2017 jyly Astana oqýshylaryna 10 mln teńge grant bólinedi
2017 jyly Astanada 10 ınovasıalyq mektep paıda bolady jáne mektep oqýshylaryna grantqa 10 mıllıon teńge bólinedi. Bul týraly daryndy oqýshylarmen kezdesý barysynda Astana ákimi Áset Isekeshev habarlady.
«Biz kelesi jyly 10 ınovasıalyq mektep ashýdy josparlap otyrmyz. Kásipkerlermen, ulttyq kompanıalarmen birlesip bul mektepterde belgili bir mamandyqtardy qoldaıtyn bolamyz. Mysaly, ol robotty tehnıka nemese aqparattyq tehnologıa, ne hımıa bolýy múmkin. Kásipkerlermen ýaǵdalastyqqa qol jetkizdik, kelesi jyly jumysty bastaımyz», - dedi Isekeshev.
Onyń aıtýynsha, elordalyq eki mektep boıynsha «Qazatomónerkásip» AQ-men osyndaı ýaǵdalastyq bar. Ákim sondaı-aq 2017 jyly 20 ınovasıalyq mektep ashýdy josparlap otyrǵanyn habarlady. Isekeshev jelilik akademıa qurý týraly amerıkalyq "Sısko" kompanıasymen ýaǵdalastyqqa qol jetkizgenin atap ótti.
Astana oqýshylarynyń ǵylymı, ónertapqyshtyq qyzmetterine jaǵdaı jasaý maqsatynda Nazarbaev Ýnıversıtetimen, basqa da JOO-larmen ýaǵdalastyq bar. Sondaı-aq Isekeshevtiń aıtýynsha, kelesi jyly ákimdik oqýshylardyń úzdik ınovasıalyq jumysyna arnalǵan grant túrinde 10 mıllıon teńge qarajat bóledi.
You Might Also Like
-
Tajenova Sandýǵash Qalmahanovna Qorqyt ata atyndaǵy Qyzylorda memlekettik ýnıversıtetiniń aǵa oqytýshysy, geografıa magıstri
-
Astana oqýshylar komandasy 10 jyl qatarynan respýblıkalyq olımpıadalarda birinshi oryn alyp keledi. Bul týraly daryndy balalarmen kezdesý barysynda Astana ákimi Áset Isekeshov habarlady.
