InfoHub Logo

Atyraý qalasy
№9 Sh.Ýálıhanov atyndaǵy orta
mekteptiń bastaýysh synyp muǵalimi
Daýletıarova Saırangúl Ǵabıtqyzy

 

Tárbıe saǵatynyń maqsaty: Oqýshylardy elimizdiń táýelsizdik alǵan jyldar ishindegi jetken jeńistikterimen tanystyrý, álem tanyǵan el ekenin dáleldeý, bilimderin keńeıtý.

Bolashaq urpaqtyń rýhanı tulǵalyq jáne adamgershilik qundylyqtaryn damytý.

Otanyn súıýge,el tarıhyn bilýge,elimizdiń memlekettik rámizderin qasterleýge,otanymyzdyń  baılyǵyn qorǵaýǵa,elimizdi órkendetýge bilimdi urpaq bolýǵa tárbıeleý.

Tárbıe saǵatynyń kórnekiligi: Qazaq eli sýretteri, Qzaqstan Respýblıkasynyń rámizderi: Týy, Eltańbasy, Ánurany. N.Á Nazarbaevtyń sýreti.

Naqyl sózder, Qazaqstan týraly ánder.

Tárbıe saǵatynyń barysy:

Qazaqstan týraly ne bilemiz? Men Qazaqstanda turamyn. Men Qazaqstanda bilim alyp jatyrmyn. Men elimmen maqtanamyn. Elimniń gúldene bergenin qalaımyn.

Muǵalim sózi. Mine oqýshylar bizder elimizben maqtanamyz. Bul erkindik ońaılyqpen kelgen joq. Qazaq eli erkindikke jetý úshin qanshama qıyn-qystaý kezeńderdi bastan keshirdi. Myńdaǵan jyldyq tarıhy bar. Qazaqstan táýelsizdik aldy.

Al, 1986 jylǵy oqıǵa halyqtyń esinde máńgi saqtalady.

Oqýshy:16 jeltoqsanda qazaq jastary Ortalyq alańǵa shyǵyp, Qazaqstan táýelsizdigin talap etti.

Oqýshy: Osynyń nátıjesinde 1991 jyly 16 jeltoqsanda Qazaqstan Respýblıkasy Táýelsizdigi týraly zań qabyldandy.

Oqýshy:   Atyńnan aınalaıyn egemen el,               «Týǵan el» sýreti

               Táýelsiz kúniń týdy kenele ber.

               Mereıiń qutty bolsyn Qazaqstan!

               Ǵasyrlar toıy bolshy kele berer!

Oqýshy:   Merekeń qutty bolsyn egemen el,

               Terezeń barlyq elmen teń eren el.

               Babalar máńgi baqı arman etken,

               Teńdikti,bostandyqty ıelengender.

Oqýshy:   Bostandyq qutty bolsynerikti el,

               Aıdyn kól, kók maısaly kórikti jer

               Bostandyqty ańsaǵan batyrlardyń

               Árýaǵyna bas uryp, táý etken jer.

Án «Otanym - Qazaqstan»   

Oqýshy:   Egemen elimniń erteńi dep,

               Elbasy baǵa berdi jastaryma

               Oqý oqy, bilim al, eliń úshin

               Eńbek et tynym tappaı, jan aıama.

Oqýshy:   Halqymnyń maqtanyshy - alyp tulǵa.        «Báıterek» sýreti

               Álemniń nazary aýdy Aq ordaǵa

               Báıterek – kókke qolyn sozyp turǵan,

               Uqsaıdy meniń asqaq armanyma.

 Oqýshy:  El boldyq egemendi, teńdik alyp,

               Bar álem qazaq elin boldy tanyp

               Qaınaýy kenge toly Qazaq eli,

               Jyl saıyn keledi ósip qanat jaıyp.

«Qazaqstan Respýblıkasynyń prezıdenti N.Á Nazarbaev» sýreti.

Oqýshy:   El boldyq erik aldyq astanaly

               Endi kimnen qazaǵym jasqanady?                           

               Táýelsiz memlekettiń shejiresi,

               Nursultannyń atymen bastalady.

Oqýshy:   Jaraldyq molshylyqtan toly aǵystan

               Jolyń bar jaqsylyqty qalap ushqan

               Ǵasyrdyń bıigine shyqtyń tý bop,

               Kórkeıgen elim meniń – Qazaqstan!

Hor      «Elim meniń»       Sózi: N. Nazarbaev           Áni: B.Tileýhanov

«Astanaǵa saıahat»  sýretter kórsetiledi.

Oqýshy:   Kóz qýanyp kún saıyn kórkemine,

               Kóńilimiz senedi erteńine              «Astana» sýreti

               Qazaqstan – alyp el, tóri Astana,

               Tańym ǵana laıyq el tórine.

 Oqýshy:  Keń dalaly, keń peıildi qazaqpyz,       

               Qul emespiz, erki janbyz, azatpyz

               El namysyn eshbir janǵa bermeııiz,

               Ómirdi alǵa bastyramyz órleımiz.

Otan týraly maqal-mátel bilemiz be?

 Oıyn «Maqal-mátel» jalǵasyn tap.

Oqýshy:   Otanym – Qazaqstan týǵan jerim,

               Munaı men gaz bolady asyl kenim

               Kórkeıtip bir ózińdi kele jatqan,

               Artamyz elbasyna úlken senim.

Oqýshy:   Ulttyq órnek muramyz

               Adastyrmas murattaı

               Nyq kóterip turamyz

               Jalaýdy biz qulatpaı.

Oqýshy:   Búgin árbir memlekettiń ǵasyrlyq tarıhyna baılanysty rámizderi bar.

Memlekettik rámizder – Tý, Eltańba, Ánuran. Bul halyq birliginiń belgileri.Qazaqstan Respýblıkasynyń da óz rámizderi bar. Memlekettik rámizderdi qurmetteý - árbir azamattyń mindeti.

 Oqýshy:  Bult baspasyn kúnimdi                        «Tý» sýreti

               Tarylmasyn órisim.

               Bıik ustaý Týymdy-

               Qasıetti boryshym.

Oqýshy:   Qazaqstan Respýblıkasynyń memlekettik Týy ortasynda shuǵylaly kún, onyń astynda qadyqtap ushqan qyran beınelengen tik bursshty kógildir tústi mata. Bul tús - ashyq aspannyń, tynyshtyqtyń belgisin kórsetedi. Týdyń ortasyndaǵy altyn kún – barshaǵa ortaq, bárine nuryn shashyp, sáýlesin tógedi. Onyń jylýy jer betindegi búkil tirshilik tirshilik ataýlyǵa ortaq. Altyn kúndi qanatymen jebep, órge kóterip» ushyp bara jatqan qyran qus – erlik belgisi. Matanyń sol jaǵynda oıý - ór negi bar tik jolaq ornalasqan. Bul qazaq eliniń áshekeıi. Altyn kún, Qyran jáne oıý- órnek bizdiń halqymyzdyń ashyq keleshegi men baı – berekesi, tynyshtyq pen baılyqtyń belgisi.

Oqýshy:     Jelbireıdi shalyqtap

                 Qazaqstan jalaýy

                 Kókke qyran qalyqtap,

                 Qanat qaǵyp barady.

Oqýshy:     Men qazaqpyn, ulanymyn qazaqtyń

                 Táýelsizbin, egemenmin azatpyn

                 Kók baıraǵym tur kógimde jelbirep

                 Alataýdaı kókke órlegen azatpen

 Oqýshy:    Babam tulpar jaratty    «Eltańba» sýreti

                 Qulynyn da tanyp aq

                 Tulpar barda qanatty

                 Shaıqalmasyn shańyraq.

Oqýshy:     Táýelsizdik kórki ol da,

                 Órke nıet órinde

                 Nur tógedi Eltańba

                 Aq Ordanyń tórinde.

Oqýshy: Qazaqstan Respýblıkasynyń memlekettik eltańbasynda kógildir tús aıasynda shańyraq beınelegen. Shańyraqty aınala kún sáýlesindeı tarap, ýyqtar shanshylǵan.Jaryq juldyz – Otanymyzdyń juldyzy bıiktep, baqyt juldyzynan  nur shashyp turǵanyn beıneleıdi. Qanatty tulpardyń balamalyq máni qazaqtyń ańyz ertegisinen alynǵan. Ańyz boıynsha qanatty tulparǵa mingen alyp batyr alty qanat aspanǵa ushyp, jeti qat jer astynda túsip halyqty qasiretterden azat etken, elimizdiń azattyǵy men jeńimpazdyǵynyń belgisi. Bıdaı sabaqtary toqshylyqty, molshylyqty bildiredi. Al tómengi jaǵyndaǵy «Qazaqstan» degen jazý elimizdiń ejelden álemge tanymal ekenin kórsetedi.

Oqýshy:  Bas bilgizip jer tarpyǵan tarpańǵa

              Jasy turmaq, shyǵady eken qarty ańǵa        

              Qalaı onyń eltańbasy bolmaıdy

              Túlegine deıin salsa en – tańba?!

Oqýshy:  Endi búgin ólgen Týym tirildi

              Ánuranym jalǵap aldy ǵumyrdy

              Bosaǵada qalyp kelgen Eltańbam

              Baıaǵysha tórime kep ilindi.      

Oqýshy:  Batyrlyqqa ýyzynan jaryǵan

              Er túrkini baıraǵynan tanyǵan

              Ózi aqyn, ózi ánshi halyqta

              Kim aıta alar

              Bolmaǵan,- dep - Ánuran?!

Oqýshy:  Kez kelgen memlekettik rámizdiń eń mańyzdysy - Ánuran. Ánuran memlekettik saltanatty án. Ol halyqty áıgili etedi. Onyń sózderinde halyqtyń myńdaǵan jylǵy tarıhy, búgingi ómiri men keleshek armany aıtylǵan.

Hor «Ánuran» Bárimiz ánurandy aıtyp bereıik.

Oqýshy:   Baqtyń qusy ár adamǵa qonyp bir

               O, Táńirim, bizdi baqqa jolyqtyr...

               Búgin mine, Táýelsizdik aǵaıyn,

               Ár qazaqtyń júregi bop soǵyp tur!

Oqýshy:   Kók aspanda nuly kún

               Kúlimdeıdi dalama

               Baqyt tilep tur búgin

               Ol barlyq pák balaǵa.

«Sózjumbaq»  sheshý.

Oqýshy:   Kók júzinde qalyqtaǵan qyranmyn,

               Beıbitshilik pen bostandyq jyr ánim

               Samǵap júrsek bostandyqta, bıikte

               Sharyqtaıdy keń kólemde bul ánim.

Hor «Qazaqstan»                         

---