InfoHub Logo

Ne bar eken anadan qymbat maǵan,
Tal besikke bólegen, qundaqtaǵan.
Kóz aldymnan uzasań symbatty anam,
Saǵynǵannan bir seni kún batpaǵan.

Júregińniń jylýyn shashqanda ana,
Oranady shýaqqa aspan-dala.
Qasıetin ananyń túsinedi,
Adamshylyq jolymen basqan ǵana.

Oılap ketsem otyryp anashymdy,
Butaq jaıǵan báıterek pana syndy.
Jınaǵan soń boıyma bar asyldy,
Ótip jatyr ómirim jarasymdy.

Qalsam men búgin de egde tartyp,
Erkelikti moınyńa kelem artyp.
Bas aýyryp, baltyrym syzdaı qalsa,
Jan tappadym janashyr senen artyq.

Búkil tirlik aspanda kúnim ǵashyq,
Ana jaıly aqtardym syrymdy ashyp.
Merekesin analar arqaý etip,
Ketti búgin keýdemnen jyrym tasyp.
 
Jalaý bolyp ananyń aqyly izgi,
Qulshyndyryp eńbekke jatyr bizdi.
Ónerli óren ósirgen elge laıyq,
Álıa men Mánshúkteı batyr qyzdy.

Qulpyrǵanda keń dalam shýaǵymen,
Qýanyshpen kóńildi jýa bilgen.
Quttyqtaımyn analar merekeńmen,
Nurlandyrǵan ómirdi qýatyńmen.

*** *** *** ***

Perzentke jumsaǵan bula kúshin,
Ana – yrys, baq – dáýlet, jubanyshyń.
Kókbóriniń teginen taraǵandar,
Qutty bolsyn búgingi qýanyshyń!

Tal besikke tirlikti ilmektegen,
Madaqtaýǵa Anany til jetpegen.
Alataýdyń shyńyna tý tigedi,
Anasyna toı jasap, qurmettegen.

Anaǵa arnalǵan ánder, jyrlar, izgi tilekter, jyly lebizder qanshama! Halyq arasynda «Ana bir qolymen besikti terbetse, ekinshi qolymen álemdi terbetedi» degen qanatty sóz bar.

Endeshe Anaǵa arnalǵan jyrymyz, ánimiz, tilegimiz eshqashan taýsylmaýǵa tıisti, taýsylmaıdy da.

Óz baqytyn, qýanyshyn ózi ómirge ákelgen perzentteriniń qylyǵynan, qyzyǵynan izdeıtin aıaýly Anam meniń! Saǵan álemdegi bar jaqsy tilekti úıip-tóksem de az. Alla sizge eń aldymen myqty densaýlyq bersin! Árqashan júzińizden meıirim nyshany ketpeı, aınalańyzǵa nuryńyzdy shashyp, Analyq baqytqa kenelip júre berińiz!

*** *** *** ***

Búkil ómirin balalaryna arnap, ómirlik serigine adal jar, ardaqty ana bola bilgen, búginde qyzyn-qıaǵa, ulyn-uıaǵa qondyryp, nemereleriniń súıikti Ájesi bolyp otyrǵan asyl Anamyz, sizdi búgingi mereıtoıyńyzben shyn júrekten quttyqtaımyz!

«Anańdy Mekkege úsh ret arqalap aparsań da qaryzyńnan qutyla almaısyń» degen sóz bar.

Ardaqty ana, sizge qajymas qaırat, zor densaýlyq tileı otyryp, aınalańyzǵa shýaǵyńyzdy shashyp uzaq ómir súrińiz demekpiz!

*** *** *** ***

Siz jasaǵan qyzmetti
Kún men Juldyz, Aı kórgen
Anańdaı azız meıirban
Tabylar saǵan qaı jerden?
Yńyldap daýsyń shyqqanda
Kózinen uıqy ashylǵan
Meıirińdi sýǵa qandyrǵan
Meıirban bar ma osydan?!
Kózinen uıqy taraǵan
Qabaǵyńa qaraǵan
Anańdaı qamqor bar ma eken!

*** *** *** ***

Júregimdi jaryp shyqqan bar izgi tilekterim ómirdegi eń qymbatty da ardaqty jan – ana, ózińe arnalady. Bizdi ómirge ákelip, aq sút berip, aıalap ósirip, tumsyqtyǵa shoqtyrmaı, osy kúnge jetkizgeniń úshin aldyńda máńgi qaryzdarmyz. Meıirim men mahabbattan jaralǵan keń júregińizden, qyzýy tula boıymyzdy jylytqan ystyq alaqanyńyzdan, aınalaıyn dep mańdaıymyzdan emirene súıip, erkeletken únińizden artyq biz úshin eshnárse joq. Anashym, júzińizden shýaq ketpeı, bizdiń ortamyzda kúlip-oınap, shattyqqa kenelip, baqytqa bólenip júre berińiz.

*** *** *** ***

Ana degen kıeli esim, Alla bergen bar mánin,
Kún shýaǵy tógilgendeı mynaý kúni Allanyń.
Bar baqytty ómir saǵan Ana bergen árdaıym,
Barsha Adamzat Analarǵa basyńdy ıý - Allaǵa!

*** *** *** ***