InfoHub Logo

2016 jyly Astanada balalardy mektepke deıingi bilim berýmen qamtý 70,6%-dy qurady, bul 2015 jylmen salystyrǵanda 6,1% joǵary. Bul týraly Astana qalasy máslıhatynyń áleýmettik-mádenı damý máseleleri jónindegi turaqty komısıanyń otyrysynda Astana qalasy bilim basqarmasynyń basshysy Qasymhan Sengazyev málim etti.

Onyń aıtýynsha, 2017 jyly - 72%, 2018 jyly -72,1%, 2019 jyly - 97,7%, 2020 jyly - 100% kórsetkishke qol jetkizý josparlanǵan.

Oryndardyń jetispeýshiligi máselesiniń sheshimin tabý úshin osy úderiske jeke sektordy belsendi qatystyrýǵa sheshim qabyldanǵan. Qazirgi tańda jeke balabaqshalar jelisi 116 uıymdy quraıdy. Onyń ishinde 96 uıymda mektepke deıingi bilim men tárbıe berýge memlekettik bilim berý tapsyrysy ornalastyrylǵan.

Búgingi tańda 46 327 oryndyq mektepke deıingi 167 mekeme ashý qajettiligi anyqtalǵan. Osyǵan baılanysty basqarma balabaqsha qurylysyn salý boıynsha jeke seriktesterdi anyqtaý maqsatynda baıqaý ótkizgen. 2016 jyly 20 jeltoqsanda áleýetti jeke seriktester 1440 oryndyq balabaqshalary boıynsha 6 baıqaý ótinishin tapsyrǵan.

Vedomstvo basshysynyń aıtýynsha, mektepke deıingi mekemelerdiń jetispeýi máselesiniń tıimdi sheshimi Komýnaldyq múlik jáne memlekettik satyp alý basqarmasy balansyndaǵy turǵylyqty emes ǵımarattardy berý bolyp tabylady. Mundaı sheshim, óz kezeginde, jeke mektepke deıingi mekemeler jelisin arttyrýǵa, memlekettik bilim berý tapsyrystaryn ornalastyrýǵa jáne oryn jetispeýshiligin qysqartýǵa múmkindik beredi.

Memlekettiń bilim berý tapsyrysy dotasıasyna keletin bolsaq, 2016 jyly ol 15 900 teńgeden 20 800 teńgege artqan.

Jyl saıyn bala baqshadan oryn alý úshin kezekke tirkeletin balalar sany 10 myńǵa artady jáne búgingi tańda kórsetkish 3-6 jas aralyǵyndaǵy 33240 balany quraıdy. Memlekettik bilim berý tapsyrysy boıynsha 96 jeke menshik balabaqshadaǵy balalar sany 8849 adamdy quraıdy.

---