InfoHub Logo

Muǵalimi: Esekeeva L. E.

Qazaq tili 9 synyp
Sabaqtyń taqyryby: Ábilhan Qasteev týyndylary. Qalaý raı
Sabaqtyń maqsaty:
1. Bilimdilik:
kórnekti qazaq sýretshisi Ábilhan Qasteevtiń ómiri men shyǵarmashylyǵy týraly tereńirek málimet bere otyryp, adam ómirindegi ónerdiń mańyzdylyǵyn, alatyn ornyn, onyń jan dúnıesin túsinýge áserin tıgizý.
2. Damytýshylyq: oqýshylardyń oılaý qabiletin, zeıinin, pánge degen qyzyǵýshylyǵyn, sóılem quraý daǵdylaryn damytý;
synı turǵydan ártúrli tapsyrmalar berý arqyly oqýshylardyń shyǵarmashylyq qabiletin damytý;
3. Tárbıelik:
oqýshylardy uly sýretshiniń ómirin úlgi - ónege tutý arqyly ultjandylyqqa, eńbekke, óz bilimin baǵalaı bilýge tárbıeleý, ana tiline degen súıispenshiligin arttyr;
rýhanı - adamgershilik qundylyqtardy tereńdetip óz ómirlerinde paıdalana bilýge, ómirdi sulýlyq, jaqsylyq qyrynan qabyldaı bilýge tárbıeleý.
Kútiletin nátıje:
- Synı turǵydan oılaý qabiletteri damıdy.
- Alǵan bilimderin ómirde qoldana alady.
- Jalpy adamzattyq qundylyqtardy biledi.
- Aqıqat qundylyǵy men shyndyq qasıetterin ashady.
Sabaqtyń túri: kiriktirilgen, shyǵarmashylyq, ınteraktıvti
Sabaqtyń túri: aralas sabaq
Sabaqtyń ádisi: jeke. jup, toppen jumys, túsindirmeli, taldaý, áńgime, oı qozǵaý, satylaı keshendi taldaý, AKT, aýdıo - vıdeo ádisteri,.
Pán aralyq baılanys: Ózin - ózi taný, ádebıet, tarıh, beıneleý óneri. Kórnekilikteri: Qasteevtiń sýretteri, gazet – jurnaldar, qosymsha kórkem ádebıetter, ınteraktıvti taqta, naqyl sózder, úlestirmeli paraqshalar, tústi qaryndashtar, stıkerler.

Sabaqtyń barysy:
I. Uıymdastyrý kezeńi (amandasý, túgendeý, sheńber jasaý, taqpaq aıtý, 1, 2, 3sandary boıynsha 3 topqa bólý)

II. Úı tapsyrmasyn suraý
1. «Qazaq beıneleý óneri tarıhynan» taqyryby boıynsha 3 - tapsyrmada durys sóılemder jasaý, jalǵaýly sózderdi ajyratý.
2. Suraqtarǵa jaýap berý:
Beıneleý óneri degenimiz ne?
Onyń salalary qandaı?
Qazaq sýretshilerinen kimderdi bilesińizder?

III. Jańa sabaq.
Maqsat qoıý kezeńi:
Neni bilýimiz kerek?
1. Qazaqtyń beıneleý óneriniń salalary týraly
2. Ábilhannyń sýretshilik sheberligi
3. Uly babalarymyzdan qalǵan danalyq ósıet sózderin bilý
Neni úırenýimiz kerek?
1. Qazaq sýretshileri týraly;
2. Etistiktiń qalaý raıynyń jurnaqtaryn durys qoıa bilýdi;
3. Jalpy adamzattyq rýhanı – adamgershilik qundylyqtardy babalar sózinen úırený
2. Dáıeksóz.
«Ozar eldiń uly ónerli, qyzy minezdi keledi»
Maqal
1. Dáıeksózdi oqytý.
2. Dáıeksózdiń maǵynasyn qalaı túsinecińder?
3. Dáıeksózdi dápterge jazdyrý.
4. Qorytyndy sóz.

Ozar eldiń degende balalar, meniń oıyma Ahmet Baıtursynov atamyzdyń
«Basqalardan kem bolmas úshin bizge bilim, baılyq jáne kúsh kerek» degen sózi kelip tur. «Bilimdi bolý úshin oqý kerek, baı bolý úshin eńbek etý kerek, kúshti bolý úshin birlik kerek. Osynyń bári bolý úshin sabyrlyq kerek» deıdi. Sabyrlyqtyń arqasynda elimiz ozyq, ul, qyzdarymyz ónerli bolmaq.

İ. Qyzyǵýshylyǵyn oıatý. Oı shaqyrý.
«Sýret» týraly ne bilemiz? Árkim jeke - jeke sóz jasaý, tizbekteı jazý, jubymen bólisý, topta talqylaý, top múshesinen bireýi jaýap berý. Vıdeorolık kórsetý: «Ábilhan Qasteev» Sabaqtyń taqyryby: «Ábilhan Qasteev týyndylary»
Sabaqtyń taqyrybynda qazaq tiline tán dybystar bar ma? Fonetıkalyq taldaý jasaıyq (aýyzsha)
Á – daýysty,
İ – daýysty,
Q – daýyssyz,

1. Qazaq halqynyń sýret óneriniń basynda kim tur?
2. Ábilhan týraly ne bilesińder?
3. Qasteev týraly ózderiń oqyǵan tyń málimetter týraly aıtyńdar?
4. Ábilhan Qasteev ustazynyń «Bul ónerdi qaıdan úırendiń?» - degen suraǵyna ne dep jaýap beredi?
Taýdyń bulaǵynan,
Qoıdyń qulaǵynan.
Anamnyń kıizinen,
Eshkiniń múıizinen – úırendim dep jaýap beredi. Osy jaýabynan neni baıqaýǵa bolady?
- Onyń óz eliniń tabıǵatyn sheksiz súıgenin, onyń árbir zatynan ózine úlgi alǵanyn jáne anasyna degen qurmetin, súıispenshiligin, saǵynyshyn baıqaýǵa bolady.
Búgin biz elimizdiń ardaqty uly, aty ańyzǵa aınalǵan sýretshi Ábilhan Qasteev týraly, onyń ómir jolynyń qalyptasýy jáne sharyqtaý kezeńderi týraly áńgimeleımiz. Ábilhan Qasteev óziniń tabıǵı sezimtaldyǵynyń arqasynda talaı kórkem dúnıelerdi ómirge ákeldi, olardyń negizgi arqaýy týǵan jerge, óz halqyna degen orasan zor súıispenshilik edi.

1 - tapsyrma. Mátinmen jumys.
Sózdikpen jumys
jarqyn qubylys - ıarkoe ıavlenıe;
ákesinen erte aıyrylǵan - ostavshıs rano bez otsa;
tańǵaldyrý - ýdıvıt;
damý - razvıtıe;
úles qosý - vnestı vklad;
dúnıetanym - poznanıe mıra;
erekshelikteri - osobennostı;
nazar - vnımanıe.

(Toppen jumys) Toptyń attary:
1. «Jazýshylar»
2.«Sýretshiler» 3. 3. 3. «Tilshiler»
Top basshylaryn taǵaıyndaý
Tapsyrmalar:
İ top: Sýretshiniń ómiri.
İİ top: Sýretshiniń týyndylary. Ózderi salǵan sýretter jóninde áńgimeleý
İİİ top: Sýretshiniń murajaıy. Murajaı jóninde málimet berý 1. Ár top berilgen tapsyrma boıynsha poster toltyryp, qorǵaıdy.
2. Armandaryńyz qandaı? Kim bolǵyńyz keledi? Ár top óziniń atyna sáıkes armandaı otyryp, etistikti qalaý raıǵa aınaldyrtý.
Interaktıvti taqtada etistiktiń raılary erejesin túsindirý. Berilgen etistikterdi qalaý raıǵa aınaldyryp jazý.
Berilgen etistikterdiń raılary boıynsha grafıkalyq dıktant júrgizý.
Top boıynsha tapsyrmalar berý: (toptyq jumys)

İ top: INSERT strategıasy boıynsha keste toltyrý
İİ top: 5 joldy óleń quraý Ábilhan Qasteevke
İİİ top: Esse jazý

Qalaý raı týraly málimetterdi este saqtap, berilgen etistikterden qalaý raı formasyn jasap, sóılemder qurańdar.
Barý, bolý, kórý, salý, úırený, jazý.
Bar+ barǵym keledi, bol+ bolǵym keledi, kór+ kórgim keledi, sal+ salǵym keledi, úıren+ úırengim keledi, jaz + jazǵym keledi.
Mysaly: Men Qasteev atyndaǵy murajaıǵa barǵym keledi.

IV. Bekitý.
Óner, bilim, dostyq týraly maqal – mátelder aıtý.( Oıyn « Kim jyldam?»)
1. Bilimdi ólse, qaǵazda aty qalar,
Usta ólse, istegen zaty qalar.
2. Aqyl ozbaıdy, bilim tozbaıdy.
3. Oqý – bilim bulaǵy,
Bilim – ómir shyraǵy.
4. Oqý ınemen qudyq qazǵandaı.
5. Qyna tasqa bitedi, bilim basqa bitedi.
6. Ónerli jigit órde ozar, ónersiz jigit jer soǵar.
7. Aqyl kópke jetkizedi, óner kókke jetkizedi.
8. Ónerliniń qoly altyn, óleńshiniń sózi altyn.
9. Bilekti birdi jyǵar, bilimdi myńdy jyǵar.
- Jaraısyńdar balalar, osy maqaldyń bári ne týraly? Óner - bilim, dostyq, jaqsylyq týraly.

9. Túıindeý
Adam aqıqatty tanyp, súıispenshilikpen durys áreket etkende, onyń jan dúnıesinde ishki tynyshtyq ornap, bireýge qıanat jasamasa is - áreketi óz jemisin beredi.
- Endeshe, balalar, búgingi sabaǵymyzdyń dáıeksózin eske túsireıik.
«Ozar eldiń uly ónerli, qyzy minezdi keledi» - dep aıaqtaıyq.
Endeshe, barlyǵyń oqýlaryńdy jaqsy oqyp, ónerdi súıe bilińder, keleshek elge qalaýly úlken azamat bolyp, elimizdiń órkendeýine eńbek etińder. Kók týymyzdy árqashan bıikten jelbirete bereıik!

3) Toppen án aıtý. Án «Kók týdyń jelbiregeni».

Úıge tapsyrma. Qasteev atyndaǵy óner murajaıy týraly referat ázirleý.
Baǵalaý. Top basshylary óz múshelerin baǵalaý
Refleksıa. Sabaqqa degen óz kóńil - kúılerin bildirý. «Basbarmaq»
Sabaq «óte jaqsy» unady, «jaqsy» unady, «onsha» unaǵan joq