InfoHub Logo

Abylaıǵa qalmaqtyń hany elshi salyp:

— Tatýlyqqa keleıik, ylǵı qanǵa qumartyp, el talap, eldiń tynyshyn ala bermeıik! Bizge qonaqqa kel, keleshekte eldiń qamy úshin qam isteıik, — dep elshi jiberipti. Kelgen elshi bar sózin aıtyp bolǵan soń, han buǵan kónbekshi bolyp, «qonaqtar, jata turyńdar» dep, syr aldyrtpaı qaratypty.

Abylaı ár ýaqyt Andyǵoja batyrǵa aqyldasyp otyrady eken. Aqyldasamyn dep Andyǵojany shaqyrypty. Andyǵoja kelgen soń Abylaıǵa:

— Barma, — dep aqyl beripti, — biz qalmaqpen qandasqan elmiz, olar amalmen shaqyrtyp otyr, barýyńa kelise bermeımin, — depti.

Abylaı tosyp jatqan elshilerdi shaqyrtyp alyp:

— Men barmaımyn, — dep jaýap beripti. Sonda elshiler:

— Iapyr-aı, han alǵashqy kúni bylaı emes edi, muny azdyryp tastaǵan adam bar-aý! Ol qandaı adam eken? — dep kórýge qushtar bolyp, ishinara bilse kerek. «Andyǵoja batyrdy kórsetińiz» dep tilek etipti. Abylaı maquldap Andyǵojamen kezdestiripti.

Andyǵoja qabaqty, bet aldy yzǵarly adam eken. Sóılegende eki urtyn toltyryp alyp sóıleıdi eken. Sóıler aldynda ornynan bir qozǵalyp, qopaqtap qoıady eken. Sondaı qubylys belgilerin baıqap otyryp, qalmaqtyń elshisi Abylaıǵa aıtypty:

— Ýa, han, barmassyń, barmassyń, úıtkeni salmaǵyń óte kúshti eken, — depti.

Sonda Abylaı:

— Iá, elshim, neni bilip aıttyń? — depti. Sonda elshi aıtypty:

— Han, taq ıesi sen ekensiń, aqyl ıesi, el ıesi batyryń eken. Biraq batyryńnyń aldynda ózińe adam qyzyqpasa, artyna kisi qyzyǵar emes eken. Artyqsha ózine tartyp bala týmas, bóksesi jeńil eken. Aldynan jaý qashqandaı, aýzynan daý qashqandaı túri bar eken, — depti.

Sonda Abylaı:

— Mynany usta! Elshige áıel júrmeıdi, mynaý áıel eken, — depti.

Sonda elshi «qosh bolyńyzdar» dep qashyp, tartyp otyrypty.

Oqýǵa keńes beremiz:

Abylaı men Jarylǵap

Abylaıdy tutqynnan bosattyrǵan batyr

Burynǵy zamannyń adamdarynyń qandaı ekenin tanytýǵa sóılegen sóz

---