2018 jyldan bastap «Qazaqstan tarıhy» tek qazaq tilinde oqytylady
2018 jyldan bastap barlyq mektepterde «Qazaqstan tarıhy» páni qazaq tilinde oqytylady. Bul týraly búgin Ortalyq komýnıkasıalar qyzmetinde ótken baspasóz máslıhatynda QR BǴM vıse-mınıstri Taqır Balyqbaev málim etti.
«2018-2019 oqý jylynan bastap, barlyq mektepterde «Qazaqstan tarıhy» páni qazaq tilinde, «Dúnıejúzi tarıhy» orys tilinde jáne birqatar pánder aǵylshyn tilinde oqytylady dep josparlap otyrmyz. Olar: ınformatıka, hımıa, bıologıa jáne fızıka pánderi», - dep túsindirdi T.Balyqbaev.
Sonymen qatar eldegi mektepterde aǵylshyn tilin oqytý saǵattary kezeń-kezeńimen ulǵaıtylady.
«Bizde birneshe jyl buryn aǵylshyn tilin birinshi synyptardan bastap oqytý engizilgen bolatyn. Bıyldan bastap, biz aǵylshyn tilin oqytý saǵattaryn aptasyna 1-den 2 saǵatqa deıin kóbeıttik. Bizdiń maqsatymyz - balalardyń bastaýysh synyptardan bastap aǵylshyn tilinde sóılesýdiń bastapqy deńgeıin meńgerýin qamtamasyz etý. Onyń ústine 2018-2019 oqý jylynda Qazaqstanda úsh tildi oqytý modeli engizilgennen keıin, birqatar pánderdi qazaq, orys, aǵylshyn tilderinde oqytylady», - dedi vıse-mınıstr.
inform.kz
You Might Also Like
-
Sananyń erekshe kúıi – gıpnoz týraly adamdar ejelden-aq bilgen. Sol kezdiń ózinde-aq osy qubylys týraly ańyzdar kóp aıtylatyn, óıtkeni gıpnoz tehnıkasyn tańdaýlylar ǵana meńgergen.
-
Qazaqstannyń 117 mektebinde úsh tildi oqytý júıesi engizildi. Bul týraly búgin Ortalyq komýnıkasıalar qyzmetinde ótken baspasóz máslıhatynda QR BǴM vıse-mınıstri Taqır Balyqbaev málim etti.
