InfoHub Logo

Sabaqtyń taqyryby: Abaı «Qalyń elim, qazaǵym, qaıran jurtym»
Sabaq maqsaty: Bilimdilik: Oqýshylarǵa Abaı óleńiniń mánin túsindire otyryp, sol kezdegi dáýir tynysyn, qazaq halqynyń minez ereksheligin uǵynýǵa jaǵdaı jasaý.
Damytýshylyq: Abaı shyǵarmalaryn oqý arqyly adam boıyndaǵy qasıetterdi saralaı bilýge, oı túıýge, mánerli sóıleýge daǵdylandyrý.
Tárbıelik: Oqýshylardy adamgershilikke, ımandylyqqa, eńbekqor bolýǵa tárbıeleý.
Sabaqtyń túri: aralas sabaq
Sabaqtyń tıpi: jańa sabaqty meńgertý
Sabaqtyń ádis - tásilderi: Blým taksonomıasy ádis - tásilderi, salystyrý,
taldaý, ınsert t. b.
Sabaqtyń kórnekiligi: Interaktıvti taqta, Abaı portreti, shyǵarmalar jınaǵy, «Abaı álippesi» oqý - ádistemelik quraly.

Sabaqtyń barysy:
İ. Uıymdastyrý kezeńi
İİ. Ótkendi eske túsirý
İİİ. Jańa sabaq.
Synyp oqýshylarynyń sabaqqa daıyndyǵyn qadaǵalaý. Ótkendi eske túsirý. Qosymsha suraqtar qoıylyp, jaýap alynady. Dápterge kúnniń reti men
jańa sabaq taqyryby jazylady.
Interaktıvti taqtadan Abaı sýreti men sabaq epıgrafy kórsetiledi.
«Abaı - qazaq halqynyń rýhanı qazynasyna ólsheýsiz úles qosqan ǵulama ǵana emes, el bolýyna ulan - ǵaıyr eńbek etken danager...» (N. Á. Nazarbaev)
Jańa sabaqqa jeteleý suraqtary:
− Abaıdyń shyǵarmashylyǵy týraly ne bilesizder?
− Abaı ómir súrgen kezeńge sıpattama berińiz?

Teorıasy «Bilý».
Jańa sabaq «Qalyń elim, qazaǵym, qaıran jurtym» óleńin Abaıtaný álippesi aýdıo quraly arqyly sóıleıtin qalam kómegimen oqý. Mátinge taldaý jasatý. (Oqýshylar ózderi uǵynǵan málimetterdi aıtady) Budan soń «Qalyń elim, qazaǵym, qaıran jurtym» óleńin Abaıdyń shyǵarmalar jınaǵynan qarap mánerlep oqyp tanysady.
Túsindirý ádisi: «Derekkóz» Dáptermen, oqýlyqpen jumys.
Óleń aldymen qazaqtyń keskinin kóz aldyńa alyp kep, keıin onyń ishki álemi - minezin asha bastaıdy. Qazaq halqyna aıtylǵan tereń oı jatyr.
Halyqtyń nadandyǵy men ákimsymaqtaryn synaıdy. «Qazaǵym», «elim», «jurtym» deı otyryp, Abaı halyq basyndaǵy muńǵa qınala sóıleıdi. İske joq, jyrtyń - jyrtyń maǵynasyz kúlki, qý sózdi, myljyń, bóspe, kúndiz kúlki, túnde uıqy buzý sebebi - óz malyna ózi ıe emes sorly.
Qosymsha málimet: Bul óleń 1886 jyly jazylǵan. 30 joldan turady.
Óleń mátini 1909, 1957 jylǵy jınaq jáne Múrseıt qoljazbalary (1905, 1910) boıynsha alyndy.
Teorıasy «Túsiný». Abaı tiliniń sózdigin jasaý.
Tyrtyń - qoldan kelmeıtin tyrashtanǵan is - áreket
Qıqym - Bir nárseniń maıda, usaq qaldyǵy
Yryq - óz qalaýy, erki
Sıyq - túr - turpat, kórik, túr - suryq
Qyrt, qyrtyń - kóp sóıleý, myljyń
Shyryq - berekeni alý, mazalaý

Abaı «Qalyń elim, qazaǵym, qaıran jurtym». júkteý