InfoHub Logo

12 jyldyq bilim berý júıesine kóshý - zaman talaby
Qazirgi tańda Qazaqstan búkil álemdik bilim keńistigine ený tabaldyryǵynda. Ómir aǵymyna qaraı bilim berý júıesi kúrdeli ózgeristerge ushyrap otyr. Sondyqtan zaman talabyna saı jańa mazmunda bilim berýdi uıymdastyrý 12 jyldyq oqytýǵa kóshýmen tikeleı baılanysty. 12 jyldyq bilim berý júıesine kóshý – qoǵamdaǵy eleýli ózgerister men adamdar arasyndaǵy qarym - qatynas quraldarynyń damýyna baılanysty jańa tulǵany qalyptastyrýdy kózdegen zaman talaby. Jalpy 12 jyldyq mekteptiń maqsaty jedel damyp kele jatqan ortada ómir súrýge qabiletti, ózin - ózi damytýǵa, óz oıyn erkin aıta bilýge, óz qalaýy men qoǵam talabyna saı, ózin kórsete biletin joǵary bilimdi, ulttyq tildi, tarıhty jetik meńgergen, otandyq jáne álemdik mádenıetti boıyna qalyptastyrǵan, básekege qabiletti, shyǵarmashyl tulǵany qalyptastyrý bolyp otyr. Jas urpaqqa bilim berýde, olardy bolashaq elimizdiń tutqasy etip tárbıeleý – ár ustazdyń mindeti. Osy mindetterdi oryndaý maqsatynda bilim berý salasynda da eleýli ári aýqymdy ózgerister óristeýde.

Osy maqsatta memleketimizdiń bilim sapasyn arttyratyn túrli qujattar qabyldanyp, baǵdarlamalar engizilýde. Bilim berýdi jańǵyrtý – únemi alǵa qaraı umtylý men damytý úrdisi, bul bilim berýde kezeń - kezeńmen ótetin jáne alynǵan nátıjelerge sáıkes túzetýler engizilip, taldanatyn ózgerister. Sonymen qatar bilim berýdi jańartý úrdisi salt - dástúrdi, mádenı murany, jalpy ulttyq qundylyqtardy saqtaýdy talap etetin turaqty júıelerden turady. Sondyqtan da 12 jyldyq oqytýǵa birtindep kóshýdi júzege asyrý – onyń qajettiligi men tıimdiligin ár pedagogtyń, ár ata - ananyń sapaly túsinýin, qabyldaýy men oǵan belsendi túrde aralasýyna múmkindik berýdi, asqan uqyptylyq pen sezimtaldyqty qajet etetin úrdis. 12 jyldyq mekteptiń basty ereksheligi: ulttyq qundylyqtardy balanyń boıyna sińirý arqyly onyń jan - jaqty damýyna; óz pikiri men oıyn ashyq jetkizýine; adamǵa tabıǵatynan berilgen shyǵarmashylyq qabiletin tolyq iske asyrýyna; ár eldiń ekonomıkalyq, mádenı, saıası ómirine belsene aralasýyna múmkindik berý.

Elbasy N. Á. Nazarbaev «Bolashaqta eńbek etip, ómir súretinder – búgingi mektep oqýshylary. Muǵalim olardy qalaı tárbıelese, Qazaqstan sol deńgeıde bolady. Sondyqtan júkteletin mindet óte aýyr» degen bolatyn. Osy ǵylym men bilimniń negizin tereńdetý nátıjesinde ǵana elimiz óziniń eldigin basqa elder aldynda kórsete alady. 12 jyldyq bilim berýdiń basty maqsaty elimizdegi bilim berý júıesiniń qurylymy men mazmunyn tolyqtaı ózgerte otyryp, zamanyna saı mektep qurý. Mekteptegi basty tulǵa ustaz desek, olardyń bilimdi de, bilikti, parasaty mol, sanaly da sabyrly azamat bop jetilýi tálim - tárbıe beretin muǵalimge tikeleı baılanysty. Muǵalimge artylatyn senim júgi sonshalyqty aýyr deı otyra, sonymen qatar onyń ulaǵatty uly jol ekenin esten shyǵarmaǵan jón. Desek, óz isine berilgen, jańalyqty jatsynbaı qabyldaıtyn, ulttyq qasıetterimizdiń asyldaryn asqaqtata otyryp, shákirtiniń janyna quıatyn ustazdy ǵana búgingi kúnniń laıyqty tulǵasy deýge bolady. Al, bizdiń, ustazdardyń keleshektegi maqsatymyz - rýhanı jan dúnıesi baı, jan - jaqty jetile damyǵan jeke tulǵany qalyptastyrý.

Muǵalimniń mindeti oqýshynyń ózi túsinip, izdenip oqýyna, pándi tereń bilýge baǵyttaý bilimniń qajettiligin túısik arqyly sanaly qabyldaý. «Mekteptiń tiregi de, tileýi de oqyta biletin muǵalim»- dep Ahmet Baıtursynov aıtqandaı, qazirgi bilim berý salasynda oqytýdyń ozyq tehnologıalaryn meńgermeıinshe, jas urpaqqa zaman talabyna saı jan - jaqty bilim berý múmkin emes, sebebi qazirgi bilim salasyndaǵy talaptardy oryndaýǵa dástúrli tehnologıalardyń deńgeıi jetpeıdi.