysamyz. 1 týraly óleń oqyp beredi. 1 – diń beınesine uqsaıtyn sýretter kórsetýge bolady.
«1»- ge uqsaıtyn ne?
Ol - kádimgi ıne.
Sabaqtap jip il de,
Qada onymen túıme.
Dápterlerińdi ashyńdar. 1 - tapsyrmada neniń sýreti salynǵan? Júk kóligi nesheý? Ol qandaı sıfrymen belgilengen? Sanǵa qarańdar. Ol týraly taqpaqtar tyńdańdar (bir sany týraly balalar biletin 1 - 2 taqpaqty aıtady).
- Dápterdegi jańa shartty belgini qarańdar jáne ony saýsaqpen syzyp shyǵyńdar. Káne, oń qolymyzdaǵy (solaqaılar sol qolyn) suq saýsaǵymyzdy daıyndaımyz. Endi 1 sıfrynyń boıymen birinshi joǵary qaraı, sosyn tómen qaraı saýsaqpen syzamyz. Sıfrlardyń bárin saýsaǵymyzben syzyp shyǵaıyq. Al endi qaryndashymyzdy alyp, sıfrlardy tómengi jaǵynan bastap syzamyz. İzbe – izdilikti saqtaımyz. Qaı jaqtan bastap jazamyz?
Saýsaǵymyzdy jattyqtyramyz (№1 tehnologıalyq kartany qarańyz). Sodan soń 2 – tapsyrmany oryndaýǵa kirisemiz. 1 sıfryn taýyp, ony qalaǵan túspen boıaımyz.
1 sany jáne sıfry. júkteý