InfoHub Logo

Shýaǵyn shashqan aıaly alaqan
Zal ishi merekege saı meıramhana stılinde bezendirilgen.
1 - júrgizýshi: Armysyzdar qurmetti ata - analar, ustazdar, qyzǵaldaqtaı qulpyrǵan qyzdar! Mine jyl aralatyp kóktemniń alǵashqy kúnderimen keletin 8 - Naýryz Halyqaralyq áıelder kúni de kelip jetti.

Zalǵa qyzdar kirip keledi. Qyzdardy meıramhana admınıstratory qarsy alady.
- Sálemetsińder me qyzdar! Merekelerińmen!
- Rahmet! Sizdi de merekeńizben quttyqtaımyz!
Biz №9 «Qaraqat» tobynyń qyzdarymyz. Bizdi munda bizdiń toptyń jigitteri shaqyrǵan edi. Olardyń ózderi áli kelmedi ma?
- Joq senderdiń jigitteriń áli kelgen joq. Olar kelgenshe sender otyryp jaıǵasyńdar.
Qyzdar otyrady.
Raıhan: - Jigitterdiń munysy nesi? Bizdi shaqyryp alyp, ózderi áli joq qoı.?
Zeınep: - Al biz sándenip, ádemi kóılekterimizdi kıip kelip otyrmyz ǵoı.
Ulbosyn: - Qyzdar uryspaıyq búgin analar merekesi ǵoı. Odan da olardy merekemen quttyqtap jyr shýmaqtaryn arnaıyq.
Ulbosyn: Adam barma ana sútin tatpaǵan
Alýan - alýan aýyr syndy attaǵan
Adaldyqty ar namysty saqtaǵan
Men anamnyń sonysymen maqtanam
Janel: Mápeleıdi, áldıleıdi, baǵady
«Qulynym» dep qushaǵyna alady
Ózgege de, ózine de jaýapty
Barlyǵyna qalaı ýaqyt tabady
Aısha: Bir ózińnen bastap ómir joldaryn
Júregińe júregimdi jalǵadym
Óziń myna syıǵa bergen ómirde
Aq sútińdi aqtap ótý armanym
Madına: Erkelesem shattanam
Kúlimdeseń baq maǵan
Aq betińnen súıeıin
Kelshi kelshi aq mamam!
Arýjan: Erkelesem kúlimdeıtin
Urysqany bilinbeıtin
Mańdaıymnan ıiskep meniń
Qulynshaǵym kúnim deıtin
Álemdegi aqyldy adam
Bárinen sol jaqyn maǵan
Ol janymda júrse men de
Batyrlarsha batyldanam
Mýzyka yrǵaǵymen uldar kirip keledi.
Jalǵas: - Sálem qyzdar! Nege muńaıyp otyrsyńdar?
Tárbıeshi: - Jigitter senderdiń toptaryńnyń qyzdary senderge qatty renjýli. Sender bir amalyn taýyp olardyń kóńilin tabyńdar.
Bári birge: Dostyqty biz oılaımyz
Birge kúlip oınaımyz
Merekede qyzdarǵa
Shattyq jyryn arnaımyz
Júrsináli: Aıtqanda ándi áýeli
Erekshe shyǵar áýeni
Bıazy qyz Erkejan
Ózi de uıań ádemi
Mansur: Aı sekildi ózi de
Syńǵyr - syńǵyr sózi de
Zeınep degen arýdyń
Ádemi ǵoı kózi de

Jalǵas: Sabaǵyn da meńgergen
Jaqsylyqty jón kórgen
Ata - anasy Jannıet dep
Ádemi esim teńgergen
Saýran: Sabaǵynan qalmaıdy
Jalqaýlyqqa barmaıdy
Mılanaǵa búginde
Uldar jyryn arnaıdy
Asylbek: Qulpyrǵan dala gúlindeı
Júresiń ár kez kúlimdeı
Armanyńa ańsaǵan Madına qyz
Aq nıetpen jete bergin súrinbeı
Aıqyn: Óner qýǵan jasynan
Óneri sýdaı tasyǵan
Kelesi bizde Janıa
Kóringen kóshtiń basynan
Ernur: Yńǵaıy kóńil kúıiniń
Kelgende baıqap beıimin
Aıtarymyz Aısha qyz
Erkesi ǵoı úıiniń
Núrjigit: Merekede kóktemgi
Jaqtyrmaıdy óktemdi
Dılnozany baıqaımyz
Erkeligi kóp tegi
Almat: Sabaǵy ylǵı úzdikti
Shyǵarsa esep yzǵytty
Aramyzda Ulbosyn
Ózi shıraq qyz tipti
Bekzat: Jaqsy oqýdy bastady
Áripterdi ashqaly
Tompıǵan qyz Nursaıa
Buıra - buıra shashtary
Ádilet : Jaqsy oqyp sabaǵyn
Bárimizge jaǵatyn
Ashýlansa Raıhona
Shetterinen qyratyn
S. Nýrıslam: Sabaǵyn jaqsy oqıdy
Kóńilge bárin toqıdy
Úndemeı júrgen Janelá
Neni oılap toqıdy?
Ádilet: Alar dáıim bestigin
Aqquba qyz keskiniń
Boıshań bizdiń Janerke
Uıańdaý dep estidim
Abdýjamıl: Bıleıdi keıde aınala
Kórkine aqyly saı ǵana
E. Káýsar bizdiń ádemi
Sóıleıdi biraq jaı ǵana
Mýzrab: Saǵan da jyr arnalady
Saýsaǵynan bal tamady
Úzdikterdiń qatarynda
Arýjan da tabylady
Baýyrjan: Án de keıde salady
Baǵany da alady
Biraq bizdiń Mılana
Baqshadan kóp qalady
Abdýjamıl: Myń burala bıleıdi
Maqtanýdy súımeıdi
Káýsar degen qyzymyz
Ortany esh bermeıdi
Uldar: - Qyzdar bizdi keshirińdershi....
Qyzdar: - Jaraıdy bul joly keshiremiz...
Jalǵas: - Qyzdar búgin barlyǵyń óte sulý bolyp ketipsińder.
Jannıet: - Rahmet jigitter. Árıne búgin bizdiń meıram ǵoı. Sender de sondaı symbattysyńdar!
Jalǵas: Ooooo..... ras pa? Rahmet qyzdar! Biraq búgin tek qyzdardyń ǵana emes, ájelerdiń, analardyń, apaılardyń da merekesi ǵoı. Kel odan da olardy merekemen quttyqtaıyq.
Jannıet: Armysyń ájelerim analarym
Meıirban appaq kóńil danalarym
Gúl kóktemniń alǵashqy meıramymen
Quttyqtaıdy sizderdi balalaryń
Abdýjamıl: Bul kúndi toılap jatyr barsha halyq
Áıelder kúni búgin halyqaralyq
Jaryqqa bizdi ákelgen analardy
Búgingi merekemen quttyqtaıyq
Zeınep: Uıytqysy januıanyń berekemiz
Analar qutty bolsyn merekeńiz
Árqashan analarymyz aman bolsyn
Alańsyz baqytty ómir biz keshemiz!
Jalǵas: Toı perdesin ashaıyq
Toıǵa shashý shashaıyq
Analardy qurmettep
Án marjanyn shashaıyq
Analarǵa arnalǵan ánimizdi qabyl alyńyzdar.
Án: «Aı dıdarly anashym»
Zeınep: O, anashym!
Taıanyshym tiregim
Bar baqytty bir basyńa tiledim
Meni jaqsy bolsa eken dep qashan da
Lúpildeıdi seniń qamqor júregiń
Týǵan jerdiń
Jaınap turǵan dalamnyń
Ózińe dep gúlin úzip alarmyn
Júrek syryn ózińe arnap jınadym
Mine gúlim!
Men de gúldeı balańmyn!
Júrsináli: Búgin naýryzdyń segizi
Sulýlyqtyń negizi
Ádemi sóz adamnyń
Anaǵa aıtar lebizi
Analardy súıemiz
Aqylyn oıǵa túıemiz
Ájeni de ardaqtap
Ádeppen bas ıemiz

Shymkent qalasy,
№25 "Qaraqat" bóbekjaı - balabaqshasynyń
İİ sanatty tárbıeshisi Sholatova Aıjan Nýralıevna