InfoHub Logo

Qymbatty hanymdar!

8-Naýryz merekesi qutty bolsyn! Barshańyzǵa asyl armandardyń oryndalýyn, jan jadyratar qýanyshtyń mol bolýyn, otbasy baqyty men berekesi sarqylmaýyn, densaýlyqtyń muqalmaýyn tileımin!

*** *** *** ***

Sizderdi 8 naýryz — Halyqaralyq áıelder kúnimen shyn júrekten quttyqtaımyn! Áıel-Ana — ómirdiń ózegi, tirshiliktiń kúre tamyry, ystyq yqylas pen yjdahattyń, páktik pen tazalyqtyń qaınary. Elimizdiń sán-saltanaty men Elordamyzdyń mereıiniń ústem bolýynda da qashanda názik jandardyń eseli eńbegi men qajyrly qaıratynyń qarymdy úlesi jatyr. Olaı bolsa, kóktemniń osynaý shýaqty merekesi kóńilderińizdi nurǵa, júrekterińizdi jyrǵa bólesin.

*** *** *** ***

Jaqsylyqtyń nyshanyndaı, janyń súıgen adamnyń jyp-jyly qushaǵyndaı, saf altyndaı tazalyǵy men sulýlyǵyn beretin, jaıma shýaq sáýlelerin tógetin, kóńilderge qýanyshtar egetin, ımandylyq pen pák qyzdardyń minezindeı ıbalylyq sebetin kógildir kóktemniń alǵashqy merekesi, toı ataýlynyń qyzyǵy men berekesi — 8 NAÝRYZ keldi ortamyzǵa!
 
Osy merekeniń ıeleri, bar adamzattyń tabynary men kıeleri, qýanǵanda qasyńnan tabylyp, qınalǵanda súıeneri, meıirimdilik pen tynyshtyqtyń jarshylary, adamdyq pen adamshylyqtyń móp-móldir tamshylary, súıkimdi qylyǵymen saǵyndyrǵan, qajet dese ah urǵyzyp sabyldyrǵan, ásem kórkimen, júreginiń órtimen nebir dana men danyshpandardy tabyndyrǵan, súıse qulaı súıetin, naqsúıerine janashyr bolyp, birge kúıetin aıaýly da asyl qyzdar, súıkimdi kelinshekter, merekelerińiz qutty bolsyn!
 
Árqashan otbasylaryńyzdyń ajary, júrgen ortalaryńyzdyń bazary bolyńyzdar! Pále-jala, jamandyq ataýly kelmeske ketsin, asyl da taza mahabbat júrekterińizden máńgilik oryn tepsin! Súıikti jar, ardaqty ana bolyńyzdar, dáýlet, bereke, baılyq aýylyna qońsy qonyńyzdar. Sizderge dúnıedegi barlyq baqytty tileımiz!

*** *** *** ***

Qurmetti áriptester!

Sizderdi arý kóktemniń alǵashqy merekesi 8 — naýryz halyqaralyq áıelder kúnimen shyn júrekten quttyqtaımyn. Kóktemniń gúlindeı qulpyryp, ásemdiktiń, ádemiliktiń, ádeptiliktiń ıesi bolyp, baqytty da baıandy ómir keshińizder. Denderińizge saýlyq, kóńilderińizge shattyq, ot basylaryńyzǵa qut-bereke, aýyzbirlik pen tynyshtyq tileımin.

*** *** *** ***

Súıikti jarym!

Ózińdi kógildir kóktemniń shýaqty merekesi — 8 naýryz áıelder kúnimen quttyqtaımyn. Osynaý jarqyn mereke kúni máńgilik jastyq alaýyn, adal mahabbat jylýyn, shynaıy súıispenshilik shýaǵyn tileımin.

İzgi tilekpen, jan jaryń……..

*** *** *** ***

Qyzym!

Arýlar kúnine arnalǵan jyly lebizimdi qabyl al. Tal boıyńa ajaryna aqyly saı, názik te bıazy, kórikti de kelbetti qazaq qyzdarynyń jan sulýlyǵyn tileımin. Janaryń árdaıym nur shashyp, júziń kúndeı kúlimdep, kóńiliń kóktemdeı kórikti bolsyn!

İzgi tilekpen, jan ákeń ………………!

*** *** *** ***

Qurmetti apa!

Sizge 8 naýryz áıelder kúnimen quttyqtaýymdy joldaımyn. Áıel barlyq qıyndyqty jeńe biletin sarqylmaıtyn kúsh, tirliktiń qaınar bulaǵy. Barsha týǵan-týystaryńyzdy jyly júregińizdiń meıirimdiligi men ystyq yqylasyna bóleı berińiz.

İzgi tilekpen, baýyryńyz ...............

*** *** *** ***

Shuǵylaly kóktemniń alǵashqy merekesi — 8 naýryz Halyqaralyq áıelder kúni meıramymen shyn júrekten quttyqtaımyn. Ana qýanyshy, áıel qýanyshy — ár úıdiń, otbasynyń, Otannyń mereıi. Denińizge saýlyq, otbasyńyzǵa birlik-bereke, kenen tabys, qyzmette órleý jáne mahabbat pen ásemdik tileı otyryp, myna óleń joldaryn Sizderge arnaımyn:
 
Gúldeı bolsyn ómirińiz,
Nurǵa tolsyn kóńilińiz.
Bıik bop juldyzyńyz
Kóktemdeı qulpyryńyz.
Baqyt qonsyn basyńyzǵa
Qoldap júrsin Táńirińiz!

*** *** *** ***

Kóktem merekesi kóńilderińizge qýanysh syılap, júzderińizge nur shashsyn. Árqashan shańyraqtaryńyzdyń berekesi bolyp, úıińizden jylylyq ketpesin. Sizderge zor densaýlyq, mol baqyt, januıalaryńyzǵa bereke-birlik tileımiz!

*** *** *** ***

Bar tirshiliktiń tutqasyn ustap turǵan analar, meıirimdi ájeler, ádemi arýlar! Sizderdi kóktemniń shýaqty merekesimen quttyqtaımyz! Árqashanda shańyraqtaryńyzdyń berekesi bolyp, júzderińizden nur shashyp júre berińizder. Sizderge zor densaýlyq pen baıandy baqyt tileımiz!

*** *** *** ***

8 Naýryz — halyqaralyq áıelder kúnimen shyn júrekten quttyqtaı otyryp, shynaıy kóńilden shyqqan eń izgi tilekterimizdi joldaımyz. Osynaý jarqyn merekeniń bizdiń barlyq úmitterimiz ben armandarymyzdy tyǵyz baılanystyratyn kóktemniń alǵashqy aıynyń basynda kelýi, jaqsylyqtyń nyshany bolsa kerek. Qashannan bergi dástúrimiz boıynsha biz bul kúni Sizderge — analarymyz ben apa-qaryndastarymyzǵa, qyzdarymyzǵa eń ystyq quttyqtaýlarymyz ben eń izgi tilekterimizdi joldaımyz. Sizderge shynaıy kóńilden zor densaýlyq, baıandy baqyt, otbasylaryńyzǵa bereke-birlik, eńbekterińizge tabys tileımiz!

*** *** *** ***

Sizderdi Halyqaralyq áıelder kúnimen shyn júrekten quttyqtaımyn. Osy bir tamasha kóktem merekesi áıelge tán ádemilik pen náziktiktiń máńgi belgisi sıaqty. Bizdiń qazirgi qoǵamymyzda áıel tek otbasynyń bereke-birligin oılaıtyn tulǵa ǵana emes, ol memlekettiń ómirge jáne saıası máselelerge belsene aralasatyn qoǵam múshesi. Sondyqtan bizdiń elimizde áıel adamnyń áleýmettik qorǵalýyna, olardyń ómir súrý deńgeıin arttyrýǵa aıryqsha mańyz beriledi.

Qymbatty hanymdar! Sizderdiń atyńyzǵa aıtylatyn aq alǵystar men jyly sózder eshýaqytta tolastamasyn. Kóktemniń basymen keletin merekelik kóńil-kúı Sizderdiń sergektikterińiz ben kúsh-jigerlerińizdiń qýat kózine aınalsyn. Sizderge jáne otbasylyrańyzǵa árqashan baqyt jáne sáttilikter tileımin!

*** *** *** ***

Jer-dúnıeniń jańarýyn, onyń sáni men mánin pash etip kele jatqan tamasha kóktemniń merekesi qarsańynda Sizderge jáne otbasylaryńyzǵa mol bereke, baqyt, shattyq, myzǵymas densaýlyq, bolashaqqa zor senim, kóterińki kóńil-kúı tileımin. Jyldan-jylǵa tabıǵattyń tamasha merzimi — kóktemdeı qulpyryp, jasara berińizder!

*** *** *** ***

8 naýryz — er azamattardyń nazarynan tys qalmaıtyn merekelerdiń biri. Osy kúndi aq shashty qarıadan bastap jas jetkinshekterge deıin asyǵa kútedi. Bul kún — otbasy berekesi men uıytqysy bolyp tabylatyn bizdiń analarymyz, jarymyz, ápkelerimiz ben qyzdarymyzǵa jarqyn kóńil men jaqsylyq tileıtin kún. Sizder ózderińizdiń izettilikterińizben, sypaılyqtaryńyzben ómirdi shýaqtandyryp, jaqyndaryńyz ben týystaryńyzǵa jylý syılaısyzdar.

Álemde nárestege ómir syılap, ony alǵashqy qadam basýǵa úıretetin qasıetterińizge teń keler nárse joq. Sizderdiń tózimdilikterińiz ben mahabbattaryńyzǵa alǵysymyz sheksiz!

Sizderge sáttilik pen shattyq kóńil serik bolsyn. er azamattardyń syılastyǵy men qurmetine bólene berińizder.

Kóktemgi merekelerińizben quttyqtaı otyryp, árdaıym ádemi, jyly júrekti analyq abyroıly ataqtaryńyz bıikteı bersin. Zor densaýlyq, máńgi jastyq pen sulýlyq tileımin!

*** *** *** ***

Qazaq áıeli baǵzydan dalany qorǵaǵan, erlermen birge erlik jasaǵan. Qazaq áıeli tek qana oshaq basynyń emes, búkil ómirin, urpaǵyn saqtaǵan, erliktiń úlgisin kórsetken. Besik terbeıtin, batyrdy ósiretin, ultymyzdy saqtaıtyn, erteńgi erlerdi ósiretin áıel, kelin, ana.

Aq jaýlyqty apalarymyz ben analarymyzdyń, sińlilerimizdiń tól merekesi. Otan otbasynan bastalady degen uǵymǵa sáıkes, áıeldiń qoǵamdaǵy róli erekshe. Óıtkeni otbasynyń quty bolǵan áıel Otanǵa da adal qyzmet etedi.

8- naýryz Halyqaralyq áıelder meıramymen shyn júrekten quttyqtap, árqashan tolysqan aıdaı ajarlanyp, kúlimdegen kúndeı nurlanyp, shattyq pen qýanyshqa bólenip, bereke-birliktiń bastaýshysy, ıgi isterdiń qostaýshysy bolyp júre berińizder.

*** *** *** ***

Áıel zatynyń mindeti — syrttaı qaraǵanda «otbasy, oshaq qasy» sekildi qarapaıym kóringenimen, naqtyraq zer salsaq, úı ishiniń sharýasy-kásibimen aınalysyp, bala-shaǵany baǵyp-qaǵý, ósirý, aǵaıyn jurttyń bereke-birligine uıytqý bolý sıaqty negizinen úıelmenniń qut-berekesin arttyratyn eń bir mańyzdy ister áıelge júktelip, ár shańyraqtyń turmys-tirshiligi, hal-ahýaly da osy úıdegi aq jaýlyqty analarymyz bolyp keledi.

*** *** *** ***

Jaqsy sóz — jarym yrys demekshi, qýanyshtan júzderi balbul janǵan aqjaýlyqty analardyń aldynda barsha azamat máńgi qaryzdar ekenine toqtalyp, shyn kóńilden quttyqtaımyz.

Anany syılaǵan, ımandylyqqa uıyǵan halqymyzda «Ananyń súıgen jeri — otqa kúımeıdi, oq ta tımeıdi» degen támsilge saı olardyń júzin muń shalmaýy úshin bar jaqsylyqtyń jalǵasatyny anyq.

Jer betindegi jaqsylyq ataýly analardyń úlken júregimen árlenedi desek, jylyna bir toılanatyn merekede olardyń eńbekterin baǵalap, syı qurmet kórsetý paryzymyz.

*** *** *** ***

Bul kún izgiliktiń, meıirimdiliktiń, ádemiliktiń nyshany. Sizder ómirdi nurlandyryp, shańyraqqa shattyq nuryn sebesizder. Sizderdiń qoldaýlaryńyz árkimniń júreginde senimdilik uıalatyp, shýaq syılaıdy. Osy aıryqsha qasıetterińiz máńgilik saltanat quryp, elge yrys-qut darysyn. Sizderge zor densaýlyq, baıandy baqyt, kóterińki kóńil-kúı tileımiz!

*** *** *** ***

Mine, 8 Naýryz — halyqaralyq áıelder merekesi de kelip jetti. Meıram! Maǵan basqa meıramdardyń bári osy ǵajaıyp meıramnan shashyraǵan ushqyndar ǵana, osy altyn meıramnyń kúnnen shashyraǵan altyn jip tárizdes sáýleleri ǵana sıaqty kórinedi. Osyndaı keremet meıram kúni barlyq áıelderge zor densaýlyq, baıandy mahabbat, januıalaryńyzǵa baqyt tileımin!

*** *** *** ***

— Eń kúshti nárse ne? — dese,
— Áıeldiń ámiri! — der edim.
— Áıelderdiń barlyǵyn
— Jerdegi Táńiri! — der edim.

Óz basym áıeldi osylaı dep baǵalaımyn. Óıtkeni, adamzatty jaratatyn — áıel, ultyn kóbeıtetin — áıel, urpaqty ulastyratyn — áıel, erkekti Er etetin — áıel. Bir sózben aıtqanda, dúnıeniń tiregi — áıel. Mahabbattyń asyl nury — áıel. Ómir degen altyn saraı esiginiń kúmis kilti — áıel mahabbaty.

*** *** *** ***

8  naýryz — bizdiń júregimizdi shýaqqa bóleıtin ananyń alaqany sıaqty kóktemniń alǵashqy merekesi. Tabıǵattyń oıanýy osynaý shýaqty merekeden bastaý alatyny tegin bolmasa kerek. Azamattyń ádemi syńaryna arnalǵan arýlarymyzdyń júzderinen ádemiliktiń nury taımasyn, ishki baılyqtary ben júrekteriniń márttigi sónbesin! Barshańyzǵa kóktemniń osy kúngi merekesinde mahabbat, densaýlyq, baqyt jáne amandyq, týǵan-týystaryńyzǵa ıgilik tileımiz!

*** *** *** ***

Kóktemgi kúnniń kózińdeı jyly júzdi, tula boıyna sulýlyq tunǵan, arqanyń ajaryndaı nurly kelbetti, qyzǵaldaqtaı alaýlaǵan arýlarymyzdy kóktemniń kúlim qaqqan shuǵylaly merekesi — 8 naýryz meıramymen quttyqtaımyz!

*** *** *** ***

Tamyljyǵan kóktemniń araıly shýaqqa toly 8 naýryzy da kelip jetti. Osynaý kóktem merekesi kúnimen ardaqty apalar men aıaýly qaryndastarymyzdy shyn júrekten quttyqtaımyz. Denderińizge saýlyq, otbasylaryńyzǵa yrysty bereke, baıandy baqyt tileımin!

*** *** *** ***

Kóktemniń osy bir eń jarqyn merekesi — 8 Naýryz Halyqaralyq áıelder kúnimen Sizderdi shyn júrekten quttyqtaımyz! Áıelder, Sizder — adamzattyń eń bir asyl perzentteri ǵana emessizder, sonymen birge tabıǵat boılaryńyzǵa aqyl men tózim, iskerlik te darytqan abzal da izgi jansyzdar! Barshańyzǵa mol baqyt, isterińizdiń sátti bolýyn, qazaq elindegi beıbit pen tynysh ómirdiń shyrqy buzylmaýyn tileımiz!

Ár shańyraqtyń yrysy ortaımasyn, balalaryńyz ben jaqyn-juraǵattaryńyzdyń barlyǵy da aman-saý, densaýlyqtary myqty bolyp, Sizderdiń árqaısyńyzdyń jan-júrekterińizden erteńgi kúnge degen senim máńgilik aınymasyn!

*** *** *** ***

Qymbatty áıelder!

8 Naýryz — Halyqaralyq áıelder kúnine baılanysty shynaıy quttyqtaýymdy qabyl alyńyzdar. Áıel árqashan halyqtyń ar-ojdany, izgiliktiń, náziktiktiń jáne jáne darhan kóńildiń kórinisi bolyp keldi jáne bolyp qalmaq, búgingi mereke olarǵa degen shynaıy qurmet belgisi. Áıel óziniń tabıǵatynan-aq kishipeıildiliktiń, joǵary adamgershiliktiń jáne meıirimdiliktiń aınasy. Sondyqtan, ol búkil qoǵamnyń arqaýy retinde kelisim men turaqtylyqtyń nyǵaıýyna yqpal etedi.

*** *** *** ***

Shyǵysta: «Áıel bir qolymen besikti terbetse, ekinshi qolymen álemdi terbetedi», deıdi. Táýelsiz elimizdiń ul-qyzdaryn tárbıelep, azamattarǵa senimdi tirek bolyp, qoǵam isine bilek sybana kirisip, qıyn qystaý kezde demeý bolyp júrgenderińiz úshin áıel qaýymyna alǵys aıtamyn.

*** *** *** ***

Kóktemdegi 8 naýryz — Halyqaralyq áıelder merekesimen ár shańyraqty shattyqqa bóleıtin analar men qyz-kelinshekterdiń qýanyshyna ortaqpyz. «Er eldiń ıesi, áıel — úıdiń kıesi» degendeı otbasyndaǵy bereke-birlikke, ómirdegi ásemdik pen náziktikke jolbasshy bola júrip, aınalasyna ınabattylyqtyń nuryn sepken analarymyz ben qyz-kelinshekterimizdi shyn júrekten quttyqtaımyz.

*** *** *** ***

Qurmetti arýlar!

Sizder bir otbasyn emes, búkil álemdi aıaly alaqandaryńyzben terbete alatyn, adamzat balasynyń ary, rýhy, jigerisizder. Táýelsiz Qazaqstanymyzdaǵy beıbit tirlik pen birliktiń, jarqyn bolashaqqa degen senimniń, izgilik pen meıirimdiliktiń uıytqysy da ózderińiz.

Búgingi merekelerińizben taǵy da bir márte quttyqtaı otyryp, denderińizge saýlyq, shańyraqtaryńyzǵa shattyq, yrys-qut tileımiz. Ár tańdaryńyz araılap atyp, kúnderińiz nurǵa tolsyn!

*** *** *** ***

Kók jelekti kóktemmen birge qýanysh syılaı keletin aıaýly analarymyzdyń, ápkelerimizdiń, qaryndastarymyzdyń tól merekesi - 8 naýryz
Meıramyn bárimiz asyǵa kútemiz. Er azamattar bul kúni gúl, syılyq daıyndap, anasynyń, qaryndastarynyń,súıiktisiniń júregine qýanysh syılaýǵa asyǵady.

Qurmetti qyz-kelinshekter! Sizderdi búgingi tól merekelerińizben shyn júrekten quttyqtap, densaýlyq, sulýlyq, baqyt, qýanysh tileımin! Árqashan myna ómirge sán berip, jylý taratyp, meıirim tógip, shýaq shashyp turǵandaryńyz úshin Sizder qashanda ózderińizdiń syıly, súıikti qadirli ekenderińizdi, Sizdersiz myna dúnıe bos ekenin umytpańyzdar!

*** *** *** ***

Jalǵyz júrip jol tabam deý dalbasa,
Jigit bolsań jar tabýǵa qam jasa!
Ol bar jerde sen ózińdi zor sana,
Ol bar jerde basqa baqyt ańsama!
— dep Tumanbaı aqyn jyrlaǵandaı mynaý búgingi 8 naýryz halyqaralyq qyz-kelinshekter merekesiniń uıtqysy qadirli bizdiń gúlderimiz!

Qustyń qos qanaty bar, adamnyń eki janary bar. Kún men tún bar, Aı men Kún bar. Sizdersiz jigit júregi — jetim. Búgingi sizderdiń merekelerińiz óz syńaryn izdegen «jetim» — júrek jigitter baqytynyń bastaýy bolsa eken! Mereke sońy toıǵa ulassyn!

*** *** *** ***

Búgin sizderdiń merekelerińiz. Er — azamatyńyz sizderdi qandaı erkelikterińiz bolsa da kóterýge mindetti. Degenmen qyz-kelinshekterge aıtarym: júrekteriniń bizdiń jaman jaqtarymyzdy emes, tek qana jaqsy qasıetterimizdi saqtap, qashanda aıdaı sulý, kúndeı jyly júzderińizden nur tógilip, súıikti de súıkimdi bolyp júre berińizder!

Qara jerge qar jaýar,
Qardy kór de etim kór.
Qar ústine qan tamar,
Qandy kór de betim kór.
— dep aqyldy arý Aqjúnis apamyz tap basyp aıtqan qazaqtyń aqmanar tándi, aq mamyq minezdi, qarlyǵash qanatty qarakóz qyzdarynyń baqytty bolýy úshin, otanymyzdyń gúli, júregimizdiń jyry, ejelgi zamanda «Qypshaq arýy kim?» degende, «Mine! dep álem halyqtaryna maqtanyshymyzdy pash etip kórsetken sulýlardyń jalǵasy — qadirli qyzdar, sizderdiń osynaý merekelerińiz úshin osyndaǵy jigitter qolyndaǵy qymyzdyń bir tamshysyn qaldyrmaı alyp tastaıdy.

*** *** *** ***

Aıaýly anam meniń!

Meıirim men mahabbattan jaralǵan keń júregińizden, qyzýy tula-boıymyzdy jylytqan ystyq alaqanyńyzdan, «aınalaıyn» dep mańdaıymyzdan emirene súıip erkeletken meıirimdi únińizden artyq biz úshin esh nárse de joq, mama!..

Mamataıym, ezýińizden kúlki nyshany ketpesin, tipti kózińizden tamǵan árbir tamshy jas qýanyshpen shattyqtan tamsyn! Júzińizden shýaq ketpeı bizdiń ortamyzda kúlip-oınap, shattyqqa kenelip, baqytqa bólenip júre berińiz, MAMA!!!

Mereke qutty bolsyn!

*** *** *** ***