InfoHub Logo

Kóptegen jaǵdaılardyń áserinen keıbir qalalar turǵyzylǵan kúıi sol qalpy elsiz bolyp qalǵan. Nazarlaryńyzda dál sondaı qalalar tizimi. 

1. Kanbashı
Qytaıdyń soltústiginiń Ordos qalalyq okrýginde 300 myń adamǵa arnalǵan Kanbashı qalasy bar. Qurylystyq serpilis kezinde turǵyzylǵan qala sol kúıi jyljymaıtyn múlikke salynǵan ınvestısıa bolyp qaldy.

 
Ǵalamdyq qarjylyq daǵdarys qurylysshylardyń talpynysyn basyp, endi keıbiri salǵan qarjysynyń tym quryǵanda bir bóligin qaıtarý úshin bos munaralardy jaryp, alyp jatqan jerin basqa ınvestorlarǵa satýdy oılastyryp júr. 

 

2. Sesenı qala mańy
Ispanıanyń Sesená qalasynyń kireberisinde, Madrıd pen Toledonyń ortasynda, jyljymaıtyn múlikke joǵary suranys kezinde mıllıarder Fransısko Ernando 13500 páterge eseptelgen orasan zor turǵyn úı keshenin turǵyzady. Bul jeke salýshylar salǵan Eýropadaǵy eń iri keshen bolyp tabylady.

 
2008 jyly Ernando 2 myń páterdi joba kredıtshilerine beredi, biraq bılik páterlerdi satýǵa tıym salady, óıtkeni onda aýyz sýy tartylmaǵan jáne ǵımarattarǵa jaıǵasýǵa bolatyndyǵy jaıly ruqsat qaǵazy bolmaıdy. Budan ózge ınfraqurylym men jol da salynbaǵan bolyp shyǵady. Sońynda Ernando salyq tólemegeni úshin jáne para bergeni úshin aıyptalady, nátıjesinde ol qurylysty tastap, Ekvatorlyq Gvıneıaǵa qashýǵa májbúr bolady. 

3. Kıdjondon
Demılıtarızasıalyq shekaraǵa jaqyn ornalasqan soltústik koreılik Kıdjondon qalasyn kóbine «nasıhat aýyly» dep ataıdy. Bul Ońtsútik Koreıanyń shekarasynan baqylaýǵa ruqsat etilgen Soltústik Koreıanyń tolyqtaı jabylǵan jalǵyz eldi mekeni.

 
Kıdjondon ishki keńistiksiz, biraq elektr júıesi tartylǵan ashyq, jasandy úılerden turady. Terezeden túsetin jaryq ǵımarattyń naqty bir jerlerinde jáne naqty bir ýaqytta janady. Keıde qaladan qurylysshylardy, áskerılerdi jáne tereze jýatyn áıelderdi baıqap qalýǵa bolady. 

4. Kılamba
Qytaıdyń Halyqaralyq dúnıe-múlikti basqarý ınvestısıalyq birlestigi Angolanyń astanasy Lýandadan 30 km qashyqtyqta Kılamba qalasyn saldy. 750 segizqabattyq turǵyn úıler 500 myń adamnyń turýyna eseptelgen, olarǵa sonymen qatar júzdegen saýda ortalyqtary men ondaǵan mektep salyndy. 

Qurylystyń aıaqtalýyna qaramastan, Kılambada qazirge deıin tek 220 páter satylǵan, sebebi Angolanyń kóptegen turǵyny ıpotekanyń kómegimen de páter alýǵa jaǵdaılary joq.

---