InfoHub Logo

2016 jyldyń 1 tamyzy men 30 qyrkúıegi aralyǵynda «Mektepke jol» aksıasy aıasynda 320 myńnan astam balaǵa kómek kórsetildi.

Materıaldyq jáne qarjylyq kómektiń jalpy quny 2,5 mlrd.-qa jýyq teńgeni qurady, dep habarlaıdy primeminister.kz saıty.

«Aksıa qorytyndysy boıynsha az qamtylǵan jáne kóp balaly otbasylardan shyqqan 321 424 bala jalpy somasy 2 mlrd 468 mln teńgege (2015 j. - 318 026 bala 2,2 mlrd teńgege) materıaldyq jáne qarjylyq kómek aldy, sonyń ishinde demeýshiler men mesenattardyń atynan 223 948 balaǵa 1 mlrd 801 mln teńgege kómek kórsetildi (2015 j. - 200 myń balaǵa 1,5 mlrd teńgege kómek berildi)», - dep habarlady QR BǴM-nan.

Sonymen qatar, mınıstrliktiń málimeti boıynsha, materıaldyq kómekpen qamtylǵan balalardyń sany jaǵynan Jambyl oblysy (30 057 bala), Qaraǵandy oblysy (29 590 bala), Qyzylorda oblysy (28 137 bala), Aqtóbe oblysy (27 004 bala) kósh bastap tur.

«Jınalǵan qarajat kólemi boıynsha reıtıńte Almaty oblysy (427 mln-nan astam teńge), Qaraǵandy oblysy (281 mln.-nan astam teńge), Ońtústik Qazaqstan (197 mln-nan astam teńge), Jambyl oblysy (188 mln.-nan astam teńge), Qyzylorda oblysy (184 mln.-nan astam teńge) jáne t.b. oblystardy erekshe atap ótýge bolady», - dep málimdeldi vedomstvoda.

Aıta ketý kerek, aksıa sheńberinde balalar tıisti mektep quraldarymen, kıim-keshektermen (mektep formasy, sport kıimderi, aıaq kıimder jáne t.b.) qamtamasyz etildi.

Eske sala keteıik, «Mektepke jol» respýblıkalyq aksıasy osymen toǵyz jyl qatarynan ótkizilip keledi, munda az qamtylǵan jáne kóp balaly otbasylardan shyqqan balalar jańa oqý jylyna daıyndyq kezinde qaıtarymsyz kómekke ıe bolady.

Aksıa ótkizilgen toǵyz jyl ishinde 2 mln 345 myń 812 bala jalpy somasy 15 mlrd 79 mln 842 myń teńge kóleminde materıaldyq kómek aldy.

---