InfoHub Logo

Qazaqstan 2022-2023 jyldary úsh tildi bilim berý júıesine tolyǵymen kóshedi. Bul týraly búgin Ortalyq komýnıkasıalar qyzmetinde ótken baspasóz máslıhatynda QR Bilim jáne ǵylym mınıstrliginiń Mektepke deıingi jáne orta bilim, aqparattyq tehnologıalar departamentiniń dırektory Jańyl Jontaeva málim etti.

«2018-2019 jyldardan bastap, Qazaqstan tarıhy altynshy synyptan tek qazaq tilinde oqytylady degen jospar bar. Ol orys tildi mektep pe, qazaq tildi mektep pe, mańyzdy emes. Al Dúnıejúzi tarıhy páni qazaq tildi mektepte de, orys tildi mektepte de tek orys tilinde ótedi. 2019-2020 oqý jylynda 10-11 synyptar ınformatıka, hımıa, bıologıa pánderin tek aǵylshyn tilinde oqıdy. Besinshi synyptan bastap oqýshylar termınologıany oqı bastaıdy. Úsh tildi bilim berý júıesine tolyǵymen 2022-2023 jyldary kóshemiz dep mejelep otyrmyz», - dep atap ótti J.Jontaeva.

Aıta keteıik, úsh tildi oqytý júıesi 33 mektepte tájirıbe retinde engizilgen bolatyn. Qazaqstanda úsh tildi oqytý osy mektepterdiń úlgisinde qurylady dep josparlanǵan. Joǵary synyptarda aǵylshyn tilinde oqytý boıynsha jumystar 2017-2023 jyldary júzege asyrylady. 

inform.kz

---