InfoHub Logo

MS Word mátindik redaktory
1. Jalpy maǵlumattar.
2. WORD redaktoryn taǵaıyndaý, iske qosý jáne onymen jumys isteýdi aıaqtaý.
3. Word redaktoryna tán qosymsha elementter.
4. Jańa qujatty daıarlaý.
5. «Qujat ashý» suhbat terezesiniń múmkindikteri.
6. Bos qujatty daıarlaý.
7. Basqa formattardaǵy faıldardy ashý.
8. Qujatty saqtaý.
9. Qortyndy ınformasıa.

Jalpy maǵlumattar.
MS WORD - mátindik qujattardy daıyndaýǵa, túzetýge jáne qaǵazǵa basyp shyǵarýǵa arnalǵan Windows júıesiniń qosymsha programmasy. Ol - mátindik jáne grafıkalyq ınformasıalardy óńdeý barsynda júzden asa operasıalardy oryndaı alatyn eń keń taraǵan mátin redaktorynyń biri.
Qazirgi kompúterlik tehnologıalarda oryndaýǵa bolatyn kes kelgen operasıa bul ortada júzege asyryla beredi. Mysaly, basqa ortada daıyndalǵan mátindik fragmentter, kesteler, sýretter sıaqty neshe túrli obektilerdi baılanystyra otyryp osy ortaǵa engizýge bolady. Jalpy, Word redaktorynda tıpografıa jumysyna kerekti baspa materıaldaryn terýden bastap, olardyń orıgınal – maketin tolyq jasaýǵa deıingi barlyq jumys oryndalady. Mundaı qujattar men kestelerdi kórikti etip, bezendirýge qajet kóptegen daıyn shablondar, stılder, jazylyp birden oryndalatyn ishki makroprogramalar tili, qarapaıym grafıktik beınelerdi salatyn aspaptar jáne t. s. s. jetip artylady.

WORD redaktoryn taǵaıyndaý, iske qosý jáne onymen jumys isteýdi aıaqtaý.
WORD - pen jumys isteýdi bastaý úshin Windows júıesiniń basqa programmalary sıaqty ony bastapqy nusqalyq (ınstallásıalyq) dısketterden nemese kompakt - dıskiden kompúterge jazyp ornalastyrý qajet.
Ornalastyrylǵan WORD redaktoryn iske qosý birneshe tásilmen júzege asyrylady:
1. Basqarý taqtasyndaǵy İske qosý (Pýsk) menúiniń Oryndaý (Vypolnıt) komandasynyń kómegimen, bul tásil redaktordyń qosymsha parametrlerin iske qosýǵa arnalǵan.
2. Programmalardyń Microsoft Office tobyndaǵy WORD shartbelgisinde tyshqandy eki ret shertý arqyly.
3. Windows júıesiniń Silteýish (Provodnık) terezesin paıdalaný arqyly.
4. WORD redaktoryna daıyndalǵan qujattyń shartbelgisine tyshqan kýrsoryn jetkizip, ony eki ret shertý arqyly t. b.
Redaktormen jumysty aıaqtaý kez kelgen standartty tásildermen júrgiziledi:
- Faıl→Shyǵý (Vyhod) menú komandasyn tańdaý arqyly;
- WORD negizgi terezesiniń júıelik menúindegi Jabý (Zakryt) komandasyn tańdaý;
- tyshqan kýrsory tereze taqyryby aýmaǵynda turǵanda kýrsordy sol jaq shettegi júıelik menú belgisine alyp baryp, tyshqandy eki ret shertý nemese batyrmany bir ret basyp, menúdiń Jabý (Zakryt) komandasyn tańdaý;
- redaktor terezesiniń taqyryp jolynyń oń jaq joǵarǵy buryshyndaǵy Jabý batyrmasyn (H) basý;
- Tikeleı Alt+F4 pernelerin basý.
Eger programmamen jumysty aıaqtaý barysynda munyń aldynda ózgertilip, biraq dıskige jazylmaǵan qujat bar bolsa, onda redaktor ekranǵa qosymsha suhbattasý terezesin shyǵaryp, ózgertilgen qujatty dıskige jazý (Iá - Da) kerektigin, al jazbasańyz (Joq - Net) ony da rastap berýińizdi ótinedi. Qalaýyńyz boıynsha, redaktorda ári qaraı jumys isteı berýińizge de (Boldyrmaý - Otmena) bolady.
Word redaktoryna tán qosymsha elementter.
Terezede Widows júıesinde kezdesýge tıis standartty kóptegen elementter bar.
Qalyp jolynda munan basqa qara túske boıalyp belgili bir rejımniń iske qosylyp turǵanyn, al sur tústi bolsa - iske qosylmaǵanyn bildirip turatyn jumys rejımi ındıkatorlary bar:
ZAP - makrokomandalardy jazý (zapısat) rejımi iske qosylǵan ekpindi kúıde ekenin kórsetedi;
ISPR - túzeletýlerdi (ıspravlenıa) belgileý rejımi ekpindi kúıde, olar qujattyń sońǵy ńusqasyna qandaı ózgerister engizilgenin bildiredi;
VDL - belgileýlerdi keńeıtetin ( Rasshırıt vydelenıa) F8 pernesi ekpindi kúıde, ıaǵnı fragmentti erekshelep alyp, ony keńeıtý rejımi iske qosylǵan, bul rejım ereksheleý mólsherin F8 arqyly keńeıtýge bolatynyn (bir sımvolǵa, sózge, sóılemge t. b.) kórsetip turady. Erekshelengen mólsherdi kishireıtý - Shift + F8 arqyly, al ereksheleýdi toqtatý - Esc arqyly oryndalady;
ZAM - sımvoldardy aýstyrý rejımi ekpindi kúıde, sımvoldardy yǵystyryp engizý rejımi oryndalsa, ol sur túske boıalady. Bir rejımnen ekinshisine aýysý - INSERT pernesin basý arqyly júrgiziledi.
Sonymen, joǵarydaǵy rejımderdi iske qosý nemese qospaý rejımderi belgili bir pernelik komandalarmen oryndalady. Oǵan qosymsha, sol rejımdi qarama – qarsy kúıge aýystyrý qalyp jolyna jalǵasa ornalasqan qajetti ındıkatorǵa tyshqan kýrsoryn jetkizip, ony eki ret shertýmen de oryndalatynyn bilgen durys.