InfoHub Logo

Atyraý oblysy, Qyzylqoǵa aýdany,
Saǵyz selosy "Balaýsa" balabaqshasy
tárbıeshi Sısenova Jadyra

«Oıynshyqtar» áni
Maqsaty: Balalardyń jan - jaqty damýyna yqpal etý, sózdik qoryn damytý. Este saqtaý qabiletin arttyrý. Oıynshyqtardyń atyn, túsin jáne qandaı zattan jasalǵanyn, jekeshe, kópshe ataýlaryn, olarmen qalaı oınaý kerektigin túsindirip, uqyptylyqqa, ádemilikke tárbıeleý. Balalardyń oıynshyqtarǵa degen qyzyǵýshylyqtaryn arttyryp, súıikti oıynshyǵyn kútip ustaýǵa úıretý.
Ádis - tásilderi: túsindirý, kórsetý, sıpattaý, suraq, jaýap, qaıtalatý.
Kórnekiligi: oıynshyqtar, mashına, dop, ydys - aıaqtar, qýyrshaq t. b.
Sózdik jumys: ádemi, shash, sekirdi, tamaqtandy.

Sabaq barysy: Shattyq sheńberi.
- Balalar barlyǵymyz ornymyzdan turyp bir - birimizge jyly lebizimizdi bildireıik.
Aıda bireý aspanda,
Kúnde bireý aspanda.
Turatuǵyn eljirep,
Bárimizde bir júrek.
- Balalar, qazir jyldyń qaı mezgili?
- Qys mezgili.
- Qys mezgiliniń qandaı erekshelikteri bolady?
- Kún sýyq bolady, qar jaýady, jel soǵady.
- Qardyń túsi qandaı?
- Aq bolady.
- Jel qalaı soǵady?
- Gý - gý - gý - gý dep soǵady.

Ǵajaıyp sát.
(esik qaǵylady) İshke mashınamen qoıan keledi.
- Balalar qoıan qur kelmepti. Qolynda senderge ákelgen syılyǵy bar eken.
- Balalar, qarańdarshy, qandaı ásem, ádemi oıynshyqtar. Sender olardyń qalaı atalatynyn bilesińder me? (Balalar dop dep jaýap beredi).
- Balalar doptyń pishini qandaı?
- Túsi qandaı?
- Doptyń qımyly qandaı?
- Sekiredi.
- Qane, barlyǵymyz dopsha sekireıik.
Dop týraly taqpaq bilesińder me?

Aıym: Dobym, dobym, domalaq,
Toqtamaısyń, domalap.
Ústel ústin búldirdiń,
Tarelkeni syndyrdyń.
- Balalar, munda kóptegen qýyrshaqtar bar. Qýyrshaqtyń ádemi shashy, ádemi kóılegi bar eken. Qýyrshaq qalaı júredi. (Balalar qýyrshaqqa uqsap júredi).
Myna oıynshyq qandaı?
- Mashına
- Mashına týraly taqpaq bilesińder?
Bekzat: Úlkenmin ǵoı mine men,
Oıynshyqtardy jınaımyn.
Mashınaǵa miner em,
Kabınaǵa syımaımyn.
Myna oıynshyq qalaı atalady?
- Ydys - aıaq.
- Bizder ydys - aıaqty ne úshin qoldanamyz? Analarymyz tamaq pisiredi, ata - ájelerimiz sháı ishedi.(Balalarǵa sháı ishý tásili kórsetiledi).
Aıqyn: bizge ydys - aıaq týraly taqpaq aıtyp beredi.
Kese, shyny, pıala,
Olarsyz sháı quıa ma?
Qasyqsyz tamaq jemeımiz,
Báriniń atyn ne deımiz?(Balalardyń jaýaby)
- Balalar bulardyń ataýyn ne deımiz?
- Oıynshyqtar.
- Endeshe, «Oıynshyqtar» ánin oryndaımyz.
Bizderde de bar qýyrshaq,
Buzaý, qozy, qulynshaq.
Oıynshyqtar oınaıdy,
Aıtqanyńdy tyńdaıdy.
(Balalar áýenmen oryndaıdy).
- Balalar, bizge qonaqqa kim keldi?
- Qoıan
Qoıan senderge syılyqqa ne ákeldi?
- Oıynshyqtar ákeldi.
- Senderge oıynshyqtar unady ma?
- Unady.
- Oıynshyqtar týraly án unady ma?
Unady.
- Balalar, qonaǵymyz senderge rıza boldy. Endi rahmetimizdi aıtyp shyǵaryp salaıyq.
- Barlyǵyńyz búgingi sabaqqa jaqsy qatystyńyzdar.
Sizderge rahmet!