InfoHub Logo

2019 jyldan bastap mektep baǵdarlamasyna «Kásipkerlik negizderi» páni engiziledi. Bul týraly búgin «Bilim berýdy damytýdyń perspektıvti modelderi» taqyrybyndaǵy dóńgelek ústel barysynda «Atameken» UKP basqarmasy tóraǵasynyń orynbasary Murat Ábenov málim etti.

Ol kásipkerlikke baýlý bilim berýdiń barlyq deńgeıinde, mektep qabyrǵasynan bastap júrgizilýi tıis ekendigin basa aıtty.

«Álemniń kóptegen elderinde, máselen, Danıa men Skandınavıa elderinde kásipkerlikke baýlý mektep baǵdarlamasynyń oqý prosesine engizilgen.  Osy oraıda Ulttyq kásipkerler palatasynyń usynysyn qoldaǵan elimizdiń Bilim jáne ǵylym mınıstrligine rızashylyǵymyzdy bildiremiz. 2019 jyldan bastap mektep baǵdarlamasyna «Kásipkerlik negizderi» páni engiziledi»,  - dedi M.Ábenov.

Sharaǵa mártebeli meıman retinde Izraıldiń burynǵy Bilim mınıstri, saıasatker Shaı Moshe Pıron da qatysyp, óz oılarymen bólisti.

 «Kóptegen elder bilim salasynda reforma jasaýǵa tyrysqan kezde ózge memleketterdiń tájirıbesine jıi arqa súıep jatatyny bar. Bul rette olar ózderiniń bilim berý erekshelikterin, ózderiniń mádenıetin qaperden shyǵaryp alady. Balalar eń birinshi kezekte ózi ómir súrip jatqan jerdi sezinýi tıis. Bul bilim berý negiziniń biri. Inovasıa dep ony esten shyǵarýǵa bolmaıdy», - dedi sheteldik meıman.

---