InfoHub Logo

Dinı fanatızm –  sektany ustanýshynyń ǵana emes, onyń januıasynyń da qaıǵysy men apatyna ákeletin dert. Mundaı adamdar adasýshylyqqa, aqylsyzdyqqa beıim jáne basqalardy estip, túsine almaıdy. Dinı fanattar – bir nársege soqyr senetin belgili bir aǵymdardy ustanýshylar. Dálirek aıtqanda: adam tek óziniń durystyǵyna nemese osy jolda nusqaýshy jetekshiniń durystyǵyna senimdi. Óıtkeni eshbir destrýktıvti uıym kóshbasshysyz jumys isteı almaıdy. Eń aldymen, fanat óziniń synı oılaýdan ada ekenin kórsetedi, óıtkeni ol alynǵan aqparatty túsinbeıdi, oılamaıdy, synı turǵydan qarastyrmaıdy, biraq shyndyqty bir ǵana nárseden kóre otyryp, ony tolyǵymen ózine sińiredi. Basqasha oılaıtyndardyń bári oǵan jaý. «Olar shyndyqty bilmeıdi, nadandar» dep oılaıdy. Keıde fanat onymen pikirlesýge tyrysatyn adamdardan qutylady nemese olardy ózinen aýlaq ustaıdy. Psıhologıa turǵysynan mundaı adamdardyń mineziniń aksentýasıasyna beıimdiligi bar dep aıtýǵa bolady. Olar ne nársege senetinin kórsetýi kerek,olar muny ózderiniń dinı zattary, syrtqy túri arqyly jasaıdy. Olar odan ózderiniń tynyshtyǵyn kóredi, ómir súredi. Qarapaıym ómirde ár adamnyń óz kýmırleri bar jáne adam árqashan bireýge elikteýge tyrysady dep aıta alamyz, mysaly, kıiný nemese shash úlgisi boıynshuqsaǵysy kelýi, ıaǵnı óziniń bir nársege adaldyǵyn kórsetý.

Eger syrtqy áser týraly aıtatyn bolsaq, onda adam árqashan qoǵamǵa táýeldi jáne ol úshin basqa adamnyń pikiri óte mańyzdy. Mysaly, ony basqalar túsinbeıdi nemese ol balalyq shaǵynda psıhologıalyq jaraqat aldy, biraq ol kenetten ony jaqsy túsinetin adamdardy kezdestirdi (men mundaı uıymdardyń jetekshileri óte jaqsy psıhologtar ekenin eskertemin, olar ártúrli ádisterdi qoldanady, meıli ol ártúrli empatıa ádisteri bolsyn nemese basqasha bolsyn). Kóshbasshy óziniń barlyq is-áreketimen ondaı adamǵa janashyrlyq tanytatynyn, onyń dál ózine qajet ekenin kórsetedi. Bireýdiń sizge beı-jaı qaramaıtyndyǵy, siz qandaı da bir ıdeıa úshin ómir súretinińiz týraly sezim beredi, adam ózi úshin qandaı da bir mısıany kóredi. Biraq olar bireýdiń saıası jáne ekonomıkalyq qyzmetine  jem bolǵanyn túsinbeıdi.  Qazir biz ártúrli áleýmettik jelilerde ezoterıka, satanızm máselelerine qyzyǵýshylyqty baıqaı alamyz. Buǵan jastardyń qyzyǵýshylyǵy joǵary, ony jasóspirimder arasynda estradalyq mádenıet pen beıresmı mádenıet nasıhattaıdy. Fanatızm árqashan bolatynyn atap ótkim keledi. Eń bastysy, bizdiń qoǵam, biz ne isteımiz, osy fanatızmge jol beremiz be? Eń aldymen, men barlyq ata-analardy bala kezinen bastap balanyń múddeleri týraly bilýge ​​​​shaqyrǵym keledi: onyń kýmıri kim,kimge nemese nege elikteıdi degen sekildi suraqtar qoıý óte mańyzdy.

M.Jumabaev: «Jas bala – jas bir shybyq, jas kúnde qaı túrde ıip tastasań, eseıgende sol ıilgen kúıinde qatyp qalmaq», – degen eken. Sol sebepti urpaq tárbıesi ol el bolashaǵy,oǵan asa mán aýramasqa bolmaıdy.

Bekbolat Aıda Ersinqyzy. Ǵylymı jetekshi: Týngatova Ýljan Askarbaevna

---