InfoHub Logo

Ómirdiń artqan júgine,
Moıymapsyń da synbapsyń.
Úńilem júrek túbine,
Sheshýin izdep jumbaqtyń.

Jetsemshi dediń tilekke,
Saıa bop bizge qanatyń.
Daý bar ma
Ana júrekke,
Bala úshin
Báıek bolatyn.

Bar joqty bilmeı shalqydyq,
Bula bop óstik erkelep.
Ot penen órtke sharpylyp,
Aǵardy shashyń erterek.

Qyzdaryń ushty qıaǵa.
Ulyń da qondy uıaǵa.
Eki aýyz sózge sıa ma,
Erligiń eren uly ana.

Shattyqqa tolar shartarap,
Anashym barda jany izgi.
Barsańda Mekke arqalap,
Ótelmes ana paryzy.

Ón boıyń-úlgi, ónege,
Parasat tabam,
Baq tabam.
Nemere degen nemene,
Sarqytyń bar ma saqtaǵan?

Ardaqty ana esimi,
Áli alda ómir nesibi.
Toılasyn júzdi týajat,
Terbetip baqyt besigi.

*** *** *** ***

Barshamyzǵa baqytty ómir berip,
Boıymyzǵa ornattyń senim berik.
Qashan bolsyn oryn ap tórimizden
Otyra ber kórkeıip, kóńildenip.

Kósegemiz kógerip bir ózińmen,
Jylylyqty sezemiz gúl óńińnen.
Otbasyńa meıirban bola bildiń,
Nur sáýleli náp-názik júregińmen.

Qutty bolsyn búgingi merekeńiz,
Siz bar kezde asqarmen teńesemiz.
Alshań basyp júre ber aramyzda,
Tarqamasyn árdaıym berekeńiz.

*** *** *** ***

Bir otbasynyń bereke-birligin kirgizip otyrǵan ana, erińizdiń abyroıyna abyroı qosyp otyrǵan asyl jar 60 jas mereıtoıyńyz qutty bolsyn!

*** *** *** ***