InfoHub Logo

Sabaq taqyryby: Ádemi sóz – ádeptilik
Sabaqtyń maqsaty:
• Balalardy adamgershilikke, ınabattylyqqa, ádeptilikke tárbıeleý
• Balalardyń syılastyq týraly aqyl - oıyn oıatý.
• Úlkendi syılaýǵa, qurmet kórsetýge tárbıeleý
Kórnekti quraldar: Sújetti sýretter, mýzyka, slaıd, rolık
Sabaqtyń barysy:
Uıymdastyrý kezeńi:
Topta án oınap tur. Balalardy dostyq sheńberge shaqyryp, qonaqtarmen sálemdesý.
Tabıǵat bizdiń anamyz,
Tabıǵatqa balamyz
Iilip sálem beremiz
Biz ádepti balamyz.
Amansyz ba? Sálemetsiz be?
Trenıń: «Men qandaımyn?»
Balalar jaýaby: ádemi, aqyldy, meıirimdi, ádepti.
Tárbıeshi:
Sender qandaı sulý, meıirimdi, aqyldy balalarsyńdar. Balalar, biz búgin ádeptilik, syılastyq týraly aıtamyz. Aıtyńdarshy ádeptilik degenimiz ne?
Ádeptilik degenimiz –
úlkenderdi syılaý,
bir - birińdi renjitpeý,
kishkentaılardy aıalaý,
jaman sóz aıtpaý, ádepti bolyp jaqsy ister jasaýymyz kerek.
Olaı bolsa balalar, ádeptilik jaıynda ne biledi ekenbiz?

Janerke:
Sálemetsiz be aǵaı dep, Sálemetsiz be apaı dep,
Esensiz be ájeı dep, amansyz ba, ataı dep,
Ul - qyz sálem beremiz, ónegeli órenbiz!
Quralaı:
Syılap sálem beremin,
Kórshilerdi kórgende.
İzetti de bilemin
Úıge qonaq kelgende.

Tárbıeshi:
Janerke men Quralaı bizdi amandasýdyń túrlerimen tanystyrdy. Al balalar ádeptilik dastarhan basyna otyrýdan bastalady eken. Endeshe dastarhan basyndaǵy ádeptilik jaıynda Nuraı aıtady.

Nuraı:
Dastarhannyń basynda
Ádepten biz ozbaımyz.
Úlkenderdiń qasynda
Qoldy buryn sozbaımyz
Tárbıeshi:
Nuraı, durys aıtady balalar. Dastarhan da otyrǵanda ádepti bolyp, úlkenderden buryn qoldy sozýǵa bolmaıdy. Ádeptilik jóninde ereje bar:

1. Dastarhan basyna keshikpegen jóń.
2. Tamaq isherde bárine, «As dámdi bolsyn!» dep tilek bildirý kerek.
3. As ústinde kóp sóılemegen durys.
4. Taǵamdy ezgilemeı, taýysyp ishý kerek.
5. As ústinde súrtkishti qoldaný kerek, nandy úgitpe, qabyǵymen bárin je.
6. Dámdi taǵam úshin alǵys aıtýdy umytpa.

Jánıa:
Syqpaı ish tamaqty,
Jalama aıaq - tabaqty.
Pyshaqty usta oń qolmen,
Shańyshqyny sol qolmen.
Tomırıs:
Nandy úgitpe, qadirle,
Qabyǵymen bárin je
Aısaıa:
Syılap úlken kisini,
Qamqorlyqqa al kishini.

Oıyn: «Biz kóńildi balamyz»
Slaıd kórsetý

Tárbıeshi:
ádeptilik, adamgershilik týraly taqpaqtar aıtamyz.
Arýjan:
Anań seniń bazardan,
Alma satyp ákeldi.
Eń úlkenin, jaqsysyn,
Saǵan tańdap áperdi.
Ne dep baryp jeý kerek?
Balalar: «Rahmet!» - deý kerek.